Womusu 37:34 - Bibeli Gusunɔn Gari

³⁴ A n Yinni Gusunɔ yĩiyɔ kpɑ ɑ n win swɑɑ swĩi. U koo nun wɔlle suɑ kpɑ ɑ n kɑ tem mɛ mɔ. Kɑɑ wɑ tɔn kɔ̃sobɑ kpeerɔ.

Womusu 37:34 ပူးပေါင်းရင်းမြစ်များ

Yoobu 17:9

Wi u sɑ̃ɑ ɡemɡii u koo yɔ̃rɑwɑ dim dim win swɑɑ sɔɔ. Kpɑ wi u dɛɛre, u tii dɑm kɛ̃ u sosi.

Womusu 112:8

U ku rɑ wurure, bɛrum kun nùn mɔ̀, sere u kɑ win yibɛrɛbɑ kuɑ mɛ u kĩ.

Womusu 112:9

U rɑ sɑ̃ɑrobu kɛ̃nu kɛ̃ kɑ nuku tiɑ. Win ɡem mu ko n wɑ̃ɑwɑ kɑ bɑɑdommɑɔ. Win dɑm mu koo sosi kɑ bɛɛrɛ.

Womusu 25:13

Wiyɑ u ko n wɑ̃ɑ bɔri yɛndu sɔɔ. Win bweserɑ tɑ koo tem mɛ tubi di.

Womusu 27:14

Yen sɔ̃, ɑ n Yinni Gusunɔ nɑɑnɛ sɑ̃ɑ. A ku mwiɑ kpɑnɑ. A de wunɛn tororu tɑ n sɔ̃ sim sim. A n Yinni Gusunɔ nɑɑnɛ sɑ̃ɑ.

Womusu 37:3

A n Yinni Gusunɔ nɑɑnɛ sɑ̃ɑ kpɑ ɑ n ɡeɑ mɔ̀. Nɡe mɛyɑ kɑɑ n kɑ wɑ̃ɑ yeru mɔ tem mɛ sɔɔ, kpɑ ɑ n bɔri yɛndu mɔ.

Womusu 37:7

Wi u kpĩɑ u kɔ̃sɑ kuɑ ye u ɡɔ̃ru doke, ɑ ku tii nɔwiɑ ko win sɔ̃. A n mɑɑri kpɑ ɑ n Yinni Gusunɔ swɑɑ dɑki.

Womusu 37:9

Domi bɑ koo tɔn kɔ̃sobu kpeerɑsiɑ, ɑdɑmɑ be bɑ Yinni Gusunɔ nɑɑnɛ sɑ̃ɑ, berɑ bɑ ko n tem mɛ mɔ.

Womusu 91:8

Nɔniyɑ kɑɑ kɑ mɛɛri tɔnɑ kpɑ ɑ tɔn kɔ̃sobun ɑre wɑ.

Womusu 92:12

Tɛ̃, nɑ wɑɑmɔ nɛn yibɛrɛbɑ bɑ wɔrukumɔ. Nɑ nɔɔmɔ bɑ kuuki mɔ̀.

Mɔnnu 16:17

Gemɡii u rɑ kɔ̃sɑ dukɑ suuriwɑ. Wi u win sɑnu sɑnusu lɑɑkɑri sɑ̃ɑ, u rɑ win wɑ̃ɑru nɔni dokewɑ.

Mɔnnu 20:22

A ku nɛɛ, kɑɑ kɔ̃sɑ kɔsiɑ ye bɑ nun kuɑ. A ɡesi wunɛn nɑɑnɛ dokeo Yinni Gusunɔ sɔɔ, u koo nun fɑɑbɑ ko.

Mɔnnu 29:16

Mi tɔn kɔ̃sobɑ dɑbiɑ, miyɑ durum dɑ kpɛ̃yɛ, ɑdɑmɑ ɡemɡibu bɑ koo tɔn kɔ̃so ben kɑm kobu wɑ.

Esɑi 57:13

Yen sɔ̃, ì n kuuki mɔ̀, ì n somiru kɑnɑmɔ, bɛɛn bũu dɑbi te, tɑ ǹ bɛɛ wɔrɑmɔ. Kon dewɑ woo ɡu kɑ nu doonɑ mɑm mɑm. Adɑmɑ be bɑ mɑn nɑɑnɛ sɑ̃ɑ bɑ koo tem mɛ tubi di, kpɑ bɑ n wɑ̃ɑ Siɔniɔ, ɡuu te nɑ ɡɔsɑn mi.

Mɑteu 24:13

Adɑmɑ wi u tɛmɑnɑ sere kɑ nɔrɔ, wiyɑ u koo fɑɑbɑ wɑ.

Luku 14:11

Kɑ ɡeemɑ bɑɑwure wi u tii suɑ wɔllɔ, bɑ koo nùn kɑwɑ. Bɑɑwure wi u mɑɑ tii kɑwɑ, bɑ koo nùn suɑ wɔllɔ.

Sɔ̃ɔsiru 5:33

I swɑɑ ye swĩiyɔ mɑm mɑm kpɑ bɛɛn wɑ̃ɑru tu dɑkɑɑ dɑ kpɑ i n bɔri yɛndu mɔ tem mɛ wi, Gusunɔ bɛsɛn Yinni u koo bɛɛ wɛ̃ sɔɔ.

Piɛɛ I 1:7

Lɑɑkɑri mɛɛri bi, bu bɛɛn nɑɑnɛ dokebu wɛ̃ɛrimɔ. Nɡe mɛ bɑ rɑ wurɑ mɛɛri kɑ dɔ̃ɔ, bɑɑ mɛ yɑ koo kɑm ko, nɡe mɛyɑ bɑ bɛɛn nɑɑnɛ dokebu mɛɛrimɔ, bi bu wurɑ bɛɛrɛ kere ɡem ɡem, bu kɑ bin dɑm ɡiɑ. Kpɑ i siɑrɑbu kɑ yiiko kɑ bɛɛrɛ wɑ sɑnɑm mɛ Kirisi koo kurɑmɑ.

Piɛɛ I 5:6

Ǹ n mɛn nɑ, i tii kɑwo kpɑ i tii deri Gusunɔn nɔm dɑmɡuuɔ, kpɑ u bɛɛ suɑ wɔllɔ sɑɑ ye u yi yɑ̀ n turɑ.