Womusu 35:1 - Bibeli Gusunɔn Gari

¹ Dɑfidin womu. Yinni Gusunɔ, be bɑ mɑn wɔrim wee, ɑ bu wɔrio. Be bɑ kɑ mɑn sɑnnɑmɔ, ɑ kɑ bu sɑnnɔ.

Womusu 35:1 ပူးပေါင်းရင်းမြစ်များ

Womusu 119:154

A kɑ mɑn yinɔ kpɑ ɑ mɑn yɑkiɑ. A de nɑ n wɑ̃ɑ nɡe mɛ ɑ nɔɔ mwɛɛru kuɑ.

Womusu 43:1

A mɑn ɡem wɛ̃ɛyɔ Gusunɔ nɛn Yinni. A kɑ mɑn yinɔ be bɑ ǹ nun nɑsien wuswɑɑɔ. A mɑn yɑkio wee kowobu kɑ tɔn kɔ̃sobun min di.

Yɑribu 14:14

I yɔ̃ro sɛ̃ɛ, Yinni Gusunɔwɑ u koo bɛɛ sɑnnɑ.

Yɑribu 14:25

U derɑ ben kɛkɛbɑn nɑɑsu wɔɔrɑmɔ, bɑ kpɑnɑ bu sĩ fuuku. Mɑ bɑ nɛɛ, su duki ɡɔsirɑ Isirelibɑn min di, domi Yinni Gusunɔ u kɑ sun sɑnnɑmɔwɑ ben sɔ̃.

Yɑribu 23:22

Adɑmɑ ì n nùn mɛm nɔɔwɑ mɑm mɑm, mɑ i mɔ̀ dee dee ye nɑ bɛɛ yiire, nɛnɑ kon kɑ bɛɛn wɛrɔbu kpuro sɑnnɑ.

Mɔnnu 22:23

Domi Yinni Gusunɔ u koo kɑ bu yinɑ, kpɑ u be bɑ ben yɑ̃nu ɡurɑ ɡo.

Mɔnnu 23:11

Domi wi u koo bu mɔru kɔsiɑ u dɑm mɔ, u koo mɑɑ bu sɑnnɑ.

Esɑi 49:25

Yinni Gusunɔ u nɛɛ, oo, mɛyɑ, kon dɑmɡiin yobu yɑkiɑ, kpɑ n tɑbu durɔn yɑ̃ɑ ni u rɑɑ ɡurɑ wɔrɑ. Domi kon kɑ wunɛn yibɛrɛbɑ sɑnnɑ, kpɑ n wunɛn bibu fɑɑbɑ ko.

Yeremi 51:36

Wee ye Yinni Gusunɔ u ɡeruɑ Yerusɑlɛmuɡibun sɔ̃. U nɛɛ, wee, kon bɛɛ sɑnnɑ. Kon Bɑbilonin dɑɑnu kɑ yen bwii kpuro ɡberɑsiɑ.

Swĩi 3:58

Yinni ɑ mɑn siriɑ mɑ ɑ nɛn wɑ̃ɑru yɑkiɑ.

Misee 7:9

Sɑ ko Yinni Gusunɔn mɔru sɔbe, domi sɑ nùn torɑ. Adɑmɑ sɑɑ ɡɑɑ sisi yè sɔɔ u koo kɑ sun yinɑ, kpɑ u sun ɡem wɛ̃. U koo kɑ sun nɑ yɑm bururɑm sɔɔ kpɑ u sun durom kuɑ.

Gɔrobun Kookoosu 23:9

Mɑ wure bɑkɑnu tunumɑ ben suunu sɔɔ bɑ sikirinɑmɔ kɑ dɑm, mɑ woodɑ yɛ̃robu ɡɑbɑ seewɑ Fɑlisibɑ sɔɔ bɑ nɛɛ, sɑ ǹ tɑɑrɛ ɡɑɑ wɑ durɔ wi sɔɔ. Wɑrɑ yɛ̃ nɡe hundewɑ ǹ kun mɛ wɔllun ɡɔrɑdo ɡoowɑ u kɑ nùn ɡɑri kuɑ.

Gɔrobun Kookoosu 5:39

Adɑmɑ ǹ n Gusunɔn sɔmburun nɑ, i ǹ kpɛ̃ i bu kɑmiɑ. I ku tii kɑri bɔrie i kɑ Gusunɔ sɑnnɑ. Mɑ bɑ win ɡɑri wurɑ.

Yosue 10:42

U wuu si su wɑ̃ɑ mi kpuro mwɛɛrɑ u sin sinɑmbu kɑmiɑ. Domi Gusunɔ Isirelibɑn Yinniwɑ u bu sɑnnɑmmɛ.

Sɑmuɛli I 24:15

Weren sɔ̃nɑ wunɛ Isirelibɑn sunɔ ɑ yɑrimɑ. Wɑrɑ ɑ nɑɑ ɡire. Nɛ wi nɑ sɑ̃ɑ nɡe bɔ̃ɔ ɡoru? Ǹ kun mɛ nɡe ɡoo dɛ̃ɛ?