Womusu 39:6 - Bibeli Gusunɔn Gari

⁶ N wee ɑ nɛn tɔ̃ru yĩirɑ kɑ wunɛn nɔmɑn yɑsum, mɑ nɛn wɑ̃ɑrun sɑnɑm kun ɡɑ̃ɑnu turɑ wunɛn nɔni sɔɔ. Kɑ ɡeemɑ tɔnu bɑɑwure koo doonɑ nɡe woo tiɑ,

Womusu 39:6 ပူးပေါင်းရင်းမြစ်များ

Yoobu 14:1

Yoobu u nɛɛ, tɔnu wi bɑ ɡesi mɑrɑ, win wɑ̃ɑrɑ ku rɑ n dɛ̃u. Mɛyɑ tɑ rɑ n mɑɑ nɔni swɑ̃ɑru yibɑ.

Yoobu 7:16

Wɑ̃ɑrɑ den mɑn tusɑ mɛ. Nɑ ǹ mɑɑ kĩ nɑ n wɑ̃ɑ sere kɑ bɑɑdommɑɔ. Nɛn wɑ̃ɑrɑ kun sɑ̃ɑ ɡɑ̃ɑnu, ɑ mɑn derio sɛ̃ɛ.

Yoobu 7:7

A yɑɑyo mɑ nɛn wɑ̃ɑrɑ sɑ̃ɑwɑ wɛ̃siɑ teeru. Nɛn nɔni kun mɑɑ durom wɑsi.

Womusu 127:2

Kɑm sɔɔrɑ kɑɑ wɑhɑlɑ ko ɑ kɑ wunɛn dĩɑnu wɑ ɑ di. Kɑɑ se buru buru yellu kpɑ ɑ kpunɑ sere wɔ̃ku suunu sɔmburun sɔ̃. Adɑmɑ wi Gusunɔ u kĩ, u rɑ nùn dĩɑnu wɛ̃wɑ bɑɑ yɛ̃ro ù n dò.

Womusu 144:4

Tɔnu u sɑ̃ɑwɑ nɡe woo. Win wɑ̃ɑrun tɔ̃nu nu sɑ̃ɑwɑ nɡe sɑɑru te tɑ rɑ doonɛ.

Womusu 89:48

A yɑɑyo nɡe mɛ nɛn wɑ̃ɑrun tɔ̃ru tɑ dɛ̃ɛbu nɛ. A yɑɑyo mɑ tɔnu wi ɑ tɑkɑ kuɑ kpuro u koo rɑ ɡbi.

Mɔnnu 13:22

Tɔn ɡeon dukiɑ yɑ rɑ kowɑ win bibun bweseruɡiɑ, ɑdɑmɑ tɔn kɔ̃soɡiɑ yɑ rɑ kowɑ ɡemɡibuɡiɑ.

Mɔnnu 23:5

Gobi yi rɑ doonɛwɑ sɑɑ ye kɑɑ nɛɛ, kɑɑ yi mɛɛri. N dɑ n sɑ̃ɑwɑ nɡe yi kɑsɑ mɔ yi kɑ yɔ̃ɔwɑ nɡe ɡunɔ bɑkeru.

Mɔnnu 27:24

domi dukiɑ ku rɑ n wɑ̃ɑ tɔnun nɔmɑɔ sere kɑ bɑɑdommɑɔ. Mɛyɑ mɑɑ bwese teeru tɑ ku rɑ n bɑndu dii sere kɑ bɑɑdommɑɔ.

Wɑɑsu kowo 1:14

Nɑ wɑ ye yɑ koorɑmɔ hɑnduniɑ sɔɔ kpuro. Mɑ nɑ deemɑ yɑ tubum sɛ̃. Yɑ sɑ̃ɑwɑ nɡe wi u kĩ u woo kpɑrɑ.

Wɑɑsu kowo 11:10

Yen sɔ̃, ɑ nuku sɑnkirɑnu wunɔ wunɛn ɡɔ̃run di kpɑ ɑ kɔ̃sɑn kobu suuri. Domi ɑluwɑɑsiru kɑ ten dɑm mu rɑ doonɛwɑ nɡe woo.

Wɑɑsu kowo 12:13

Yen sɔ̃, su ɡɑri yi kpuron wii ɡoberu swɑɑ dɑki te tɑ nɛɛ, ɑ Gusunɔ nɑsio kpɑ ɑ win woodɑbɑ mɛm nɔɔwɑ. Yerɑ, n weenɛ bɑɑwure u ko.

