Womusu 36:12 - Bibeli Gusunɔn Gari

¹² A ku de tii suobu bu mɑn nɑɑ turi, kpɑ tɔn kɔ̃sobu bu de n dukɑ yɑkurɑ.

Womusu 36:12 ပူးပေါင်းရင်းမြစ်များ

Womusu 1:5

U ǹ ɡem wɑsi Gusunɔ ù n nùn siri. U ǹ mɑɑ kpɛ̃ u n wɑ̃ɑ ɡemɡibun wuurɔ.

Womusu 140:10

Be bɑ mɑn kooro buremɔ ɑ de ben torɑnu nu wɔri ben wiru wɔllɔ.

Womusu 18:38

Nɑ̀ n nɛn yibɛrɛbɑ nɑɑ ɡire, wunɑ ɑ rɑ de n bu nɑɑmwɛ. Wunɑ ɑ ku rɑ de n ɡɔsirɑmɑ nɑ kun bu kpeerɑsie.

Womusu 55:23

A wunɛn wɑ̃ɑru kpuro Yinni Gusunɔ nɔmu sɔndio, kpɑ u nun nɔɔri. Domi u ǹ derimɔ ɡemɡii u wɔrumɑ.

Womusu 9:16

Wee bwese tukunu nu suurɑ ɡbɑ ɡɑbun sɔ̃, mɑ nin tii nu wɔri ye sɔɔ. Nu ɡɑbu yinɑ bɛriɑ, mɑ nin tiin nɑɑsu wɔri ye sɔɔ. Tɔn kɔ̃sobɑ sɔm kɔ̃sunu kuɑ. Mɑ ben tii bɑ nin ɑre wɑ. Yinni Gusunɔ u sɔ̃ɔsi mɑ u rɑ siri dee dee.

Yeremi 51:64

kpɑ ɑ nɛɛ, nɡe mɛ tire te, tɑ numɑ mi, nɡe mɛyɑ Bɑbiloni yɑ koo kɑm ko. Yɑ ǹ mɑɑ seemɔ, kɔ̃sɑ ye Yinni Gusunɔ u ye suremɔn sɔ̃. Yɑ koo wɔrumɑwɑ kpɑ yɑ kun mɑɑ dɑm mɔ. Yeremin ɡɑrin kpurowɑ mi.

Kɑ̃siru 15:4

Yinni, wɑrɑ kun wunɛn bɛrum mɔ. Wɑrɑ koo yinɑ u wunɛn yĩsiru bɛɛrɛ wɛ̃. Domi wunɛ turowɑ ɑ sɑ̃ɑ dɛɛro. Tem bɑɑmɛren tɔmbɑ koo nɑ wunɛn mi, bu nun sɑ̃. Domi bɑɑwure u wunɛn sɔm ɡeenu wɑ.”

Kpɑrobu 5:31

Yinni Gusunɔ, ɑ de wunɛn yibɛrɛbɑ kpuro bu ɡbi nɡe Siserɑ. Adɑmɑ be bɑ nun kĩ, bɑ n bɑllimɔ nɡe sɔ̃ɔ wii wɔllun sɔ̃ɔ. Yen biruwɑ tem mɛ, mu bɔri yɛndu wɑ wɔ̃ɔ weeru.