Womusu 32:11 - Bibeli Gusunɔn Gari

¹¹ Yen sɔ̃, bɛɛ ɡemɡibu, i ɡɔ̃ru doro Yinni Gusunɔ sɔɔ, kpɑ i dɛsinu kɑrɑ. Bɛɛ bèn ɡɔ̃ru ɡɑ dɛɛre, i ɡuudɑ koowo kɑ nuku dobu, bɛɛ kpuro.

Womusu 32:11 ပူးပေါင်းရင်းမြစ်များ

Womusu 125:4

Yinni Gusunɔ, ɑ be bɑ ɡeɑ mɔ̀ ɡeɑ sɔ̃ɔsio. A bèn ɡɔ̃ru ɡɑ dɛɛre durom kuo.

Womusu 32:2

Doo nɔɔruɡiiwɑ wìn kɔ̃sɑ Yinni Gusunɔ kun ɡɑrisi, mɑ u ǹ mɑɑ keetɑ mɔ win ɡɔ̃ruɔ.

Womusu 33:1

Bɛɛ be i sɑ̃ɑ ɡemɡibu, i Gusunɔ siɑro kɑ womusu. Bɛɛ be i dɛɛre, i nùn siɑro bɑɑdommɑ.

Womusu 5:11

A bu nɔni sɔ̃ɔwɔ ben tɑɑrɛn sɔ̃. A bu sureo ben tiin yinɑ sɔɔ. A bu ɡiro wunɛn wuswɑɑn di, domi ben durum yɑ kpɑ̃. Bɑ mɑɑ nun seesi.

Womusu 64:10

Kpɑ bɛrum mu be kpuro mwɑ bɑ n kpɑrɑmɔ ye Gusunɔ u kuɑ, kpɑ bɑ n yen bwisikunu mɔ̀.

Womusu 68:3

A bu yɑrinɑsiɑ nɡe wiisu. Mɑ bɑ yɑndɑ nɡe ɡum minɛru te bɑ dɔ̃ɔ tĩi. Tɔn kɔ̃sobu bɑ mundɑ wunɛn wuswɑɑɔ Gusunɔ.

Womusu 7:10

A de tɔn kɔ̃sobun dɑɑ yu nɔru ko, kpɑ ɑ de ɡemɡibu bu kuurɑ. Yinni Gusunɔ, ɑ sɑ̃ɑwɑ ɡemɡii. Wunɑ ɑ rɑ tɔnun ɡɔ̃run ɡɑri wɛ̃ɛri.

Womusu 97:1

Yinni Gusunɔ u bɑndu dii. Tem mu nukuru doro. Be bɑ wɑ̃ɑ n tomɑ bu yɛ̃ɛrio.

Womusu 97:12

Bɛɛ ɡemɡibu, i nuku dobu koowo Yinni Gusunɔn sɔ̃. Kpɑ i win yĩsi dɛɛrɑ te wɔlle suɑ.

Womusu 98:4

Bɛɛ hɑnduniɑɡibu kpuro, i nɔɔɡiru suo kɑ nuku dobu. I nuku dobun kuuki koowo i kɑ nùn siɑrɑ i nùn tɔmɑ kɑ womusu.

Sɑkɑri 4:7

U mɑɑ nɛɛ, Sɑkɑri, mbɑ n dɑ n ɡuu bɑkɑ te tɑ wɑ̃ɑ Sorobɑbɛlin wuswɑɑɔ. Sorobɑbɛli wi, u koo tu kɔrɑ kpɑ u kpee ɡeeru yɑrɑ te bɑ koo sɔndi sɑ̃ɑ yerun wii kpiirɔ. Sɑɑ ye sɔɔ, tɔmbu bɑ koo nuku dobun kuuki ko bɑ n mɔ̀ ɑnnɑ ɑ kpee burɑru wɑ.

Romu 5:11

N ǹ mɛ tɔnɑ, sɑ mɑɑ nuku dobu mɔ Gusunɔ sɔɔ sɑɑ bɛsɛn Yinni Yesu Kirisin min di wi u derɑ sɑ dorɑ kɑ Gusunɔ.

Sɔ̃ɔsiru 12:12

Gusunɔ bɛsɛn Yinnin sɑ̃ɑ yeru miyɑ i ko i nuku dobu ko bɛɛ kɑ bɛɛn bii tɔn durɔbu kɑ tɔn kurɔbu kɑ bɛɛn sɔm kowo tɔn durɔbu kɑ tɔn kurɔbu kɑ Lefi be bɑ wɑ̃ɑ bɛɛn suunu sɔɔ yèn sɔ̃ bɑ ǹ ben tiin tem mɔ.

Filipi 3:1

Tɛ̃, nɛɡibu, i de i n nukuru do ye i kɑ sɑ̃ɑ Yinniɡibu. Nɛn mi, nɑ ǹ wɑsirɑmɔ n kɑ bɛɛ yɑɑyɑsiɑ ye nɑ rɑɑ yoruɑ kɔ, bɛɛn mi mɑɑ, somirɑ.

Filipi 3:3

Bɛsɛrɑ sɑ sɑ̃ɑ bɑnɡoɡii ɡeebu, n ǹ mɔ be, domi sɑ Gusunɔ sɑ̃ɑmɔ kɑ win Hunde, sɑ woo kɑnɑmɔ Yesu Kirisin sɔ̃, sɑ ǹ mɑɑ bɛsɛn nɑɑnɛ doke wɑsin komɑnu sɔɔ.

Filipi 4:4

I de bɛɛn nukurɑ n do Yinni sɔɔ bɑɑdommɑ. Nɑ kpɑm wure nɑ ɡerumɔ, i de bɛɛn nukurɑ n do.

Sɑmuɛli I 2:1

Hɑnɑ u Gusunɔ siɑrɑ u nɛɛ, nɛn ɡɔ̃ru ɡɑ dorɑ ye Yinni Gusunɔ u mɑn kuɑn sɔ̃. Nɛn nukurɑ do win fɑɑbɑn sɔ̃. Wee nɑ dɑm kuɑ. Nɑ nùn siɑrɑmɔ nɛn yibɛrɛbɑn wuswɑɑɔ.