Womusu 32:5 - Bibeli Gusunɔn Gari

⁵ Nɑ nɛɛ, kon nɛn torɑnu wurɑ wunɛ Yinni Gusunɔn mi. Nɑ nɛn durum tuubɑ kuɑ wunɛn mi, nɑ ǹ nɛn kɔ̃sɑ beruɑ. Mɑ ɑ mɑn nɛn durum tɑɑrɛ wunɑri.

Womusu 32:5 ပူးပေါင်းရင်းမြစ်များ

Sɑmuɛli II 12:13

Mɑ Dɑfidi u Nɑtɑni sɔ̃ɔwɑ u nɛɛ, nɛn torɑ te, tɑ kpɑ̃ te nɑ Yinni Gusunɔ kuɑ. Nɑtɑni u nùn wisɑ u nɛɛ, Yinni Gusunɔ u mɑɑ nun wunɛn durum suuru kuɑ. A ǹ mɑɑ ɡbimɔ.

Sɑmuɛli II 12:9

Ǹ n mɛn nɑ, mbɑn sɔ̃nɑ ɑ win ɡɑri ɑtɑfiiru kuɑ ɑ kɑ kuɑ ye n sɑ̃ɑ kɔ̃sɑ win nɔni sɔɔ. A derɑ Amɔnibɑ bɑ Uri Hɛti wi ɡo kɑ tɑkobi, mɑ ɑ win kurɔ suɑ ɑ tii koosi.

Sɑmuɛli II 24:10

Ye Dɑfidi u nuɑ mɛ, yerɑ win torɑrɑ kɑrɑ, mɑ u Yinni Gusunɔ sɔ̃ɔwɑ u nɛɛ, nɑ torɑ n kpɑ̃ ye nɑ kɑ tɔn be ɡɑrɑ. Tɛ̃ nɑ ɡiɑ mɑ ɡɑri bɑkɑ kookoosɑ nɑ kuɑ. A mɑn nɛn torɑ ten suuru kuo.

Sɑmuɛli II 24:17

Sɑnɑm mɛ Dɑfidi u ɡɔrɑdo wi wɑ wi u tɔmbu ɡoomɔ yerɑ u nɛɛ, nɛnɑ nɑ tore. Tɔn beni bɑ ǹ ɡɑ̃ɑnu kue. Yen sɔ̃, ɑ de ɑ mɑn nɔmɑ doke nɛ kɑ nɛn yɛnuɡibu.

Sinɑmbu I 8:50

A bu ben durum kɑ ben torɑnu kpuro suuru kuo, kpɑ ɑ de be bɑ bu yoru diisiɑmɔ bu ben wɔnwɔndu wɑ.

Bɑndun Gɑri II 6:29

bɑ̀ n seewɑ bɑ kɑnɑru mɔ̀ mɑ ben bɑɑwure u win torɑru wurɑ win ɡɔ̃ruɔ, mɑ u win nɔmɑ suemɑ dii tenin berɑ ɡiɑ,

Ɛsidɑrɑsi 10:11

I tii nɛnuɔ tem minin tɔmbun sɔ̃ kɑ sere mɑɑ ben kurɔbun sɔ̃.

Yoobu 31:33

Nɑ ku rɑ nɛn torɑnu bere nɡe tɔn be bɑ tie. Nɑ ku rɑ mɑɑ nɛn durum tii mɑrisi.

Yoobu 33:27

Kpɑ u womu ko tɔmbun wuswɑɑɔ u nɛɛ, u durum kuɑ, u ɡem yinɑ. Adɑmɑ Gusunɔ kun nùn yen sɛɛyɑsiɑbu kue.

Womusu 103:3

U rɑ mɑn nɛn torɑnu kpuro suuru kue. U rɑ nɛn bɑrɑnu kpuro kpeesie.

Womusu 25:16

Yinni Gusunɔ, ɑ nɛn wɔnwɔndu wɑɑwo. Wee, bɑ mɑn deri, nɑ wɑ̃ɑ nuku sɑnkirɑnu sɔɔ.

Womusu 25:18

A nɛn wɑhɑlɑ mɛɛrio. Wee, nɑ wɔnwɔndu soore. A nɛn durum wɔko.

Womusu 30:5

I Yinni Gusunɔ siɑro kɑ womusu, bɛɛ be i kɑ nùn yɔ̃ dim dim. I win yĩsi dɛɛrɑ te wɔlle suo.

Womusu 38:18

Wee nɑ wɔrumɑɑ dɔɔ, mɑ nɛn wɑhɑlɑ yɑ mɑn wɑ̃ɑsi.

Womusu 38:19

Nɑ nɛn torɑnu tuubɑ mɔ̀. Torɑ ni, nu mɑn bɛrum mɔ̀.

Womusu 51:6

Wunɛ turowɑ nɑ torɑri, nɑ mɑɑ kuɑ ye yɑ ǹ nun dore. Yen sɔ̃, ɑ ɡem mɔ ye ɑ kɑ mɑn tɑɑrɛ wɛ̃. Wunɛn siribu bu dɛnde.

Womusu 86:15

Adɑmɑ wunɛ Gusunɔ, ɑ sɑ̃ɑwɑ Yinni wɔnwɔnduɡii. A ku rɑ mɔru se fuuku. Wunɛn kĩru tɑ kpɑ̃. A mɑɑ sɑ̃ɑwɑ bɔrɔkini.

Womusu 86:5

Yinni, ɑ sɑ̃ɑwɑ tɔn ɡeo, ɑ rɑ mɑɑ tɔmbu ben durum wɔke. A rɑ be bɑ nun soku kpuro kĩru sɔ̃ɔsi tɑ n kpɑ̃.

