Womusu 34:16 - Bibeli Gusunɔn Gari

¹⁶ Gemɡibɑ Yinni Gusunɔ u rɑ n nɔni wɛ̃ɛ. Mɛyɑ u rɑ mɑɑ ben wuri swɑɑ dɑki.

Womusu 34:16 ပူးပေါင်းရင်းမြစ်များ

Yoobu 18:17

Bɑ koo win ɡɑri duɑri hɑnduniɑ sɔɔ. Bɑ ǹ mɑɑ win yĩsiru yɑɑyɑmɔ.

Yoobu 36:7

U ku rɑ ɡemɡibu deri. U rɑ bu swĩiwɑ nɡe sinɑmbu kpɑ bɑ n bɛɛrɛ mɔ sere kɑ bɑɑdommɑɔ.

Womusu 10:16

Yinni Gusunɔ, wunɑ ɑ sɑ̃ɑ sinɑ boko sere kɑ bɑɑdommɑɔ. Kɑɑ be bɑ ǹ nun sɑ̃ɑmɔ ɡirɑ wunɛn tem di.

Womusu 18:7

Mɑ nɑ nɔɔɡiru suɑ nɛn nuku sɑnkirɑru sɔɔ, nɑ Yinni Gusunɔ sokɑ. Mɑ u nɛn nɔɔ nuɑ sɑɑ win wɑ̃ɑ yerun di. Mɛyɑ mɑɑ nɛn weeweenu wɔri win swɑsɔ.

Womusu 33:18

Adɑmɑ be bɑ Yinni Gusunɔ nɑsie, mɑ bɑ ben yĩiyɔbu doke win durom sɔɔ, beyɑ u kɔ̃su,

Womusu 94:9

Gusunɔ wi u tɔnu swɑsu ɡirɑ, wiyɑ kun kpɛ̃ u ɡɑri nɔ? Wi, wi u tɔnu nɔni ɡirɑ, wiyɑ kun kpɛ̃ u yɑm wɑ?

Mɔnnu 10:7

Bɑ ku rɑ ɡemɡii duɑri, ɑdɑmɑ tɔn kɔ̃so, bɑ rɑ nùn duɑriwɑ sere kɑ win yĩsirɔ.

Mɔnnu 15:29

Yinni Gusunɔ u ku rɑ tɔn kɔ̃son kɑnɑru lɑɑkɑri ko, ɑdɑmɑ u rɑ ɡemɡiin kɑnɑru nɔ.

Wɑɑsu kowo 8:10

Nɑ wɑ bɑ tɔn kɔ̃sobu sikuɑ bɑ wɑ̃ɑ bɑ wɛ̃re. Be bɑ mɑɑ ɡeɑ kuɑ, bɑ kɑ sɑ̃ɑ yeru tondɑ, mɑ bɑ ben ɡɑri duɑri wuu sɔɔ. Yeni kpuro yɑ tubum sɛ̃.

Yeremi 17:13

Yinni Gusunɔ, wunɑ bɛsɛ Isirelibɑ sɑ yĩiyɔ. Be bɑ nun biru kisi, bɑ koo sekuru wɑ. Be bɑ kɑ nun tondinɛ, bɑ koo bu duɑri. Bɑ ko n sɑ̃ɑwɑ nɡe bèn yĩsɑ bɑ yoruɑ tuɑ sɔɔ. Domi bɑ wunɛ Yinni Gusunɔ deri, wunɛ wi ɑ sɑ̃ɑ nɡe bwiɑ yèn nim mu wɑ̃ɑru wɛ̃ɛmɔ.

Yeremi 44:11

Yen sɔ̃nɑ nɛ, Gusunɔ Isirelibɑn Yinni, nɛ wi nɑ wɔllu kɑ tem mɔ nɑ bɛɛ biru kisi mɑ nɑ bɛɛ kɔ̃sɑ kuɑ n kɑ bɛɛ Yudɑbɑ kpuro kɑm koosiɑ.

Sɑ̃ɑrun Woodɑ 17:10

Wee woodɑ ye nɛ, Yinni Gusunɔ nɑ mɑɑ wɛ̃ɛmɔ. Isireli ɡoo, ǹ kun mɛ sɔɔ ɡoo wi u wɑ̃ɑ ben suunu sɔɔ ù n yɛm di, bɑɑ ǹ n mɛren nɑ mu sɑ̃ɑ, nɛ, Yinni Gusunɔwɑ kon yɛ̃ro wɔrimɑ n nùn yɑrɑ win tɔmbun suunu sɔɔn di.

Sɑ̃ɑrun Woodɑ 26:17

Kon bɛɛ biru kisi kpɑ bɛɛn yibɛrɛbɑ bu bɛɛ kɑmiɑ. Kpɑ be bɑ bɛɛ tusɑ bu bɛɛ dɑm dɔre. I ko i duki yɑkikirɑwɑ bɑɑ bɑ̀ kun bɛɛ nɑɑ ɡire.

Amɔsu 9:4

Ben yibɛrɛbɑ bɑ̀ n mɑɑ bu yoru mwɛɛrɑ, u koo de yibɛrɛ be, bu bu ɡo kɑ tɑkobi. U ko n bu nɔni ɡirɑriwɑ, kpɑ u bu kɔ̃sɑ kuɑ, n ǹ mɔ ɡeɑ.