Womusu 31:1 - Bibeli Gusunɔn Gari

¹ Womu ɡe Dɑfidi u wom kowobun wiruɡii kuɑ. U nɛɛ,

Womusu 31:1 ပူးပေါင်းရင်းမြစ်များ

Womusu 143:1

Womu ɡe Dɑfidi u kuɑ. Ge wee. Yinni Gusunɔ, ɑ nɛn kɑnɑru nɔɔwɔ. Kpɑ ɑ nɛn bikiɑbu swɑɑ dɑki. A mɑn wisio wunɛn bɔrɔkiniru kɑ wunɛn ɡem sɔɔ.

Womusu 25:2

Nɑ nun nɑɑnɛ sɑ̃ɑ. A ku de n sekuru wɑ. A ku de nɛn yibɛrɛbɑ bu mɑn yɛ̃ɛ.

Womusu 43:1

A mɑn ɡem wɛ̃ɛyɔ Gusunɔ nɛn Yinni. A kɑ mɑn yinɔ be bɑ ǹ nun nɑsien wuswɑɑɔ. A mɑn yɑkio wee kowobu kɑ tɔn kɔ̃sobun min di.

Esɑi 49:23

Sinɑmbu kɑ ben bii tɔn kurɔbu bɑ koo nun nɔɔri. Bɑ koo nun kpunɑ bu wiru tem ɡirɑri, kpɑ bu tii kɑwɑ bu nun bɛɛrɛ bɑkɑ wɛ̃. Sɑnɑm mɛyɑ kɑɑ ɡiɑ mɑ nɛnɑ nɑ sɑ̃ɑ Yinni Gusunɔ. Be bɑ mɑɑ mɑn yĩiyɔ bɑ ǹ sekuru wɑsi.

Dɑniɛli 9:16

Tɛ̃ Yinni, nɑ nun kɑnɑmɔ wunɛn durom sɔ̃, ɑ de wunɛn mɔru yu doonɑ wunɛn wuu Yerusɑlɛmun min di, ɡe ɡɑ wɑ̃ɑ wunɛn ɡuu te ɑ ɡɔsɑn wɔllɔ. Domi be bɑ sun sikerenɛ bɑ Yerusɑlɛmu kɑ bɛsɛ wunɛn tɔmbu ɡɛmɑ bɛsɛn torɑnu kɑ bɛsɛn bɑɑbɑbɑn dɑɑ kɔ̃sɑn sɔ̃.

Romu 10:11

Nɡe mɛ bɑ yoruɑ Gusunɔn ɡɑri sɔɔ bɑ nɛɛ, “Bɑɑwure wi u nùn nɑɑnɛ doke, u ǹ sekuru wɑsi.”

Romu 5:5

Tɛ̃, yĩiyɔ bi, bu ku rɑ sun dukiri kue, domi Gusunɔ u win kĩru yibiɑ bɛsɛn ɡɔ̃ruɔ sɑɑ Hunde Dɛɛron min di wi u sun kɑ̃.