Womusu 39:5 - Bibeli Gusunɔn Gari

⁵ Yinni Gusunɔ, ɑ mɑn nɛn wɑ̃ɑrun sɑkɑ sɔ̃ɔsio kpɑ nɑ n yɛ̃ nɡe mɛ nɑ ǹ dɑm mɔ.

Womusu 39:5 ပူးပေါင်းရင်းမြစ်များ

Torubu 47:9

Yɑkɔbu u nùn wisɑ u nɛɛ, nɛn wɔ̃ɔ wunɑɑ teeru kɑ wɔkurɑ mi, mìn di nɑ hɑnduniɑ duɑ, nɑ mɑɑ sirenɛwɑ. Nɛn wɔ̃ɔ ɡɑ ǹ dɑbi, ɡɑ ǹ mɑɑ nuku dobu mɔ, mɛyɑ ɡɑ ǹ mɑɑ nɛn bɑɑbɑbɑɡuu turɑ ɡe bɑ kuɑ sɑnɑm mɛ bɑ wɑ̃ɑ hunde sɔɔ.

Sɑmuɛli II 19:34

Yerɑ sinɑ boko u nùn sɔ̃ɔwɑ u nɛɛ, ɑ nɑ ɑ kɑ mɑn tɔburɑ su dɑ Yerusɑlɛmuɔ ɑ n wɑ̃ɑ nɛn mi. Kon nun nɔɔri mɑm mɑm.

Yoobu 7:6

Nɛn wɛ̃siɑru tɑ weson kɔkɔrɔru sɑ̃ɑbu kere. Nɑ ǹ yĩiyɔbu mɔ, Yinni Gusunɔ.

Womusu 144:4

Tɔnu u sɑ̃ɑwɑ nɡe woo. Win wɑ̃ɑrun tɔ̃nu nu sɑ̃ɑwɑ nɡe sɑɑru te tɑ rɑ doonɛ.

Womusu 39:11

A ku mɑɑ mɑn wɑhɑlɑ ko. Nɑ wɑsikirɑmɔ wunɛn nɔm ɡɛrɑn sɔ̃.

Womusu 62:9

Bɛɛ tɔmbu, i nùn nɑɑnɛ koowo sɑɑ kpuro. I nùn sɔ̃ɔwɔ ye yɑ bɛɛ nɛni. Domi wiyɑ u sɑ̃ɑ bɛsɛn kuku yeru.

Womusu 89:47

Yinni Gusunɔ, sere sɑɑ yerɑ̀ kɑɑ n kukuɑ. Sere sɑɑ yerɑ̀ wunɛn mɔru yɑ ko n seewɑ nɡe dɔ̃ɔ yɑrɑ.

Womusu 90:12

A de sɑ n yɛ̃ mɑ bɛsɛn wɑ̃ɑrun tɔ̃rɑ kun dɛ̃u, kpɑ su ko bwisiɡibu.

Wɑɑsu kowo 1:2

Wiyɑ u nɛɛ, ɡɑ̃ɑnu kpuro nu tubum sɛ̃. Kɑ ɡem yɑ sɑ̃ɑwɑ biti.

Wɑɑsu kowo 2:11

Yen biru, nɑ sɔmɑ ye nɑ kuɑ kpuro mɛɛrɑ kɑ wɑhɑlɑ ye nɑ kuɑ ye sɔɔ. Mɑ nɑ deemɑ ye kpuro yɑ tubum sɛ̃. Yɑ sɑ̃ɑwɑ nɡe wi u kĩ u woo kpɑrɑ. Sɔmɑ ye tɔnu u mɔ̀ u ku rɑ yen ɑrufɑɑni wɑ u di kɑ ɡem.

Esɑi 40:17

Bwesenu kpuro nu ǹ sɑ̃ɑ ɡɑ̃ɑnu win mi. Nu sɑ̃ɑwɑ kɑm dirum.

Yɑkɔbu 4:14

Domi i ǹ yɛ̃ ye bɛɛn wɑ̃ɑrɑ ko n sɑ̃ɑ siɑ. I sɑ̃ɑwɑ nɡe bukɔ ɡe ɡɑ rɑ wɔrumɛ sɑɑ fiiko sɔɔ, yen biru kpɑ ɡu yɑrinɑ.

Piɛɛ II 3:8

Adɑmɑ nɛn kĩnɑsibu, i ku mɑɑ de i ɡɑ̃ɑ tee nini duɑri mɑ Yinni Gusunɔn mi, sɔ̃ɔ teerɑ sɑ̃ɑwɑ nɡe wɔ̃ɔ nɔrɔbu, wɔ̃ɔ nɔrɔbu yɑ mɑɑ sɑ̃ɑ nɡe sɔ̃ɔ teeru.