Womusu 32:6 - Bibeli Gusunɔn Gari

⁶ Yen sɔ̃, n weenɛ bɑɑwure wi u nun nɑɑnɛ sɑ̃ɑ u nun kɑnɑ wɑhɑlɑn sɑɑ sɔɔ. Bɑɑ nim bɑkɑm mù n yibɑ mu sɑrɑ, mu ǹ yɛ̃ro turi.

Womusu 32:6 ပူးပေါင်းရင်းမြစ်များ

Womusu 144:7

A wunɛn nɔmu dɛmiɑmɑ wɔllun di. A mɑn wɔro kpɑ ɑ mɑn fɑɑbɑ ko nim bɑkɑm kɑ tɔn tukobun min di

Womusu 4:3

Bɛɛ tɔmbu, sere sɑɑ yerɑ̀ i ko i n mɑn wɔmmɔ. Bɛɛ tɔmbu, sere sɑɑ yerɑ̀ i ko i n kɑm ɡire. Bɛɛ tɔmbu, sere sɑɑ yerɑ̀ i ko i n weesu swĩi.

Womusu 40:3

U mɑn ɡɑwɑ u yɑrɑ sɑɑ kɑm kobun wɔrun di, mi pɔtɔkɔ wɑ̃ɑ. U nɛn nɑɑsu sɔndi kpee sɑɑrɑ wɔllɔ, kpɑ n kɑ yɔ̃rɑ dim dim.

Womusu 42:7

Nɛn Yinni, nɑ nuki sɑnkire. Yen sɔ̃nɑ nɑ nun yɑɑyɑmɔ sɑɑ Yuudɛnin dɑɑrun di, kɑ ɡuu te bɑ mɔ̀ Hɛɛmɔɔn di kɑ ɡuu te bɑ mɔ̀ Miseɑɑn di.

Womusu 91:7

Bɑɑ bɑrɑ ni, nù n tɔmbu nɔrɔbu (1.000) ɡo wunɛn bɔkuɔ, mɑ nu tɔmbu nɔrɔbun subɑ wɔkuru (10.000) wɔri wunɛn nɔm ɡeuɔ, ɡɑ̃ɑnu kun nun bɑbɑmɔ.

Mɔnnu 1:28

Sɑnɑm mɛyɑ i ko mɑn soku, ɑdɑmɑ nɑ ǹ bɛɛ wurɑrimɔ. I ko mɑn kɑsu, i ǹ mɑɑ mɑn wɑsi.

Esɑi 43:2

À n wɑhɑlɑ mɔ̀ nɡe wi u nim bweru tɔburɑmɔ, ko nɑ n kɑ nun wɑ̃ɑ. Wɑhɑlɑ ye, yɑ ǹ nun kɑmiɑmɔ. À n mɑɑ nɔni sɔ̃ɔre nɡe wi u sĩimɔ dɔ̃ɔ sɔɔ, ɑ ǹ wururɑmɔ. Mɛyɑ nɔni swɑ̃ɑ te, tɑ ǹ nun surɑmɔ.

Esɑi 49:8

Sɑɑ yɑ̀ n turɑ n kɑ nun fɑɑbɑ ko, kon nun durom kuɑ kpɑ n nun somi. Kon nun kɔ̃su kpɑ n kɑ tɔmbu kpuro ɑrukɑwɑni bɔke sɑɑ wunɛn min di. Kon de ɑ wunɛn tem sɔmɛ kpɑ ɑ kpɑm wunɛn tɔmbu ben tem wesiɑ mɛ mu bɑnsu sɑ̃ɑ tɛ̃.

Esɑi 55:6

Ǹ n mɛn nɑ, i Yinni Gusunɔ kɑsuo tɛ̃ sɑɑ ye u wɑ̃ɑ bɛɛn bɔkuɔ. I nùn sokuo sɑnɑm mɛ u wɑ̃ɑ bɛɛn turuku.

Yohɑnu 7:34

Bɛɛ i ko mɑn kɑsu ɑdɑmɑ i ǹ mɑn wɑsi. Mi ko nɑ n wɑ̃ɑ bɛɛ i ǹ kpɛ̃ i nɑ mi.

Korinti II 1:4

U sun dɑm kɛ̃mɔ bɛsɛn nuku sɑnkirɑnu kpuro sɔɔ, kpɑ bɛsɛn tii su kɑ kpĩ su be bɑ nuki sɑnkire dɑm kɛ̃ mɛ bɛsɛn tii sɑ wɑ Gusunɔn min di.

Korinti II 6:2

Domi Gusunɔ u nɛɛ, “Nɑ nun swɑɑ dɑki sɑnɑm mɛ nɑ tɔmbu durom kuɑmmɛ. Nɑ nun somi fɑɑbɑn tɔ̃ru.” Wee, tɛ̃rɑ n weenɛ i Gusunɔn durom mwɑ, ɡisɔrɑ fɑɑbɑn tɔ̃ru.

Timɔte I 1:16

Adɑmɑ yenin sɔ̃nɑ Gusunɔ u mɑn wɔnwɔndu kuɑ, kpɑ Yesu Kirisi u kɑ kpĩ u win suuru nɔru sɑriruɡiɑ sɔ̃ɔsi nɛ sɔɔ nɛ wi nɑ sɑ̃ɑ kpoko, kpɑ nɑ n kɑ sɑ̃ɑ yĩreru ben sɔ̃ be bɑ koo nùn nɑɑnɛ doke bu kɑ wɑ̃ɑru te tɑ ku rɑ kpe wɑ.

Titu 2:12

Durom mɛ, mu sun sɔ̃ɔsimɔ mɑ n weenɛ su wɑ̃ɑ te tɑ kun Gusunɔ bɛɛrɛ wɛ̃ɛmɔ deri kɑ mɑɑ hɑnduniɑn kĩru kɑnkɑm, kpɑ sɑ n wɑ̃ɑ hɑnduniɑ mini ɡem sɔɔ kɑ lɑɑkɑri kɑ Gusunɔn bɛɛrɛ wɛ̃ɛbu,