Womusu 37:14 - Bibeli Gusunɔn Gari

¹⁴ Tɔn kɔ̃sobɑ ben tɑkobi womɑmɔ, mɑ bɑ ben tɛnnu bɛrimɔ bu kɑ sɑ̃ɑrobu kɑ wɔnwɔndobu hunde wunɑ, kpɑ bu be bɑ ɡeɑ mɔ̀ ɡo.

Womusu 37:14 ပူးပေါင်းရင်းမြစ်များ

Ɛsitɛɛ 5:14

Yerɑ win bɔrɔ be, kɑ win kurɔ wi, bɑ nùn bwisi kɑ̃ bɑ nɛɛ, ɑ doo ɑ dɑ̃ru ɡɑru ɡirɑ tèn ɡunum mu sɑ̃ɑ ɡɔm soonu weerɑɑkuru kpɑ ɑ sinɑ boko kɑnɑ bu Mɑɑdose sɔku bu sɑ̃ɑrusiɑ mi. Sɑɑ ye sɔɔ, kɑɑ kpĩ ɑ tɔ̃ɔ bɑkɑ dim mɛ di kɑ nuku dobu. Yerɑ ɡɑri yi, yi Hɑmɑni dore. Mɑ u derɑ bɑ dɑ̃ɑ te sɔɔru kuɑ.

Womusu 11:2

Wee tɔn kɔ̃so u win tɛndu bɛri, u win sɛ̃u sɔri u kɑ tɑɑrɛ sɑriruɡii to yɑm wɔ̃kuru sɔɔ.

Womusu 35:10

Kpɑ sɑɑ nɛn ɡɔ̃ru sɔɔn di, n nɛɛ, ɡoo sɑri wi u dɑm mɔ nɡe wunɛ. Domi ɑ nɛ wɔnwɔndo yɑrɑ sɑɑ wi u mɑn dɑm keren nɔmɑn di.

Mɔnnu 29:10

Tɔn ɡowobu bɑ ku rɑ ɡemɡii kɑ̃, ɑdɑmɑ ɡemɡibu bɑ rɑ n kĩwɑ win wɑ̃ɑru tu dɑkɑɑ dɑ.

Mɔnnu 29:27

Gemɡibu bɑ ku rɑ wee kowobu kɑ̃. Mɛyɑ mɑɑ tɔn kɔ̃sobu bɑ ku rɑ ɡemɡibu kɑ̃.

Hɑbɑkuku 1:13

Adɑmɑ ɑ ǹ kpɛ̃ ɑ yɔ̃rɑ ɑ n kɔ̃sɑ mɛɛrɑ, domi ɑ dɛɛre too. Ǹ n mɛn nɑ, mbɑn sɔ̃nɑ ɑ mɛɛrɑ ye tɔn kɔ̃sobɑ mɔ̀, mɑ ɑ ǹ ɡɑ̃ɑnu ɡerumɔ. Mbɑn sɔ̃nɑ ɑ mɑɑri tɔn kɔ̃sobu bɑ ɡemɡibu ɡoomɔ.

Gɔrobun Kookoosu 12:11

Sɑnɑm mɛ sɔɔrɑ Piɛɛ u tubɑ ye n nùn deemɑ. Mɑ u tii sɔ̃ɔwɑ u nɛɛ, tɛ̃ nɑ ɡiɑ mɑ ɡeemɑ. Yinni Gusunɔwɑ u win ɡɔrɑdo ɡɔrimɑ u kɑ mɑn yɑkiɑ Herodun nɔmɑn di, kɑ mɑɑ ye kpuron di ye Yuubɑ bɑ kĩ bu mɑn kuɑ.

Gɔrobun Kookoosu 12:23

Mii mii Yinnin ɡɔrɑdo u nɑ u Herodu so mɑ kɔkɔnu nɑ nu win wɑsi di mɑ u ɡu yèn sɔ̃ wi tɔnu, u Gusunɔn yiiko mwɑ.

Gɔrobun Kookoosu 7:52

Gusunɔn sɔmɔ wɑrɑ bɛɛn bɑɑbɑbɑ bɑ ǹ nɔni sɔ̃ɔwɑ. Bɑ bu ɡo be bɑ Geeɡiin nɑɑrun ɡɑri kuɑ, mɑ tɛ̃, bɛɛn tii i Geeɡii wi kɔrumɔtɔnu kuɑ i nùn ɡo.

Yohɑnu I 3:12

kpɑ sɑ kun sɑ̃ɑ nɡe Kɑɛni wi u sɑ̃ɑ tɔn kɔ̃so wiɡii mɑ u win wɔnɔ ɡo. Mbɑn sɔ̃nɑ u nùn ɡo. U nùn ɡo yèn sɔ̃ win tii u kom kɔ̃sum kuɑ, wɔnɔ mɑɑ kom ɡem kuɑ.

Sɑmuɛli I 24:11

Wee, wunɛn tiin nɔni wɑ ɡisɔ mɑ Yinni Gusunɔ u mɑn nun nɔmu bɛriɑ kpee wɔru ɡe sɔɔ. Bɑ nɛɛ, n nun ɡoowo, ɑdɑmɑ nɑ nun deri. Nɑ nɛɛ, nɑ ǹ nɛn yinni, wi Yinni Gusunɔ u ɡɔsɑ u kuɑ sunɔ nɔmu dokemɔ.

Sɑmuɛli I 24:17

Ye Dɑfidi u Sɔɔlu ɡɑri yi sɔ̃ɔwɑ u kpɑ, yerɑ Sɔɔlu u nɛɛ, ǹ n mɛn nɑ, wunɛn nɔɔwɑ mi, Dɑfidi nɛn bii? Mɑ Sɔɔlu u nɔɔɡiru suɑ u wurɑ kuɑ.