Womusu 30:12 - Bibeli Gusunɔn Gari

¹² Wee tɛ̃, nɛn nuku sɑnkirɑru tɑ kuɑ nuku dobu. A nɛn sɑɑki ye nɑ wukiri nuku sɑnkirɑrun sɔ̃ wunɑ. Mɑ ɑ mɑn tɔ̃ɔ bɑkɑ yɑ̃nu sebusiɑ n kɑ nuku dobu ko.

Womusu 30:12 ပူးပေါင်းရင်းမြစ်များ

Torubu 49:6

Bɛɛn mɔrun sɔ̃ i tɔmbu ɡo. Bɛɛn nuku kɔ̃surun sɔ̃ i kɛtɛ kinɛnun nɑɑ sĩinu bɔɔrɑ. Yen sɔ̃, nɛn ɡɔ̃ru ɡu ku rɑɑ du bɛɛn kɑnkɑm wesiɑnɔ sɔɔ. Nɛn bwɛ̃rɑ yu ku rɑɑ kɑ bɛɛ mɛnnɛ.

Ɛsitɛɛ 8:16

Yen dɔmɑ te, Yuubɑ bɑ nuku dobu mɔ too, bɑ kuuki mɔ̀, bɑ yɔ̃ɔkumɔ.

Ɛsitɛɛ 9:22

Kpɑ bu kɛ̃nu mɔrisiɑnɑ. Kpɑ bu sɑ̃ɑrobu kɛ̃nu kɛ̃. Domi tɔ̃ɔ te sɔɔrɑ Yuubɑ bɑ ben yibɛrɛbɑ kɑmiɑ bɑ dɛrɑ. Suru wi sɔɔrɑ ben nuku sɑnkirɑnu nu ɡɔsiɑ nuku dobu. Mɑ ben nɔni swɑ̃ɑru tɑ kuɑ bɔri yɛndu.

Womusu 13:6

Nɑ nun nɑɑnɛ sɑ̃ɑ domi ɑ mɑn kĩ sere kɑ bɑɑdommɑɔ. Nɑ nun nɑɑnɛ sɑ̃ɑ domi ɑ mɑn ɡeɑ kuɑ. Nɑ nun nɑɑnɛ sɑ̃ɑ domi ɑ mɑn fɑɑbɑ kuɑ. Yen sɔ̃nɑ nɑ nuku dobu mɔ. Wunɑ kon siɑrɑ kɑ womusu.

Womusu 145:2

Tɔ̃ɔ bɑɑtere kon nun siɑrɑ. Mɛyɑ kon wunɛn yĩsiru tɔmɑ sere kɑ bɑɑdommɑɔ.

Womusu 16:9

Nɛn nukurɑ do. Nɛn bwɛ̃rɑ yɛmiɑ. Nɛn wɑsi koo wɛ̃rɑ bɔri yɛndu sɔɔ.

Womusu 44:8

Wunɑ kɑɑ sun wɔrɑ bɛsɛn yibɛrɛbɑn nɔmɑn di. