Womusu 39:13 - Bibeli Gusunɔn Gari

¹³ Yinni Gusunɔ, ɑ nɛn kɑnɑru nɔɔwɔ, kpɑ ɑ nɛn sokuru swɑɑ dɑki. A ku nɛn wuri ɑtɑfiiru ko, domi nɑ sɑ̃ɑwɑ sɔɔ wunɛn mi nɡe nɛn sikɑdobɑ kpuro.

Womusu 39:13 ပူးပေါင်းရင်းမြစ်များ

Torubu 42:36

Yerɑ Yɑkɔbu u nɛɛ, i ko de n nɛn bibu kpuro biɑwɑ. Domi wee, Yosɛfu u sɑriru kuɑ, nɑ mɑɑ Simɛɔ biɑ, tɛ̃ i kĩ i Bɛnyɑmɛɛ suɑ. Ye kpuro nɛ sɔɔrɑ yɑ wɔrimɔ.

Torubu 47:9

Yɑkɔbu u nùn wisɑ u nɛɛ, nɛn wɔ̃ɔ wunɑɑ teeru kɑ wɔkurɑ mi, mìn di nɑ hɑnduniɑ duɑ, nɑ mɑɑ sirenɛwɑ. Nɛn wɔ̃ɔ ɡɑ ǹ dɑbi, ɡɑ ǹ mɑɑ nuku dobu mɔ, mɛyɑ ɡɑ ǹ mɑɑ nɛn bɑɑbɑbɑɡuu turɑ ɡe bɑ kuɑ sɑnɑm mɛ bɑ wɑ̃ɑ hunde sɔɔ.

Torubu 5:24

U kɑ Gusunɔ swĩinɑ, yen biru u doonɑ wɔllɔ, domi Gusunɔ u nùn suɑwɑ wɑsiru.

Sinɑmbu II 20:3

Yinni Gusunɔ, ɑ suuru koowo, ɑ yɑɑyo mɑ nɑ sĩɑ dee dee wunɛn wuswɑɑɔ. Nɑ wunɛn woodɑbɑ mɛm nɔɔwɑ. Nɑ mɑɑ kuɑ ye n nun wɛ̃re. Yen biru u swĩ ɡem ɡem.

Bɑndun Gɑri I 29:15

Sɑ bɛsɛn wɑ̃ɑru dimɔwɑ wunɛn wuswɑɑɔ nɡe sɔbu nɡe mɛ bɛsɛn sikɑdobɑ bɑ kuɑ. Bɛsɛn wɑ̃ɑrun tɔ̃ru kpuro koo doonɑwɑ nɡe sɑɑru, yĩiyɔbu sɑri.

Yoobu 7:19

Sere dommɑ kɑɑ mɑn deri sɛ̃ɛ. Sere dommɑ kɑɑ de n wɛ̃siɑ.

Womusu 119:19

Nɑ sɑ̃ɑwɑ sɔɔ hɑnduniɑ ye sɔɔ. A ku mɑn wunɛn woodɑbɑ beruɑ.

Womusu 18:7

Mɑ nɑ nɔɔɡiru suɑ nɛn nuku sɑnkirɑru sɔɔ, nɑ Yinni Gusunɔ sokɑ. Mɑ u nɛn nɔɔ nuɑ sɑɑ win wɑ̃ɑ yerun di. Mɛyɑ mɑɑ nɛn weeweenu wɔri win swɑsɔ.

Sɑ̃ɑrun Woodɑ 25:23

Goo kun tɔnu tem dɔremɔ kpɑ yɛ̃ro u n mu mɔ sere kɑ bɑɑdommɑɔ, domi nɛ, Yinni Gusunɔwɑ nɑ tem mɔ, i mɑɑ wɑ̃ɑwɑ nɛn mi nɡe sɔbu.