Womusu 40:5 - Bibeli Gusunɔn Gari

⁵ Doo nɔɔruɡiiwɑ wi u Yinni Gusunɔ nɑɑnɛ sɑ̃ɑ, wi u ku rɑ ɡɛre u tii suobu kɑ wee kowobu swĩi.

Womusu 40:5 ပူးပေါင်းရင်းမြစ်များ

Yoobu 26:14

Adɑmɑ yeni kpuro yɑ sɑ̃ɑwɑ win kookoo piiminu. Nin wɔkinun fiikowɑ sɑ rɑ n nɔɔmɔ. Ǹ n mɛn nɑ, wɑrɑ u koo kpĩ u win dɑm ɑsɑnsi tubu ù n ɡbɑ̃rɑ nɡe ɡurɑ.

Yoobu 5:9

U rɑ ɡɑ̃ɑ bɑkɑnu kowɑ ni tɔnu kun kpɛ̃ u ɡiɑ. U rɑ mɑɑmɑɑki dɑbinu ko.

Yoobu 9:10

U rɑ sɔm bɑkɑnu ko ni bɑ ǹ kpɛ̃ bu tubu. U rɑ sɔm mɑɑmɑɑkiɡinu ko dɑbi dɑbinu.

Womusu 136:4

Wi turowɑ u rɑ sɔm mɑɑmɑɑkiɡii bɑkɑnu ko. Win wɔnwɔndu tɑ ku rɑ kpe.

Womusu 139:6

Yɛ̃ɛ ten bweseru tɑ mɑn sɑ̃ɑwɛ mɑɑmɑɑki bɑkɑ. Tɑ kpɑ̃, nɑ ǹ kpɛ̃ n tu tubu.

Womusu 71:15

Kpɑ n wunɛn ɡem kɑ wunɛn fɑɑbɑn ɡɑri kpɑrɑ tɔ̃ɔ bɑɑtere. Domi yɑ ǹ nɔru mɔ.

Womusu 73:28

Adɑmɑ nɛ, n mɑn wɛ̃re nɑ n wɑ̃ɑ wunɛn bɔkuɔ Yinni Gusunɔ. Domi nɑ kuku yee nɑɑnɛɡiru wɑ wunɛ sɔɔ. Kon kpɑrɑ ye ɑ mɑn kuɑ kpuro.

Womusu 92:5

Yinni Gusunɔ, ye ɑ kuɑ yɑ mɑn nuku dobu wɛ̃. Mɑ nɑ ye kpuro siɑrɑmɔ kɑ womusu.

Yɑribu 11:8

Mɑ Mɔwisi u kpɑm nɛɛ, wunɛn bwɑ̃ɑbu kpuro bɑ koo nɑ bu kpunɑ nɛn wuswɑɑɔ bu mɑn sɔ̃ bu nɛɛ, n yɑrio kɑ nɛn tɔmbu kpuro be bɑ mɑn swĩi. Yen biru nɑ kon den yɑri n doonɑ. Ye u ɡɑri yi ɡeruɑ u kpɑ, mɑ u yɑrɑ Eɡibiti sunɔn min di kɑ mɔru bɑkɑ.

Yɑribu 15:11

Yinni Gusunɔ, mbɑ n kɑ nun weenɛ ye tɔmbɑ sɑ̃ɑmɔ kpuro sɔɔ. Mbɑ n kɑ nun dɛɛrɑru nɛ, wunɛ wi ɑ nɑnum mɔ. Mbɑ n kɑ nun weenɛ, wunɛ wi bɑ koo siɑrɑ. Mbɑ n kɑ nun weenɛ, wunɛ wi ɑ rɑ sɔm mɑɑmɑɑkiɡinu ko.

Yeremi 29:11

Yinni Gusunɔ u mɑɑ nɛɛ, u yɛ̃ himbɑ ye u yii bɛɛn sɔ̃. Himbɑ ɡeɑ, n ǹ mɔ himbɑ kɔ̃sɑ. U koo de ye i yĩiyɔ yu bɛɛ koorɑ siɑ.