Womusu 31:20 - Bibeli Gusunɔn Gari

²⁰ Yinni Gusunɔ, wunɛn durom mu kpɑ̃, mɛ ɑ be bɑ nun nɑsie yiiye, kɑ be bɑ ben nɑɑnɛ doke wunɛ sɔɔ. Tɔmbu bɑ koo kpĩ bu wɑ durom mɛ ɑ rɑ bu kue.

Womusu 31:20 ပူးပေါင်းရင်းမြစ်များ

Yoobu 5:21

U koo nun bɔ̃ri ɡbɑrɑ. Sɑnɑm mɛ yibɛrɛbɑ bɑ koo tem kɑm koosiɑ, u koo nun wɔrɑ.

Womusu 10:2

A mɛɛrio nɡe mɛ tɔn kɔ̃sobɑ tii sue. Bɑ yɑ̃ɑrobu nɔni sɔ̃ɔmɔ bɛrum sɑriru sɔɔ. Bɑ bu kɔkirimɔ bɑ suremɔ ben yinɑ sɔɔ.

Womusu 103:11

Adɑmɑ nɡe mɛ sɔ̃ɔ yɑri yeru tɑ kɑ sɔ̃ɔ duu yeru tondinɛ, nɡe mɛyɑ u rɑ mɑɑ bɛsɛn torɑnu tondɑsie. Nɡe mɛ wɔllɑ kɑ tem tomɑ, nɡe mɛyɑ win durom mu kpɑ̃ɑru nɛ be bɑ nùn nɑsien mi.

Womusu 103:8

Yinni Gusunɔ u wɔnwɔndu mɔ. U rɑ mɑɑ tɔnu durom kue. Win durom mu kpɑ̃. Win mɔru ku rɑ se fuuku.

Womusu 119:124

A nɛ, wunɛn sɔm kowo kuo nɡe mɛ wunɛn tɔn ɡeerɑ nɛ. A mɑn wunɛn woodɑbɑn keu sɔ̃ɔsio.

Womusu 124:5

Nim kure dɑmɡinɑ nu koo sun tɑɑre.

Womusu 140:3

Domi kɔ̃sɑ bɑ rɑ n bwisikumɔ ben ɡɔ̃ruɔ. Kpɑ bɑ n sɔɔru kpeere bɑɑdommɑ bu kɑ tɑbu ko.

Womusu 140:5

Yinni Gusunɔ, ɑ mɑn tɔn kɔ̃so ɡbɑro. A mɑn ɡbɑnɑɡibu ɡiro be bɑ kɑsu bu mɑn surɑ.

Womusu 2:12

kpɑ u ku rɑɑ mɔru ko subɑru sɔɔ. Domi win mɔru yɑ̀ n seewɑ, u koo de i kɑm ko. Adɑmɑ doo nɔɔruɡibɑ be bɑ nùn nɑɑnɛ sɑ̃ɑ kpuro.

Womusu 27:5

Domi u koo mɑn bere win wɑ̃ɑ yerɔ nɔni swɑ̃ɑrun sɑnɑm, kpɑ u kɑ mɑn dɑ kperu wɔllɔ mi ɡoo kun mɑn nɑɑ turi.

Womusu 32:7

Wunɑ sɑ̃ɑ nɛn kuku yeru, ɑ rɑ mɑn ɡbɑre wɑhɑlɑn di. A derɑ nɑ womusu mɔ̀ wunɛn fɑɑbɑn sɔ̃.

Womusu 36:11

A be bɑ nun yɛ̃ durom kuo. A bèn ɡɔ̃ru ɡɑ dɛɛre bɔrɔkiniru sɔ̃ɔsio.

Womusu 36:6

Adɑmɑ Yinni Gusunɔ, wunɛn durom mu wɑ̃ɑwɑ sere kɑ wɔllɔ. Wunɛn bɔrɔkiniru tɑ mɑɑ sɔ̃ɔsire sere kɑ ɡuru winɔ.

Womusu 36:8

domi wunɛn kĩru tɑ kpɑ̃. Wunɛn kɑsenun kɔkɔrɔwɑ tɔmbɑ kuku yenu kɑsu.

Womusu 40:4

Gusunɔ u derɑ nɑ womu kpɔɔ mɔ̀ ɡe nɑ kɑ nùn siɑrɑmɔ. Tɔn dɑbiru tɑ nuɑ mɑ tɑ bɛrum kuɑ, mɑ tɑ ten nɑɑnɛ doke Yinni Gusunɔ sɔɔ.

Womusu 57:11

Domi wunɛn tɔn ɡeerɑ wɑ̃ɑwɑ sere kɑ wɔllɔ. Mɛyɑ mɑɑ wunɛn bɔrɔkiniru tɑ sɔ̃ɔsirɑmɔ sere kɑ ɡuru winɔ.

Womusu 86:14

Yinni Gusunɔ, tii suobu bɑ mɑn seesi. Tɔn kɔ̃sobu bɑ kĩ bu mɑn hunde wunɑ, be, bèn bwisikunu ku rɑ n wɑ̃ɑ wunɛn mi ɡiɑ.

Yɑribu 18:11

Tɛ̃ nɑ ɡiɑ mɑ wiyɑ u bũnu kpuro kere. Domi u derɑ Eɡibitiɡibun nuku kɔ̃surɑ wɔri ben tii sɔɔ.

Romu 13:13

Su sĩ dee dee nɡe mɛ bɑ rɑ sĩ sɔ̃ɔ sɔɔ, sɑ kun ɑkɑnu mɔ dibu kɑ nɔrubu sɔɔ, sɑ kun kurɔ dɑmɑru kɑ binɛ bɑkɑ mɔ, kpɑ su ku nɔɔ ɡɔmunu kɑ nisinu ko.

Korinti II 12:20

Nɑ wurure sɑnɑm mɛ kon turi bɛɛn mi, kpɑ nɑ kun bɛɛ deemɛ nɡe mɛ nɑ kĩ, bɛɛ mɑɑ, kpɑ i kun mɑn wɑ nɡe mɛ i kĩ. Nɑ wurure sɑnnɔsun sɔ̃ kɑ nisinu kɑ mɔru kɑ kinɛnu kɑ wɔnnɑɑ kɑ tɔn wĩinu kɑ tii suɑbu kɑ nɔɔ nɛɛ sɑriru.

Gɑlɑti 5:20

kɑ bũu sɑ̃ɑru kɑ tim kɑnkɑm, kɑ yibɛrɛ tɛɛru, kɑ sɑnnɔ, kɑ nisinu, kɑ mɔru, kɑ nɔɔ ɡɔmunu, kɑ sikirinɔ, kɑ kɑrɑnɑbu,

Timɔte I 6:4

yɛ̃ro u tii suewɑ, u ǹ mɑɑ ɡɑ̃ɑnu yɛ̃. Adɑmɑ sikirinɔsu kɑ ɡɑri wɛ̃ɛrinun kĩrɑ u bɑrɔ. Min diyɑ nisinu kɑ sɑnnɔsu kɑ yɑɑ kɑsikibu kɑ tɔn nɑɑnɛ sɑrirɑ wee.

Yɑkɔbu 4:6

Adɑmɑ u rɑ tɔnu durom kue mɛ n kpɑ̃ɑru kere, domi Gusunɔn ɡɑri nɛɛ, “Gusunɔ kun wɑ̃ɑ be bɑ tii suen biruɔ, ɑdɑmɑ u tii kɑwobu durom kuɑmmɛ.”