Womusu 39:12 - Bibeli Gusunɔn Gari

¹² A rɑ tɔnu ɡerusi kpɑ ɑ nùn sɛɛyɑsiɑ win torɑnun sɔ̃. Ye tɔnu u kĩ, yerɑ ɑ rɑ di nɡe kɔkɔbu. Geemɑ, tɔnu bɑɑwure u koo doonɑwɑ nɡe woo tiɑ.

Womusu 39:12 ပူးပေါင်းရင်းမြစ်များ

Torubu 21:34

Aburɑhɑmu u sinɑ Filisitibɑn tem mi, u tɛ.

Torubu 47:9

Yɑkɔbu u nùn wisɑ u nɛɛ, nɛn wɔ̃ɔ wunɑɑ teeru kɑ wɔkurɑ mi, mìn di nɑ hɑnduniɑ duɑ, nɑ mɑɑ sirenɛwɑ. Nɛn wɔ̃ɔ ɡɑ ǹ dɑbi, ɡɑ ǹ mɑɑ nuku dobu mɔ, mɛyɑ ɡɑ ǹ mɑɑ nɛn bɑɑbɑbɑɡuu turɑ ɡe bɑ kuɑ sɑnɑm mɛ bɑ wɑ̃ɑ hunde sɔɔ.

Sɑmuɛli II 16:12

Sɔrɔkudo Yinni Gusunɔ u koo nɛn wɔnwɔndu wɑ kpɑ u kɔ̃sɑ ye ɡɔsiɑ ɡeɑ.

Sinɑmbu II 20:5

ɑ ɡɔsiro ɑ kɑ Esekiɑsi nɛn tɔmbun kpɑro sɔ̃ ɑ nɛɛ, ɑmɛniwɑ nɛ, Yinni Gusunɔ nɑ ɡeruɑ, nɛ wi nɑ sɑ̃ɑ bɛɛn bɑɑbɑ Dɑfidin Yinni. Nɑ nɛɛ, nɑ win kɑnɑru mwɑ, nɑ mɑɑ win nɔni yĩresu wɑ. Wee, kon de u bɛkurɑ. Yen biru sɔ̃ɔ itɑse u koo dɑ nɛ, Yinni Gusunɔn sɑ̃ɑ yerɔ.

Bɑndun Gɑri I 29:15

Sɑ bɛsɛn wɑ̃ɑru dimɔwɑ wunɛn wuswɑɑɔ nɡe sɔbu nɡe mɛ bɛsɛn sikɑdobɑ bɑ kuɑ. Bɛsɛn wɑ̃ɑrun tɔ̃ru kpuro koo doonɑwɑ nɡe sɑɑru, yĩiyɔbu sɑri.

Yoobu 13:28

Wee nɛn wɑsi yi dɑm dwiiyɑ yi sɑnkirɑ nɡe yɑbe te kɔkɔnu di.

Yoobu 16:20

Nɛn kpɑɑsibu bɑ mɑn yɑɑkoru mɔ̀. Adɑmɑ Yinni Gusunɔwɑ nɑ kɑnɑmɔ kɑ swĩi.

Womusu 102:1

Wɔnwɔndon kɑnɑru sɑnɑm mɛ u nuki sɑnkire mɑ u win weeweenu Yinni Gusunɔ sɑɑriɑmmɛ.

Womusu 116:3

Gɔɔn yɔni yi rɑɑ mɑn bɔkuɑ, mɑ ɡɔribun wɑ̃ɑ yerun nuku sɑnkirɑnu mɑn nɛni. Nɑ wɑ̃ɑ nɔni swɑ̃ɑru kɑ wuriribu sɔɔ.

Womusu 119:19

Nɑ sɑ̃ɑwɑ sɔɔ hɑnduniɑ ye sɔɔ. A ku mɑn wunɛn woodɑbɑ beruɑ.

Womusu 119:54

Wunɛn ɡɑrin sɔ̃nɑ nɑ rɑ womusu ko mi nɑ sɔru dimɔ.

Womusu 56:8

Domi bɑ tɑmɑɑ kɔ̃sɑ yɑ koo bu yɑrɑ. Yinni, ɑ bu suro kɑ mɔru.

Womusu 90:9

Bɛsɛn wɑ̃ɑru tɑ rɑ doonɛwɑ wunɛn mɔrun sɔ̃. Tɑ rɑ doonɛwɑ nɡe wɛ̃siɑ teeru.

Sɑ̃ɑrun Woodɑ 25:23

Goo kun tɔnu tem dɔremɔ kpɑ yɛ̃ro u n mu mɔ sere kɑ bɑɑdommɑɔ, domi nɛ, Yinni Gusunɔwɑ nɑ tem mɔ, i mɑɑ wɑ̃ɑwɑ nɛn mi nɡe sɔbu.

Korinti II 5:6

Yen sɔ̃nɑ sɑ wɔruɡɔru mɔ bɑɑdommɑ. Sɑ mɑɑ yɛ̃ mɑ sɑnɑm mɛ sɑ wɑ̃ɑ wɑsi yini sɔɔ sɑ kɑ Yinnin wɑ̃ɑ yeru tomɑ.

Heberu 11:13

Nɑɑnɛ dokebu sɔɔrɑ tɔn be kpuro bɑ ɡu. Bɑ ǹ ɡɑ̃ɑ ɡee ni wɑ bɑ mwɛ nìn nɔɔ mwɛɛru Gusunɔ u kuɑ, ɑdɑmɑ bɑ nu wɑwɑ sɑrun di bɑ dɑm koosiɑ mɑ bɑ wurɑ mɑ bɑ sɑ̃ɑ sɔbu kɑ tem yɑrobu hɑnduniɑ sɔɔ.

Heberu 5:7

Yesun hɑnduniɑn wɑ̃ɑru sɔɔ u Gusunɔ kɑnɑ wi u koo kpĩ u nùn wɔrɑ ɡɔɔn nɔmɑn di. U mɑɑ nùn suuru kɑnɑ kɑ wuri bɛkɛ kɑ yĩresu. Mɑ Gusunɔ u nùn swɑɑ dɑki win wii kpĩibun sɔ̃.

Piɛɛ I 1:17

Bɛɛn kɑnɑru sɔɔ i Gusunɔ sokumɔ Bɑɑbɑ. Wee, wiyɑ u tɔmbu kpuro kɑ siri teebu sirimɔ nɡe mɛ bɑɑwure u kuɑ. Yen sɔ̃, sɑɑ ye yɑ bɛɛ tie hɑnduniɑ sɔɔ, i ye dio kɑ win nɑsiɑru.

Piɛɛ I 2:11

Kĩnɑsibu nɑ bɛɛ kɑnɑmɔ, bɛɛ be i sɑ̃ɑ nɡe sɔbu kɑ kpikobu hɑnduniɑ ye sɔɔ, i de i tii kpĩ kɑ wɑsin binɛ ye yɑ rɑ n tɑbu mɔ̀ kɑ bɛɛn hunde.