Womusu 37:4 - Bibeli Gusunɔn Gari

⁴ A wunɛn nuku dobu kɑsuo Yinni Gusunɔn mi. U koo mɑɑ nun wɛ̃ ye wunɛn ɡɔ̃ru ɡɑ kĩ.

Womusu 37:4 ပူးပေါင်းရင်းမြစ်များ

Yoobu 22:26

Sɑɑ yerɑ kɑɑ n nuku dobu mɔ Gusunɔ Dɑm kpuroɡiin mi. Kpɑ ɑ nùn nɑɑnɛ ko, ɑ nùn wunɛn wuswɑɑ sɔ̃ɔsi.

Yoobu 27:10

I tɑmɑɑ u ko n win nuku dobu kɑsu Gusunɔ Dɑm kpuroɡiin mi? I tɑmɑɑ u koo Gusunɔ kɑnɑ sɑɑ kpuro?

Yoobu 34:9

Domi u nɛɛ, wi u kɑ Gusunɔ sĩimɔ, u ku rɑ yen ɑrufɑɑni ɡɑɑ wɑ.

Womusu 104:34

Yinni Gusunɔ, ɑ de nɛn ɡɑri yi nun dore. Nɑ kĩ n nuku dobu ko wunɛ sɔɔ.

Womusu 145:19

A rɑ be bɑ nun nɑsie kĩru yibie kpɑ ɑ ben wuri nɔ ɑ bu fɑɑbɑ ko.

Womusu 43:4

kpɑ n dɑ wunɛn yɑ̃ku yerɔ. Gusunɔ, wunɛ wì sɔɔ nɑ nuku dobu mɔ, kon nun siɑrɑ kɑ womusu, kɑ mɔrɔku. Gusunɔ, wunɑ ɑ sɑ̃ɑ nɛn Yinni.

Mɔnnu 10:24

Yèn bɛrum kɔ̃sɑn kowobu bɑ mɔ, yerɑ yɑ rɑ bu deemɛ. Ye mɑɑ ɡemɡibɑ kĩ, yerɑ n dɑ koore.

Womu Duro 2:3

ɑ̀ n nɛn kĩnɑsi wɑ ɑluwɑɑsibɑn suunu sɔɔ, u sɑ̃ɑwɑ nɡe dɑ̃ɑ te bɑ mɔ̀ pɔmiɛ dɑ̃nun suunu sɔɔ tèn mɑrum mu dibu do. Nɑ rɑ kɑ̃ nɑ n sɔ̃ win sɑɑrɔ.

Esɑi 58:14

sɑɑ yerɑ i ko nuku dobu wɑ nɛn sɑ̃ɑru sɔɔ, kpɑ tɔmbu kpuro bu bɛɛ bɛɛrɛ wɛ̃, kpɑ n bɛɛ diisiɑ tem mɛ sɔɔ, mɛ nɑ bɛɛn sikɑdo Yɑkɔbu wɛ̃. Nɛ, Yinni Gusunɔwɑ nɑ yeni ɡeruɑ.

Yohɑnu 15:16

N ǹ mɔ bɛɛyɑ i mɑn ɡɔsɑ, nɛnɑ nɑ bɛɛ ɡɔsɑ. Nɑ mɑɑ bɛɛ wunɑ nɛnɛm kpɑ i dɑ i binu mɑ ni nu koo tɛ. Kpɑ ɡɑ̃ɑnu bɑɑnire ni bɛɛ i kɑnɑ nɛn Bɑɑbɑn mi kɑ nɛn yĩsiru, u bɛɛ wɛ̃.

Yohɑnu 15:7

Bɛɛ ì n kɑ mɑn mɑninɛ mɑ nɛn ɡɑri yi wɑ̃ɑ bɛɛ sɔɔ, i bikio ye i kĩ, nɑ kon bɛɛ kuɑ.

Piɛɛ I 1:8

I nùn kĩ bɑɑ mɛ i ǹ nùn wɑɑre. I nùn nɑɑnɛ doke bɑɑ mɛ i ǹ ɡinɑ nùn wɑ. Mɑ i nuku doo bɑkɑbu mɔ bi bu ǹ kɑ nɔɔ ɡerurɔ.