Womusu 31:19 - Bibeli Gusunɔn Gari

¹⁹ A ku de wee kowobu bu ɡɑri ɡere, kɑ be bɑ tii suɑ ɡɑri mɔ̀, bɑ ɡɑbu ɡɛmɑ.

Womusu 31:19 ပူးပေါင်းရင်းမြစ်များ

Womusu 12:5

Domi bɑ ɡerumɔ bɑ mɔ̀, bɑ rɑ wɑ ye bɑ kĩ ben nɔɔ dobun sɑɑbu, bɑ ɡɑri ɡerubu yɛ̃, bɑ ǹ ɡoon bɛrum mɔ.

Womusu 16:11

Adɑmɑ kɑɑ mɑn wɑ̃ɑrun swɑɑ sɔ̃ɔsi. Wunɛn miyɑ kon yɛ̃ɛri. Wunɛn miyɑ kon nuku dobu ko bi bu ǹ kpeemɔ.

Womusu 23:5

Yinni, bɑɑ yibɛrɛbɑ bɑ̀ n mɑn sikerenɛ, ɑ rɑ mɑn dɑm koosie kɑ bɛɛrɛ, ɑ turɑre ɡumɡiɑ wisi nɛn wirɔ, ɑ dĩɑ bwese bwesekɑ yi nɛn wuswɑɑɔ, ɑ nɛn nɔrɑ yibiɑ pɛrɛrɛ.

Womusu 68:28

Bɛnyɑmɛɛ wi u piiburu bo, win bweserɑ tɑ bu swɑɑ ɡbiiye, mɑ Yudɑn bwese kɛrɑn wiruɡibu kɑ ben tɔmbu bɑ bu swĩi. Yen biru, Sɑbulonin bwese kɛrɑ kɑ Nɛfitɑliɡiɑn wiruɡibu bɑ bu swĩi.

Womusu 73:1

Womu ɡe Asɑfu u kuɑ. Ge wee. Geemɑ, Gusunɔ u sɑ̃ɑwɑ tɔn ɡeo Isirelibɑn sɔ̃ kɑ mɑɑ bèn ɡɔ̃rusu dɛɛre.

Esɑi 26:12

Yinni Gusunɔ, wunɑ ɑ rɑ sun bɔri yɛndu wɛ̃. Domi wunɑ ɑ rɑ de ye sɑ mɔ̀ kpuro yu koorɑ.

Esɑi 35:10

bu kɑ dɑ Siɔniɔ kɑ nɑsɑrɑn womusu. Ben wuswɑɑ yɑ n nuku dobu sɔ̃ɔsimɔ bɑɑdommɑ, kpɑ weeweenu kɑ nuku sɑnkirɑnu nu bu doonɑri.

Esɑi 64:4

Wi u ɡem swĩi kɑ nuku dobu, kɑ sere be bɑ wunɛn woodɑ yɑɑye, bɑ sĩimɔ ye sɔɔ, berɑ ɑ rɑ swɑɑ ɡbiiye. Adɑmɑ ɑ kɑ sun mɔru kuɑ yèn sɔ̃ sɑ durum kuɑ. Kɑ mɛ, sɑ rɑ n durum ye mɔ̀wɑ sɑ n dɔɔ sɑɑ yellun di.

Gbɑburu 23:23

Sɔroru tɑǹ kpɛ̃ tu Isirelibɑ ɡɑ̃ɑnu kuɑ. Dobo dobo yɑǹ kpɛ̃ yu bu nɔni wɔ̃ke. Sɑɑ yɑ̀ n turɑ bɑ koo bu sɔ̃ bu nɛɛ, bu mɛɛrio ye Yinni Gusunɔ u kuɑ.

Yohɑnu 3:21

Adɑmɑ wi u ɡeɑ mɔ̀, wiyɑ rɑ nɛ yɑm bururɑm sɔɔ kpɑ bu kɑ wɑ mɑ win kookoosu su koorɑmɔwɑ Gusunɔn min di.

Gɔrobun Kookoosu 15:12

Mɑ tɔn wɔru ɡe kpuro ɡɑ mɑri ɡɑ Bɑɑnɑbɑsi kɑ Pɔlu swɑɑ dɑki. Bɑ bu sɑɑriɑ nɡe mɛ Gusunɔ u kɑ bu dendɑ bu kɑ yĩrenu kɑ sɔm mɑɑmɑɑkiɡinu ko tɔn tukobun suunu sɔɔ.

Romu 11:22

Ǹ n mɛn nɑ, ɑ Gusunɔn tɔn ɡeeru kɑ mɑɑ win sɛ̃sɔ mɛɛrio. U sɛ̃ kɑ be bɑ wɔrumɑ, ɑdɑmɑ u sɑ̃ɑ tɔn ɡeo wunɛn mi, ɑ̀ n ɡesi yɔ̃ dim dim win tɔn ɡeeru sɔɔ. Mɑ n kun mɛ, bɑ koo mɑɑ wunɛn tii burɑ.

Korinti I 2:9

Adɑmɑ nɡe mɛ bɑ yoruɑ, “Ye nɔni kun wɑɑre, ye swɑɑ kun nɔɔre, ye yɑ ǹ mɑɑ duure tɔnun ɡɔ̃ru sɔɔ, yeyɑ Gusunɔ u bu sɔɔru kuɑ be bɑ nùn kĩ.”

Korinti II 5:5

Gusunɔwɑ u sun kuɑ su kɑ ye wɑ mɑ u sun win Hunde wɛ̃ nɡe yen sunɑ.

Heberu 10:34

Geemɑ, i kɑ pirisɔmbɑ nɔni swɑ̃ɑru bɔnu kuɑ. Ye bɑ mɑɑ bɛɛ bɛɛn dukiɑ wɔrɑri, i wurɑ kɑ nuku dobu, domi i yɛ̃ mɑ i dukiɑ mɔ ye yɑ bɛɛrɛ bo ye yɑ ko n wɑ̃ɑ kɑ bɑɑdommɑɔ.

Yɑkɔbu 2:5

Nɛn kĩnɑsibu, i swɑɑ dɑkio. Gusunɔ u bu ɡɔsɑ be bɑ sɑ̃ɑ sɑ̃ɑrobu hɑnduniɑn nɔni sɔɔ bu kɑ ko dukiɑɡibu ben nɑɑnɛ dokebun sɔ̃, kpɑ bu bɑndu di te u be bɑ nùn kĩ nɔɔ mwɛɛru kuɑ.