Womusu 37:18 - Bibeli Gusunɔn Gari

¹⁸ Yinni Gusunɔ u yɛ̃ ye n koo tɑɑrɛ sɑriruɡibu deemɑ ben wɑ̃ɑru sɔɔ. Ben yɛnu ɡɑ ǹ bɑnsu mɔ̀.

Womusu 37:18 ပူးပေါင်းရင်းမြစ်များ

Womusu 1:6

Domi win swɑɑ dɔɔwɑ kɑm koo yerɔ. Adɑmɑ Yinni Gusunɔwɑ u ɡemɡibu swɑɑ ɡbiiye.

Womusu 103:17

Adɑmɑ Yinni Gusunɔn durom mu rɑ n wɑ̃ɑwɑ sere kɑ bɑɑdommɑɔ be bɑ nùn nɑsien mi, mɑ bɑ win ɑrukɑwɑni nɛni, mɑ bɑ win woodɑbɑ mɛm nɔɔwɑmmɛ. Mɛyɑ mɑɑ win ɡem mu rɑ n kɑ bu wɑ̃ɑ sere kɑ ben bibun bibɔ.

Womusu 16:11

Adɑmɑ kɑɑ mɑn wɑ̃ɑrun swɑɑ sɔ̃ɔsi. Wunɛn miyɑ kon yɛ̃ɛri. Wunɛn miyɑ kon nuku dobu ko bi bu ǹ kpeemɔ.

Womusu 21:4

Wee, ɑ kɑ nùn domɑ ɡeeru nɑɑwɑ. A nùn furɔ wurɑɡuu dokeɑ ɑ kuɑ sinɑ boko.

Womusu 31:15

Adɑmɑ Yinni Gusunɔ, wunɑ nɑ nɑɑnɛ sɑ̃ɑ. Domi wunɑ ɑ sɑ̃ɑ nɛn Yinni.

Womusu 31:7

Nɑ be bɑ bũnu sɑ̃ɑmɔ tusɑ, mɑ nɑ nun nɑɑnɛ sɑ̃ɑ.

Womusu 37:13

Yinni u tɔn kɔ̃so be yɛ̃ɛmɔ, u yɛ̃ mɑ tɔ̃rɑ bu sisie.

Womusu 49:5

Nɑ bwisiɡibun mɔnnu swɑɑ dɑki, nɑ kon mɑɑ bɛɛ nu tubusiɑ kɑ mɔrɔku.

Womusu 73:24

Kɑɑ mɑn kpɑrɑ kɑ wunɛn bwisi. Yen biru, kɑɑ mɑn mwɑ wunɛn yiiko sɔɔ.

Mɔnnu 2:21

Domi ɡemɡibu kɑ tɑɑrɛ sɑriruɡibu bɑ ko n wɑ̃ɑ n kɑ tɛ tem mɛ sɔɔ.

Esɑi 60:21

Wunɛn tɔmbu kpuro bɑ ko n sɑ̃ɑwɑ ɡemɡibu, kpɑ bɑ n tem mɛ mɔ sere kɑ bɑɑdommɑɔ. Nɑ bu ɡirɑwɑ nɡe dɑ̃ɑ kɑ̃ɑsɑ. Bɑ sɑ̃ɑwɑ be nɑ tɑkɑ kuɑ bu kɑ nɛn kpɑ̃ɑru sɔ̃ɔsi.

Mɑteu 6:32

Gɑ̃ɑ nini kpuron weeweenɑ tɔn tukobɑ mɔ̀. Adɑmɑ bɛɛn Bɑɑbɑ wɔlluɡii u yɛ̃ mɑ i yeni kpuron bukɑtɑ mɔ.

Romu 5:21

Nɡe mɛ torɑrɑ bɑndu di mɑ tɑ kɑ ɡɔɔ nɑ, mɛyɑ mɑɑ Gusunɔn durom mu bɑndu dii ɡem sɔ̃ mu kɑ sun wɑ̃ɑru wɛ̃ te tɑ ku rɑ kpe sɑɑ bɛsɛn Yinni Yesu Kirisin min di.

Romu 6:23

Domi ɡɔɔwɑ torɑrun ɑre, ɑdɑmɑ Gusunɔn kɛ̃rɑ wɑ̃ɑru te tɑ ku rɑ kpe Yesu Kirisi bɛsɛn Yinnin min di.

Sɔ̃ɔsiru 33:25

kpɑ yen wusun ɡbɑ̃rɑnun kɔnnɔsu su n sɑ̃ɑ sisuɡisu kɑ sii ɡɑnduɡisu, kpɑ yɑ n dɑm mɔ yen wɑ̃ɑrun tɔ̃ru kpuro sɔɔ.

Timɔte II 2:19

Adɑmɑ kpɛɛkpɛɛku dɑmɡuu ɡe Gusunɔ u surɑ ɡɑ ǹ yĩirurɔ. Gɑri wee yi bɑ yoruɑ ɡen wɔllɔ. Yinni u wiɡibu yɛ̃. Yen biru mɑɑ, bɑɑwure wi u Yinnin yĩsiru soku, u kom kɔ̃sum kpuro derio.

Yohɑnu I 2:25

Nɔɔ mwɛɛru wee te Kirisi sun kuɑ, teyɑ wɑ̃ɑru te tɑ ku rɑ kpe.