Wɑɑsu kowo 12:8

Wɑɑsu kowo u nɛɛ, ɡɑ̃ɑnu kpuro nu tubum sɛ̃, nu mɑɑ sɑ̃ɑwɑ biti.

Wɑɑsu kowo 2:26

Domi wi u nùn wɛ̃rewɑ u rɑ bwisi kɑ yɛ̃ru kɑ nuku dobu wɛ̃. Adɑmɑ u rɑ dewɑ tɔn kɔ̃so u ɑrumɑni kɑsu u mɛnnɑ wi u wi, Gusunɔ wɛ̃ren sɔ̃. Yenin tii yɑ mɑɑ tubum sɛ̃. Yɑ sɑ̃ɑwɑ nɡe wi u kĩ u woo kpɑrɑ.

Wɑɑsu kowo 2:8

Nɑ sii ɡeesu kɑ wurɑ ɡurɑ kɑ sere sinɑmbun ɑrumɑni kɑ berɑ kɑ berɑn ɑrumɑni. Mɑ nɑ tii wom kowobu kɑsuɑ tɔn durɔbu kɑ tɔn kurɔbu kɑ sere ye tɔn durɔ u rɑ kɑ̃. Yerɑ kurɔ dɑbinu.

Wɑɑsu kowo 5:14

U koo ɡbiwɑ tereru nɡe mɛ bɑ kɑ nùn mɑrɑ. U ǹ kpɛ̃ u win sɔmburun ɑre ɡɛɛ suɑ.

Esɑi 55:2

Mbɑn sɔ̃nɑ i bɛɛn ɡobi dimɔ ye yɑ ǹ ɑrufɑɑni mɔ sɔɔ. Mbɑn sɔ̃nɑ i bɛɛn sɔmburun ɑre dimɔ ye yɑ ǹ bɛɛ debumɔ sɔɔ. I mɑn swɑɑ dɑkio kpɑ i wɑ i di ye yɑ ɡeɑ sɑ̃ɑ, kpɑ bɛɛn bwɛ̃rɑ yu yɛmiɑ dĩɑ duronun sɔ̃.

Luku 12:26

Ì kun kpɛ̃ i ɡɑ̃ɑ piimii nini ko, mbɑn sɔ̃nɑ i wurure kɑ ye n tie.

Luku 12:29

I kun ye i ko di, kɑ ye i ko nɔ tɔnɑn kɑso mɔ̀, kpɑ i n wurure yen sɔ̃.

Korinti I 7:31

Wi u mɑɑ kɑ hɑnduniɑn dukiɑ bukɑtɑ mɔ̀ u ku win lɑɑkɑri kpuro doke ye sɔɔ. Domi hɑnduniɑ yeni yɑ doonɔwɑ mi.

Yɑkɔbu 4:14

Domi i ǹ yɛ̃ ye bɛɛn wɑ̃ɑrɑ ko n sɑ̃ɑ siɑ. I sɑ̃ɑwɑ nɡe bukɔ ɡe ɡɑ rɑ wɔrumɛ sɑɑ fiiko sɔɔ, yen biru kpɑ ɡu yɑrinɑ.

Yɑkɔbu 5:3

Bɛɛn wurɑ kɑ bɛɛn sii ɡeesu wururɑ diirɑ. Wururɑ yerɑ yɑ koo bɛɛ ɑre kɔ̃suru diiyɑ, kpɑ yu bɛɛn wɑsin yɑɑ bɑɑsi di nɡe dɔ̃ɔ. I dukiɑ ɡurɑ i tɑɑsinɛ sɑnɑm dɑ̃ɑkim mɛni sɔɔ.

Piɛɛ I 1:24

Nɡe mɛ Gusunɔn ɡɑri ɡerumɔ, “Tɔmbu kpuro bɑ sɑ̃ɑwɑ nɡe yɑkɑsu. Mɑ ben bɛɛrɛ kpuro sɑ̃ɑ nɡe sin wɛ̃su. Yɑkɑsu rɑ ɡbere, kpɑ sin wɛ̃su dɛrurɑ.

Piɛɛ I 5:7

I bɛɛn wɑhɑlɑ kpuro sɔbio win mi, u koo bɛɛ nɔɔri.