21 Bɑ rɑ n mɑn nɔɔ ɡɛ̃ɛwɑ bɑ n mɔ̀, bɑ mɑn wɑ.
Domi Gusunɔ u mɑn funɛ wunɑ, u sekuru doke. Yen sɔ̃nɑ ben ɡoo kun nɛn bɛɛrɛ yɛ̃ bɑɑ fiiko.
Yibɛrɛ dɑbinu nu mɑn sikerenɛ nɡe nɑɑ kinɛ ni nu ɡɔbu. Bɑ mɑn kooro bure nɡe Bɑsɑnin kɛtɛ ɡɔbi.
Bɑ mɑn kukirisimɔ nɡe ɡbee sunɔ ɡe ɡɑ yɑɑ kɑsu.
A de be bɑ kɑsu bu mɑn hunde wunɑ bu seku bɑkɑru wɑ. A de be bɑ nuku dobu mɔ nɛn wɑhɑlɑn sɔ̃ bu biru wurɑ kpɑ bu sekuru di.
A de be bɑ mɑn yɑɑkoru mɔ̀ bɑ n wɑ̃ɑ dɛsirun biti sɔɔ.
A nɛn yibɛrɛbɑ kɔ̃sɑ kɔsio. A mɑn bɔrɔkiniru sɔ̃ɔsio, ɑ bu ɡo.
A de be bɑ kɑsu bu mɑn ɡo bu burisinɑ kpɑ bu sekuru wɑ. A de be bɑ kɑsu n kɑm ko bu sekuru wɑ kpɑ bu biruku yirɑ wurɑ.
Adɑmɑ bɑ ǹ wurɑmɑmɔ win mi, wi, wi u bu sɛɛyɑsiɑmɔ, wi, wi u sɑ̃ɑ wɔllu kɑ tem Yinni. Bɑ ǹ mɑɑ nùn kɑsumɔ.
Kpɑ yibɛrɛbɑ bɑ n nɔɔ tɛndu bɛri bɑ n nun yɛ̃ɛmɔ bɑ n mɔ̀, sɑ nun mwɛ nɡe dĩɑ dɔkɑ. Wee, tɔ̃ɔ te sɑ mɑrɑ tɑ tunumɑ, sɑ tu wɑ.
Kpɑ ɑ bu sɔ̃ ɑ nɛɛ, bu nɛ, Yinni Gusunɔn ɡɑri swɑɑ dɑkio bu nɔ. Yèn sɔ̃ bɑ yɛ̃ɛ sɑnɑm mɛ nɛn sɑ̃ɑ yerɑ disi duurɑ kɑ yèn sɔ̃ Isirelibɑ bɑ kɑm kuɑ mɑ bɑ Yudɑbɑ yoru mwɑ bɑ kɑ doonɑ,
