Womusu 40:17 - Bibeli Gusunɔn Gari

¹⁷ Adɑmɑ ɑ de be bɑ nun kɑsu bɑ n nuku dobu mɔ. Kpɑ be bɑ wunɛn fɑɑbɑ wurɑ bɑ n yɛ̃ɛrimɔ wunɛn sɔ̃. Kpɑ bɑ n ɡerumɔ mɑ Yinni Gusunɔwɑ kpɑ̃ɑru bo.

Womusu 40:17 ပူးပေါင်းရင်းမြစ်များ

Womusu 109:22

Wee nɑ sɑ̃ɑ wɔnwɔndo, nɑ ǹ ɡɑ̃ɑnu mɔ, mɑ nɑ nuki sɑnkire.

Womusu 34:4

I kɑ mɑn Yinni Gusunɔ wɔlle suo, su win yĩsiru bɛɛrɛ wɛ̃ sɑnnu.

Womusu 34:6

Be bɑ nùn wuswɑɑ kisi, bɑ rɑ n nuku dobu mɔwɑ. Bɑ ǹ mɑɑ ben wuswɑɑ wukirimɔ sekurun sɔ̃.

Womusu 35:27

Adɑmɑ ɑ de be bɑ nuku dobu mɔ nɛn tɑɑrɛ sɑrirun sɔ̃ bu yɛ̃ɛri, kpɑ bɑ n wunɛ Yinni Gusunɔ siɑrɑmɔ bɑɑdommɑ, wunɛ, wi ɑ kĩ nɛ, wunɛn sɔm kowo nɑ n wɑ̃ɑ bɔri yɛndu sɔɔ.

Womusu 40:5

Doo nɔɔruɡiiwɑ wi u Yinni Gusunɔ nɑɑnɛ sɑ̃ɑ, wi u ku rɑ ɡɛre u tii suobu kɑ wee kowobu swĩi.

Womusu 54:4

Yinni Gusunɔ, ɑ swɑɑ tem kpĩiyɔ kpɑ ɑ nɛn kɑnɑru nɔ.

Womusu 69:33

Be bɑ ɡɛmɑ, bɑ̀ n yeni wɑ, bɑ ko n nuku dobu mɔ. Bɛɛ be i Gusunɔ kɑsu, i ko n ɡɔ̃ru dobu mɔ bɛɛn wɑ̃ɑru sɔɔ.

Womusu 70:5

A de be bɑ nun kɑsu bɑ n wɑ̃ɑ nuku dobu sɔɔ. Kpɑ bɑ n yɛ̃ɛrimɔ wunɛ sɔɔ. A de be bɑ mɑɑ wunɛn fɑɑbɑ kĩ bɑ n kpɑrɑmɔ sɑɑ kpuro mɑ ɑ kpɑ̃.

Womusu 86:1

Dɑfidi u kɑnɑru kuɑ u nɛɛ, Yinni Gusunɔ, ɑ mɑn swɑɑ dɑkio kpɑ ɑ nɛn kɑnɑru nɔ. Wee nɑ sɑ̃ɑru kɑ wɔnwɔndu soore.

Esɑi 25:9

Tɔ̃ɔ te sɔɔ, bɑ koo Yinni Gusunɔ sɔ̃ bu nɛɛ, wunɑ ɑ sɑ̃ɑ bɛsɛn Yinni wi sɑ nɑɑnɛ sɑ̃ɑ. Wunɑ ɑ sun fɑɑbɑ kuɑ. Su nuku dobu ko kpɑ su yɛ̃ɛri fɑɑbɑ yen sɔ̃.

Esɑi 41:17

Sɑnɑm mɛ bɛɛ nɛn tɔmbu i wɔnwɔndu soore i nim kɑsu i ǹ wɑ, mɑ bɛɛn yɑri yi ɡbere nim nɔrun sɔ̃, nɛ, Gusunɔ bɛɛn Yinni, kon bɛɛ nɔɔri. Nɑ ǹ bɛɛ derimɔ.

Mɑteu 8:20

Yesu u nùn wisɑ u nɛɛ, sɛmusu bweusu mɔ, ɡunɔsu su mɑɑ sokunu mɔ. Adɑmɑ nɛ Tɔnun Bii nɑ ǹ nɛn tii ɑyeru ɡɑru mɔɔwɛ mi kon kpunɑ.

Korinti II 8:9

Domi i bɛsɛn Yinni Yesu Kirisin durom yɛ̃, wi u sɑ̃ɑ dukiɑɡii mɑ u tii kuɑ sɑ̃ɑro bɛɛn sɔ̃ kpɑ win sɑ̃ɑ te, tu kɑ bɛɛ ko dukiɑɡibu.

Heberu 13:6

Yen sɔ̃nɑ sɑ ko kpĩ su tororu so su nɛɛ, “Yinni Gusunɔwɑ sɑ̃ɑ wi u koo mɑn somi. Nɑ ǹ ɡɑ̃ɑnu ɡɑnun bɛrum mɔ. Mbɑ tɔnu koo kpĩ u mɑn kuɑ.”

Yɑkɔbu 2:5

Nɛn kĩnɑsibu, i swɑɑ dɑkio. Gusunɔ u bu ɡɔsɑ be bɑ sɑ̃ɑ sɑ̃ɑrobu hɑnduniɑn nɔni sɔɔ bu kɑ ko dukiɑɡibu ben nɑɑnɛ dokebun sɔ̃, kpɑ bu bɑndu di te u be bɑ nùn kĩ nɔɔ mwɛɛru kuɑ.

Piɛɛ I 2:23

Ye bɑ nùn wɔnwɑ u ǹ wɔmburu kɔsie. Ye bɑ nùn nɔni sɔ̃ɔwɑ u ǹ bu bɔ̃rusi, ɑdɑmɑ u tii Gusunɔ wi u rɑ siri dee dee wɛ̃wɑ.

Piɛɛ I 5:7

I bɛɛn wɑhɑlɑ kpuro sɔbio win mi, u koo bɛɛ nɔɔri.

Kɑ̃siru 22:20

Wi u ɡɑri yini kpuro ɡeruɑ u yi sirewɑ u nɛɛ, mɛyɑ, u sisi u ǹ tɛɛmɔ. Ami, ɑ nɑ Yinni Yesu.