Womusu 31:21 - Bibeli Gusunɔn Gari

²¹ Domi ɑ rɑ be bɑ nun nɑsie kɔ̃su, kpɑ bɑ n wɑ̃ɑ wunɛn wuswɑɑɔ bu ku kɑ du nɑɑnɑɑnu sɔɔ, kpɑ ɑ bu bere wunɛn dirɔ tɔn kɔ̃sobun sɔ̃.

Womusu 31:21 ပူးပေါင်းရင်းမြစ်များ

Yoobu 5:21

U koo nun bɔ̃ri ɡbɑrɑ. Sɑnɑm mɛ yibɛrɛbɑ bɑ koo tem kɑm koosiɑ, u koo nun wɔrɑ.

Womusu 118:23

Yinni Gusunɔwɑ u ye kuɑ mɑ n kuɑ mɑɑmɑɑki bɛsɛn nɔni sɔɔ.

Womusu 17:7

A mɑn wunɛn durom bɑkɑm sɔ̃ɔsio, domi ɑ rɑ be bɑ nun nɑɑnɛ sɑ̃ɑ wɔre ben yibɛrɛbɑn nɔmɑn di.

Womusu 27:5

Domi u koo mɑn bere win wɑ̃ɑ yerɔ nɔni swɑ̃ɑrun sɑnɑm, kpɑ u kɑ mɑn dɑ kperu wɔllɔ mi ɡoo kun mɑn nɑɑ turi.

Womusu 98:1

I Yinni Gusunɔ wom kpɔɔ kuo, domi u sɔm mɑɑmɑɑkiɡinu kuɑ. Win dɑm sɑɑbu u nɑsɑrɑ wɑ.

Yeremi 1:18

Wee tɛ̃, Yudɑbɑn sinɑmbu kɑ ben wiruɡibu kɑ ben yɑ̃ku kowobu kɑ sere tɔn be bɑ tie kpuro bɑ koo kɑ mɑn tɑbu ko. Adɑmɑ bɑ ǹ kpɛ̃ bu mɑn kɑmiɑ. Domi sɑɑ ye sɔɔ, u koo mɑn dɑm wɛ̃ nɡe wuu ɡe bɑ ɡbɑ̃rɑru toosi, ǹ kun mɛ nɡe ɡbere ye bɑ kuɑ kɑ sisu, ǹ kun mɛ nɡe ɡbɑ̃rɑ te bɑ kuɑ kɑ sii ɡɑndu. U ko n wɑ̃ɑwɑ kɑ nɛ u kɑ mɑn wɔrɑ ben nɔmɑn di. Wi, Yinni Gusunɔwɑ u yeni ɡeruɑ.

Piɛɛ I 2:9

Adɑmɑ bɛɛ i sɑ̃ɑwɑ bwese te bɑ ɡɔsɑ, i mɑɑ sɑ̃ɑ sinɑ bokon yɑ̃ku kowobu, i sɑ̃ɑ bwese te Gusunɔ u yɑkiɑ u yii nɛnɛm, kpɑ i kɑ win tɔn ɡeeru kpɑrɑ wi, wi u bɛɛ sokɑ yɑm wɔ̃kurun di i kɑ du win yɑm bururɑm mɑɑmɑɑkiɡim sɔɔ.