Womusu 37:15 - Bibeli Gusunɔn Gari

¹⁵ Adɑmɑ ben tɑkobi be, bɑ koo duwɑ ben tiin toronɔ, kpɑ ben tɛnnu nu bɔɔkirɑ.

Womusu 37:15 ပူးပေါင်းရင်းမြစ်များ

Sɑmuɛli II 17:23

Ye Ahitofɛli u wɑ bɑ ǹ kɑ win ɡɑri sɔmburu kue, yerɑ u win kɛtɛku ɡɑɑri bɔkuɑ u sĩɑ win wuuɔ, u dɑ win tiin yɛnuɔ u win yɛnuɡibu sɑɑriɑ kpuro mɛ bɑ koo koosinɑ. Yen biru u win tii soorɑ doke u ɡu. Mɑ bɑ nùn sikuɑ win bɑɑbɑn sikirɔ.

Ɛsitɛɛ 9:16

Yuu be bɑ mɑɑ wɑ̃ɑ tem mɛn beri berikɑɔ bɑ mɑɑ mɛnnɑ bu kɑ ben wɑ̃ɑru wɔrɑ. Mɑ bɑ ben yibɛrɛbɑ mwɛɛrɑ bɑ ɡo. Adɑmɑ bɑ ǹ ben dukiɑ ɡure. Tɔn be bɑ ɡo mi, ben ɡeerɑ sɑ̃ɑ nɔrɔbun subɑ wɑtɑ kɑ wɔkurɑ nɔɔbu (75.000).

Ɛsitɛɛ 9:22

Kpɑ bu kɛ̃nu mɔrisiɑnɑ. Kpɑ bu sɑ̃ɑrobu kɛ̃nu kɛ̃. Domi tɔ̃ɔ te sɔɔrɑ Yuubɑ bɑ ben yibɛrɛbɑ kɑmiɑ bɑ dɛrɑ. Suru wi sɔɔrɑ ben nuku sɑnkirɑnu nu ɡɔsiɑ nuku dobu. Mɑ ben nɔni swɑ̃ɑru tɑ kuɑ bɔri yɛndu.

Womusu 34:22

Adɑmɑ kɔ̃sɑ yɑ̀ n tɔn kɔ̃so deemɑ, yɑ rɑ nùn ɡowɑ. Mɛyɑ u rɑ mɑɑ ɡemɡiin yibɛrɛbɑ sɛɛyɑsie.

Womusu 35:8

A de bu kɑm ko subɑru sɔɔ, bu wɔri ben suurɑ ye sɔɔ, bu ɡbi.

Womusu 46:10

U tɑbu kpeesiɑ yen ɡoonu nnɛ ye sɔɔ. U tɛnnu kɑ yɑɑsi bɔɔkɑ, mɑ u tɑbu kɛkɛ yi dumi ɡɑwe dɔ̃ɔ mɛni.

Womusu 46:9

I nɑ i wɑ ye Yinni Gusunɔ u kuɑ. U sɔm mɑɑmɑɑkiɡinu kuɑ hɑnduniɑ sɔɔ.

Esɑi 37:38

Sɔ̃ɔ teeru u yiire win bũu wi bɑ mɔ̀ Nisɔrɔkun nuurɔ. Miyɑ win bibu yiru beni, Adɑmɛlɛki kɑ Sɑrɛsɛɛ bɑ nùn ɡo kɑ tɑkobi, mɑ bɑ kpikiru suɑ bɑ dɑ tem mɛ bɑ mɔ̀ Arɑrɑti ɡiɑ. Mɑ win bii Esɑɑ Hɑdoni u bɑndu kɔsire kuɑ.

Yeremi 51:56

Bɑ wee bu Bɑbiloniɡii be wɔri, kpɑ bu ben tɑbu kowo dɑmɡibu mwɛɛri bu ben tɛnnu bɔɔku. Domi Gusunɔ u sɑ̃ɑwɑ Yinni wi u rɑ bɑɑwure kɔsie ye u kuɑ.

Osee 1:5

Tɔ̃ɔ te sɔɔ, kon Isirelibɑn tɑbu durɔbun tɛnnu bɔɔku Yisirɛɛlin wɔwɑɔ.

Osee 2:18

Yen tɔ̃ɔ te, u koo mɑn soku win durɔ. U ǹ mɑɑ mɑn sokumɔ Bɑɑli win yinni.

Misee 5:6

Isireli be bɑ tiɑrɑ bɑ ko n wɑ̃ɑ tɔn dɑbinun suunu sɔɔ nɡe kɑko ɑrufɑɑniɡiru te Yinni Gusunɔ u derɑ tɑ wɔrumɑ, ǹ kun mɛ nɡe ɡurɑ ye yɑ nɛmɔ tɛɛru, yɑ ǹ ɡɑ̃ɑnu yĩiyɔ tɔnun min di.

Sɑmuɛli I 2:4

Wiyɑ u derɑ tɑbu kowo dɑmɡibun tɛmɑ bɔɔkirɑ. Mɑ dɑm sɑriruɡibɑ dɑm kuɑ.

Sɑmuɛli I 31:4

Yerɑ u win tɑbu yɑ̃ɑ sɔɔwo sɔ̃ɔwɑ u nɛɛ, ɑ wunɛn tɑkobi womɔ ɑ mɑn ye sɔku kpɑ bɑnɡo sɑriruɡii be, bu ku rɑɑ mɑn sɔku bu yɑɑ kɑsiki. Adɑmɑ durɔ wi, u yinɑ u ko mɛ, domi bɛrum nùn mwɑ ɡem ɡem. Mɑ Sɔɔlu u tɑkobi ye mwɑ u kɑ tii sɔkɑ u kibɑrisi u tɑɑre.