Womusu 31:22 - Bibeli Gusunɔn Gari

²² Yinni Gusunɔ, wunɑ kon siɑrɑ, domi ɑ mɑn wunɛn durom sɔ̃ɔsi. Nɑ rɑɑ sɑ̃ɑwɑ nɡe wuu ɡe bɑ tɑrusi,

Womusu 31:22 ပူးပေါင်းရင်းမြစ်များ

Yoobu 35:14

Yoobu, bɑɑ mɛ ɑ ɡeruɑ ɑ nɛɛ, ɑ ǹ Gusunɔ wɑɑmɔ, ɑ n yɛ̃ mɑ u wunɛn lɑɑkɑri mɔ̀. Ǹ n mɛn nɑ, ɑ tɛmɑnɔ ɑ nùn swɑɑ dɑki.

Womusu 116:11

Nɛn nuku sɑnkirɑru sɔɔ, nɑ nɛɛ, ɡoo sɑri wi u nɑɑnɛ mɔ.

Womusu 17:7

A mɑn wunɛn durom bɑkɑm sɔ̃ɔsio, domi ɑ rɑ be bɑ nun nɑɑnɛ sɑ̃ɑ wɔre ben yibɛrɛbɑn nɔmɑn di.

Womusu 31:17

A mɑn wunɛn yɑm bururɑm sɔ̃ɔsio. A mɑn wɔro wunɛn durom sɔ̃.

Womusu 6:9

Bɛɛ be i kɔ̃sɑ mɔ̀ kpuro, i doonɔ nɛn min di, domi nɑ fɑɑbɑ kɑnɑ. Yinni Gusunɔ u nɛn wuri nuɑ.

Womusu 66:20

Nɑ nùn siɑrɑ domi u nɛn kɑnɑru mwɑ. Mɑ u ǹ mɑn win durom wunɑri.

Womusu 88:16

Sɑɑ nɛn birun di, nɑ wɔnwɔndu soorewɑ nɑ ɡɔɔ dɔɔ. Nɑ burisinɛ nɔni swɑ̃ɑ te ɑ mɑn kpɛ̃ɛn sɔ̃.

Esɑi 49:14

Yerusɑlɛmuɡibu bɑ mɔ̀, Yinni Gusunɔ u sun deri, mɑ u sun duɑri.

Esɑi 6:5

Sɑɑ ye sɔɔrɑ nɑ nɔɔɡiru suɑ nɑ nɛɛ, nɑ kɑm kuɑwɑ. Domi nɛn yɑrɑ yɑ durum sɔɔwɑ, nɑ mɑɑ wɑ̃ɑ tɔmbun suunu sɔɔ bèn yɑri durum sɔɔwɑ mɑ nɑ sere Gusunɔ, wɔllu kɑ tem Yinni wɑ kɑ nɔni wi u sɑ̃ɑ kpuron sunɔ.

Esekiɛli 37:11

Yinni Gusunɔ u mɑɑ nɛɛ, tɔnun bii, kuku ni, nu sɑ̃ɑwɑ Isirelibɑ. Wee bɑ mɔ̀, ben kukunu nu ɡberɑ. Ben yĩiyɔbu bu doonɑ mɑ bɑ kɔ̃ɔrɑ.

Yonɑsi 2:4

Wee ɑ mɑn kpɛ̃ɛ sere nim wɔ̃kun sɔɔwɔ. Mɑ nim mɑn mwɛ. Nim kurenu kpuro mɑn tɑɑre.

Luku 11:10

Domi bɑɑwure wi u bikiɑmɔ bɑ koo nùn wɛ̃. Wi u kɑsu u koo wɑ. Wi u mɑɑ ɡɑmbo soomɔ, bɑ koo yɛ̃ro kɛniɑ.

Heberu 5:7

Yesun hɑnduniɑn wɑ̃ɑru sɔɔ u Gusunɔ kɑnɑ wi u koo kpĩ u nùn wɔrɑ ɡɔɔn nɔmɑn di. U mɑɑ nùn suuru kɑnɑ kɑ wuri bɛkɛ kɑ yĩresu. Mɑ Gusunɔ u nùn swɑɑ dɑki win wii kpĩibun sɔ̃.

Sɑmuɛli I 23:26

Ye u turɑ mi, ɡuu ten bee tiɑ u bɛwe. Mɑ Dɑfidi u mɑɑ wɑ̃ɑ ten bee tiɑɔ kɑ wiɡibu. Adɑmɑ sɑɑ ye sɔɔ, Sɔɔlu kɑ wiɡibu bɑ Dɑfidi kɑ win tɔmbu kooro bure bɑ kpɑ. Yerɑ Dɑfidi u swɑɑ kɑsu u kɑ dukɑ yɑkurɑ.

Sɑmuɛli I 25:32

Yerɑ Dɑfidi u Abiɡɑli wisɑ u nɛɛ, nɑ Gusunɔ Isirelibɑn Yinni siɑrɑ wi u nun ɡɔrimɑ ɑ nɑ ɑ kɑ mɑn yinnɑ mini ɡisɔ.

Sɑmuɛli I 27:1

Yenibɑn biru, Dɑfidi u tii sɔ̃ɔwɑ u nɛɛ, sɔ̃ɔ teeru Sɔɔlu u koo mɑn nɔmɑ turi u ɡo. Yen sɔ̃, n burɑm bo n dukɑ yɑkurɑ minin di n kpikiru dɑ Filisitibɑn temɔ kpɑ Sɔɔlu u ku mɑɑ mɑn kɑsu Isirelibɑn tem kpuro sɔɔ. Nɡe mɛyɑ kon kɑ wɑ n kisirɑ win nɔmɑn di.