7 Wee nɑ ǹ ɡɑ̃ɑnu kue bɑ kɑ mɑn suurɑ bɛriɑmmɛ.
Domi u koo dɑ yinɑ ɡiɑ, kpɑ win nɑɑsu su yen wɛ̃ɛ wuronu wɔri.
Tii suobu bɑ suurɑ ɡbemɔ nɛn wuswɑɑɔ. Bɑ ǹ wunɛn woodɑbɑ swĩi.
Yinni Gusunɔ, ɑ mɑn tɔn kɔ̃so ɡbɑro. A mɑn ɡbɑnɑɡibu ɡiro be bɑ kɑsu bu mɑn surɑ.
Be bɑ nun nɑɑnɛ sɑ̃ɑ bɑ ǹ sekuru wɑsi, ɑdɑmɑ be bɑ ǹ kɑ nun yɔ̃, bɑ koo sekuru wɑ.
Nɛn yibɛrɛ be, bɑ mɑn yɛ̃ri bɛriɑ nɛn swɛɛ kpuro sɔɔ, mɑ nɑ tem tuke nɑ wɑ bɑ wɔru ɡbɑ nɛn wuswɑɑɔ. Adɑmɑ berɑ bɑ ɡu wɔri.
Bɑ ben yɑrɑ nɔɔ derɑmɔ nɡe tɑkobi, kpɑ bɑ n ɡɑri kɔ̃si kɑsukumɔ nɡe sɛ̃ɛnu,
Nɑ swĩ nɑ wɑsirɑ sere nɛn ɡɔ̃ru ɡɑ ɡberɑ. Nɛn nɔni dɑm dwiiyɑ ye nɑ wunɛn somiru mɑrɑ.
kpɑ n kpĩ nɑ n wɑ̃ɑ Siɔnin tɔmbun suunu sɔɔ, nɑ n tɑkɑru mɔ̀ ye ɑ mɑn kuɑn sɔ̃, nɑ n nuku dobu mɔ̀ fɑɑbɑ ye ɑ mɑn kuɑn sɔ̃.
Kɑɑ de ɡeɑ yu ɡɔsirɑ kɔ̃sɑ? Wee bɑ dɔkɔ kpiriru ɡbɑ bu kɑ mɑn kpɛ̃ɛ sɔɔ. A yɑɑyo mɑ nɑ yɔ̃rɑ wunɛn wuswɑɑɔ ben sɔ̃, nɑ kɑ nun ɡɑri kuɑ kpɑ ɑ ku mɑɑ kɑ bu mɔru ko.
Nɡe mɛyɑ n sɑ̃ɑ kpɑ ɡɑri yi bɑ yoruɑ woodɑn tirerɔ yi kɑ koorɑ, yi yi nɛɛ, “Bɑ mɑn tusɑ, bɑ ǹ ten wiru kɑ nɑɑsu yɛ̃.”
