Womusu 40:6 - Bibeli Gusunɔn Gari

⁶ Gusunɔ nɛn Yinni, wunɛn sɔm ɡeenu kɑ wunɛn himbɑ ye ɑ sun kuɑ yɑ dɑbi. Gusunɔ, ɑ kpɑ̃, ɑ ǹ sɑɑrɑ mɔ. Nɑ kĩ n ye kpuro kpɑrɑ n tɔmbu nɔɔsiɑ. Adɑmɑ yen ɡeerɑ kpɑ̃ sere nɑ ǹ kpɛ̃ n ye sɑɑri.

Womusu 40:6 ပူးပေါင်းရင်းမြစ်များ

Yoobu 33:16

Miyɑ u rɑ nùn kure u kɑ nùn kirɔ ko.

Yoobu 5:9

U rɑ ɡɑ̃ɑ bɑkɑnu kowɑ ni tɔnu kun kpɛ̃ u ɡiɑ. U rɑ mɑɑmɑɑki dɑbinu ko.

Womusu 139:17

Gusunɔ, wunɛn bwisikunu nu duku. Nin dɑbirɑ bɑndɑ.

Womusu 139:18

Nɑ̀ n nu ɡɑrimɔ, nu yɑni sɛɛri dɑbiru kere. Nɑ̀ n mɑɑ dom seewɑ, nɑ rɑ n wɑ̃ɑ kɑ wunɛ.

Womusu 50:8

N ǹ bɛɛn yɑ̃kunun sɔ̃ nɑ bɛɛ ɡerusimɔ. Domi nɑ rɑ bɛɛn yɑ̃ku dɔ̃ɔ mwɑɑrɑruɡinu mwɛ bɑɑdommɑ.

Womusu 51:16

Gusunɔ, wunɛ wi ɑ mɑn fɑɑbɑ kuɑ, ɑ ku mɑɑ mɑn ɡoon yɛm bikiɑ. Ko nɑ n wunɛn ɡem mɛ ɑ mɑn wɛ̃ tɑkɑru mɔ̀.

Womusu 71:15

Kpɑ n wunɛn ɡem kɑ wunɛn fɑɑbɑn ɡɑri kpɑrɑ tɔ̃ɔ bɑɑtere. Domi yɑ ǹ nɔru mɔ.

Yɑribu 21:6

sɑɑ yerɑ yinni wi, u koo kɑ nùn dɑ Yinni Gusunɔn sɑ̃ɑ yerɔ. Miyɑ u koo nùn sɛririsiɑ sɑ̃ɑ yee ten ɡɑmboɔ, u nùn swɑɑ yɑbɑ kɑ sɔkurɑ. Kpɑ n sɑ̃ɑ yĩreru mɑ yoo wi, u sɑ̃ɑwɑ win yoo sere kɑ bɑɑdommɑɔ.

Esɑi 1:11

I tɑmɑɑ bɛɛn yɑ̃ku dɑbi ni, nu mɑn ɡɑ̃ɑnu sɑ̃ɑ? Bɛɛn yɑ̃ku yɑ̃ɑnu kɑ yɑ̃ku ɡum mɛ i rɑ kɑ mɑn yɑ̃ku dɔ̃ɔ mwɑɑrɑruɡinu kue, yɑ den mɑn tusɑ. Nɑ wɑsirɑ kɑ bɛɛn yɑɑ sɑbenun yɛm mɛ i rɑ yɛ̃ke nɛn sɑ̃ɑ yerɔ.

Esɑi 25:1

Yinni Gusunɔ, wunɑ ɑ sɑ̃ɑ nɛn Yinni, wunɑ kon tɔmɑ, kpɑ n wunɛn yĩsiru wɔlle suɑ. Domi ɑ ɡɑ̃ɑ bɑkɑnu kuɑ, wunɛn himbɑ ye ɑ yi sɑɑ yellun di, yɑ ǹ kɔsɑ.

Esɑi 66:3

Adɑmɑ nɛn tɔmbun sɑ̃ɑru tɑ ǹ ɑrufɑɑni ɡɑɑ mɔ. Nɛn nɔni sɔɔ, wi u kɑ kɛtɛ yɑ̃kuru kuɑ kɑ wi u koo rɑɑ kɑ tɔnu yɑ̃kuru ko, bɑ sɑ̃ɑwɑ tiɑ. Wi u mɑɑ kɑ yɑ̃ɑru yɑ̃kuru mɔ̀ kɑ wi u koo rɑɑ kɑ bɔ̃ɔ yɑ̃kuru ko, bɑ sɑ̃ɑwɑ tiɑ. Wi u kɑ kɛ̃ru nɑɑmɔ te tɑ sɑ̃ɑ som, kɑ wi u koo rɑɑ kɑ kurusɔn yɛm nɑ, bɑ sɑ̃ɑwɑ tiɑ. Wi u turɑre dɔ̃ɔ dokemɔ nɛn yɑ̃ku yerɔ, kɑ wi u bũu sɑ̃ɑmɔ, bɑ sɑ̃ɑwɑ tiɑ. Tɔn ben bɑɑwure u nɛn swɑɑ deri u swɑɑ tukɑ mwɑ ye u kĩ, mɑ ben ɡɔ̃ru ɡɑ ǹ bu tɑɑrɛ wɛ̃ɛmɔ.

Osee 6:6

Domi wɔnwɔndɑ nɑ kĩ, n ǹ mɔ yɑ̃kuru. Mɛyɑ nɑ mɑɑ kĩ nɛn tɔmbu bu mɑn ɡiɑ n kere bu mɑn yɑ̃ku dɔ̃ɔ mwɑɑrɑruɡinu kuɑ.

Amɔsu 5:22

Ì n nùn yɑ̃ku dɔ̃ɔ mwɑɑrɑruɡiru kuɑ kɑ mɑɑ kɛ̃nu, u ku rɑ nu mwɛ. Mɛyɑ u ku rɑ mɑɑ bɛɛn siɑrɑbun yɑ̃kunu mɛɛri ni i rɑ ko kɑ yɑɑ sɑbe ni nu ɡum mɔ.

Mɑteu 12:7

Ì n dɑɑ tubɑ ye Gusunɔn ɡɑri ɡeruɑ yi yi nɛɛ, “Wɔnwɔndɑ nɑ kĩ, n ǹ mɔ yɑ̃kuru,” i ǹ dɑɑ tɑɑrɛ sɑriruɡibu tɑɑrɛ wɛ̃ɛmɔ.

Mɑteu 9:13

I doo i Gusunɔn ɡɑrin tubusiɑnu kɑsu yi yi nɛɛ, “Wɔnwɔndɑ nɑ kĩ, n ǹ mɔ yɑ̃kuru.” Domi nɑ ǹ nɛ n kɑ ɡeeɡibu soku mɑ n kun mɔ torobu.

Sɑmuɛli I 15:22

Sɑmuɛli u nɛɛ, mbɑ Yinni Gusunɔ u kĩru bo. Yɑ̃kunu? Nɡe mɛm nɔɔbu. Wee mɛm nɔɔbu bu yɑ̃kuru kere. Wii kpĩibu bu mɑɑ yɑ̃ku yɑɑ ɡum kere.