Mɔnnu 28:13

Wi u win torɑru tii mɑrisi, u ǹ koorɑmɔ, ɑdɑmɑ wi u te tuubɑ kuɑ, mɑ u te deri, Gusunɔ u koo yɛ̃ro suuru kuɑ.

Mɔnnu 30:20

Kurɔ tɑnɔ ù n sɑkɑrɑru kuɑ u kpɑ, u rɑ woburewɑ kpɑ u nɛɛ, u ǹ kɔ̃sɑ ɡɑɑ kue, kpɑ u n sɔ̃ nɡe wi u di u kpɑ u nɔɔ wokɑmɔ.

Esɑi 65:24

Bu sere kɑnɑru ko bu kpe, ko nɑ n dɑ bu wisiwɑ.

Yeremi 2:23

Amɔnɑ i ko kpĩ i siki i nɛɛ, i ǹ tii disi koosi, i ǹ bũu wi bɑ mɔ̀ Bɑɑli sɑ̃wɑ. I bɛɛn nɑɑsun yirɑ mɛɛrio wɔwɑ sɔɔ. I de i wurɑ ye i kuɑ, bɛɛ be i sɑ̃ɑ nɡe yooyoo niu ɡe ɡɑ bɔsu ɡɑ durɔbu kɑsu.

Yeremi 2:35

Kɑ mɛ, i tii sokumɔ be bɑ dɛɛre. Mɑ i mɔ̀, nɛ, Yinni Gusunɔn mɔru yu bɛɛ doonɑri. Adɑmɑ kon bɛɛ siribu soku yèn sɔ̃ i mɔ̀, i ǹ durum mɔ.

Yeremi 3:13

Bu ɡesi ben durum wuro. Bu wuro mɑ bɑ ǹ kɑ mɑn yɔ̃re, nɛ, Gusunɔ ben Yinni. Domi bɑ dɑ bɑ bũnu ɡɑsirɑ dɑ̃ɑ kubenɔ. Bɑ yinɑ bu nɛn ɡɑri swɑɑ dɑki. Nɛ, Yinni Gusunɔwɑ nɑ yeni ɡeruɑ.

Yeremi 31:20

Isirelin bweseru tɑ sɑ̃ɑwɑ nɡe nɛn bii kĩnɑsi. Mɛyɑ nɑ mɑɑ tu kĩru sɔ̃ɔsi. Domi nɡe mɛ̀n nɔru nɑ ten ɡɑri mɔ̀, nɡe mɛyɑ ten kĩru tɑ rɑ n wɑ̃ɑ nɛn ɡɔ̃ruɔ. Nɛn bwɛ̃rɑ kun kpunɛ ten sɔ̃. Kon tu wɔnwɔn bɑkɑru kuɑ. Nɛ, Yinni Gusunɔwɑ nɑ yeni ɡeruɑ.

Osee 6:1

Isirelibɑ bɑ sɔ̃ɔnɑ bɑ nɛɛ, i nɑ su ɡɔsirɑ Yinni Gusunɔn mi. Wee u sun so u mɛɛrɑ kuɑ. Adɑmɑ u koo bɛsɛn mɛɛrɑ ye nɔɔri u sun bɛkiɑ.

Sɑ̃ɑrun Woodɑ 5:5

Goo ù n torɑ nin ɡɑru kuɑ, u koo yen tuubɑ kowɑ.

Mɑlɑsi 3:8

Mɑ nɑ bikiɑ nɑ nɛɛ, tɔnu u rɑ nɛ Gusunɔ nɔni wɔ̃ke? Domi wee, i mɑn nɔni wɔ̃kumɔ. Mɑ i ɡerumɔ i mɔ̀, yen yere sɔɔrɑ sɑ nun nɔni wɔ̃kumɔ. Mɑ nɑ wisɑ nɑ nɛɛ, kɛ̃nu wɛ̃ɛbu sɔɔ kɑ tiɑ tiɑ ye i rɑ mɑn wɛ̃ wɔkuru bɑɑteren wɔllɔ.

Luku 16:15

U bu sɔ̃ɔwɑ u nɛɛ, bɛɛ i sɑ̃ɑwɑ be bɑ tii ɡem wɛ̃ɛmɔ tɔmbun wuswɑɑɔ, ɑdɑmɑ Gusunɔ u bɛɛn ɡɔ̃rusu yɛ̃. Domi ye bɑ siɑrɑmɔ tɔmbun mi ɡɑ̃ɑ kɔ̃sunɑ Gusunɔn wuswɑɑɔ.

Luku 7:47

Yen sɔ̃, nɑ nun sɔ̃ɔmɔ mɑ kurɔ win durum bɑkɑ ye, bɑ nùn ye suuru kuɑ. Yeyɑ n derɑ win kĩrɑ kpɛ̃ɑ. Adɑmɑ wi bɑ fiiko suuru kuɑ, u rɑ n kĩwɑ fiiko.

Efesu 4:32

I durom kuɑnɔ kpɑ i n wɔnwɔndu mɔɔsinɛ. I suuru kuɑnɔ nɡe mɛ Gusunɔ u bɛɛ suuru kuɑ Kirisin sɔ̃.

Yosue 7:19

Yosue u Akɑni sɔ̃ɔwɑ u nɛɛ, nɛn bii, ɑ Gusunɔ Isirelibɑn Yinni bɛɛrɛ wɛ̃ɛyɔ, kpɑ ɑ ɡem ɡere. A mɑn sɔ̃ɔwɔ ye ɑ kuɑ. A ku mɑn yen ɡɑɑ beruɑ.