Womusu 39:11 - Bibeli Gusunɔn Gari

¹¹ A ku mɑɑ mɑn wɑhɑlɑ ko. Nɑ wɑsikirɑmɔ wunɛn nɔm ɡɛrɑn sɔ̃.

Womusu 39:11 ပူးပေါင်းရင်းမြစ်များ

Yoobu 13:28

Wee nɛn wɑsi yi dɑm dwiiyɑ yi sɑnkirɑ nɡe yɑbe te kɔkɔnu di.

Yoobu 30:30

Nɛn ɡɔnɑ tĩrɑ, nɛn wɑsi ɡberɑmɔ.

Yoobu 4:19

Kɑɑ sere ɡere tɔn be bɑ mɔmɑ kɑ tem, be bɑ koo kpĩ bu sunku nɡe kɔkɔbu?

Yoobu 9:34

Gusunɔ u koo rɑɑ win bokuru yi te u kɑ mɑn soomɔ, kpɑ u de nɔni swɑ̃ɑ te nɑ wɑɑmɔ mi, tu kpe.

Esɑi 50:9

Nɛ, nɑ yɛ̃ mɑ Yinni Gusunɔwɑ u koo mɑn somi. Wɑrɑ u koo mɑn tɑɑrɛ wɛ̃. Nɛn yibɛrɛbɑ kpuro bɑ koo mundɑ nɡe yɑbe kĩɑsu si ɡɛmi yi di.

Osee 5:12

Nɑ kon bu di nɡe ɡɛmi. Kpɑ nɑ n Yudɑbɑ wɑhɑlɑ mɔ̀ nɡe bɑrɑ te tɑ kukunu temmɔ.

Korinti I 5:5

i durɔ wi Setɑm nɔmu sɔndio, win wɑsi yi kɑ kɑm ko kpɑ win hunde yu fɑɑbɑ wɑ Yinni Yesun tɔ̃ɔ te sɔɔ.

Heberu 12:6

Domi wi Yinni u kĩ wiyɑ u rɑ sɛɛyɑsie, kpɑ u tɔnu bɑɑwure sɛnɑ so wi u ɡɑrisi win bii.”

Piɛɛ II 2:16

Adɑmɑ Gusunɔ u nùn ɡerusi win torɑrun sɔ̃. Geemɑ kɛtɛku ɡe ɡɑ ku rɑ ɡɑri ko ɡɑ kɑ nùn ɡɑri kuɑ nɡe tɔnu mɑ ɡɑ Gusunɔn sɔmɔ win wiirɑ kookoosu yɔ̃rɑsiɑ.

Kɑ̃siru 3:19

Be nɑ kĩ kpuro beyɑ nɑ rɑ nɔni doke kpɑ n bu sɛɛyɑsiɑ. Yen sɔ̃, u hɑniɑ koowo kpɑ u ɡɔ̃ru ɡɔsiɑ.