Womusu 33:11 - Bibeli Gusunɔn Gari

¹¹ Adɑmɑ win himbɑ yɑ ku rɑ ɡɔsiɑre, yɑ ko n wɑ̃ɑwɑ sere kɑ bɑɑdommɑɔ.

Womusu 33:11 ပူးပေါင်းရင်းမြစ်များ

Sinɑmbu II 19:25

Adɑmɑ u ǹ yɛ̃ mɑ wi, Yinni Gusunɔn tiiwɑ u yenibɑn himbɑ yi sɑɑ yellun di? Wee tɛ̃, himbɑ ye, yɑ koorɑ. Mɑ u derɑ wi, Asirin sinɑ boko u wuu si su ɡbɑ̃rɑnu mɔ bɑnsu koosiɑ.

Yoobu 23:13

Ù n ɡɑ̃ɑnun himbɑ yi, wɑrɑ u koo ye sĩiyɑ. Ye u kĩ yerɑ u rɑ ko.

Womusu 92:5

Yinni Gusunɔ, ye ɑ kuɑ yɑ mɑn nuku dobu wɛ̃. Mɑ nɑ ye kpuro siɑrɑmɔ kɑ womusu.

Mɔnnu 19:21

Tɔnu u rɑ ɡɑ̃ɑ dɑbinu niɑ ko, ɑdɑmɑ Gusunɔn himbɑ tɔnɑwɑ yɑ rɑ koore.

Wɑɑsu kowo 3:14

Nɑ ɡiɑ mɑ ye Gusunɔ u kuɑ kpuro, yɑ koo tɛwɑ. Bɑ ǹ ɡɑ̃ɑnu ɡɑnu sosimɔ ye sɔɔ, bɑ ǹ mɑɑ ɡɑ̃ɑnu ɡɑnu kɑwɑmɔ ye sɔɔ. Nɡe mɛyɑ Gusunɔ u rɑ ko kpɑ tɔmbu bu kɑ nùn nɑsiɑ.

Esɑi 14:24

Nɛ, Yinni Gusunɔ Dɑm kpuroɡii nɑ bɔ̃ruɑ nɑ nɛɛ, ye nɑ yi, yɑ koo mɑɑ nɑ. Ye nɑ mɑɑ ɡɔ̃ru doke yɑ koo koorɑ.

Esɑi 14:27

Nɛ Gusunɔ, wɔllu kɑ tem Yinni, nɑ̀ n ɡɑ̃ɑnu yi wɑrɑ koo ye yinɑ. Nɑ̀ n nɔmɑ dɛmiɛ wɑrɑ u koo ye kure.

Esɑi 46:10

Nɑ ɡeruɑ yellun di ye yɑ koo koorɑ. Nɑ nɛɛ, nɛn himbɑ ye nɑ yi, yɑ koo koorɑ. Kon mɑɑ nɛn kĩru kpuro yibiɑ.

Yeremi 29:11

Yinni Gusunɔ u mɑɑ nɛɛ, u yɛ̃ himbɑ ye u yii bɛɛn sɔ̃. Himbɑ ɡeɑ, n ǹ mɔ himbɑ kɔ̃sɑ. U koo de ye i yĩiyɔ yu bɛɛ koorɑ siɑ.

Swĩi 3:37

Goo kun kpɛ̃ u nɛɛ, ɡɑ̃ɑnu nu kooro, Yinni Gusunɔ ù kun nin woodɑ wɛ̃.

Misee 4:12

Adɑmɑ tɔn be, bɑ ǹ yɛ̃ himbɑ ye Yinni Gusunɔ u yi win tɔmbun sɔ̃. Bɑ ǹ win bwisikunu yɛ̃. U kĩ u bu mɛnnɑ nɡe ɑlikɑmɑ ye bɑ subɑ mi bɑ rɑ ye so.

Gɔrobun Kookoosu 15:18

Nɛ Yinni Gusunɔwɑ nɑ yeni ɡeruɑ nɛ wi nɑ ɡɑ̃ɑ ni sɔ̃ɔsi yellun di.”

Efesu 1:11

Domi ɡɑ̃ɑnu kpuro nu koorɑmɔwɑ nɡe mɛ Gusunɔn himbɑ kɑ win kĩru. Mɑ bɛsɛ kɑ Kirisin ɡbinnɑɑn sɔ̃ sɑ kuɑ tubi diobu Gusunɔn mi kɑ win tiin himbɑ ye u ɡɔ̃ru doke yellun di.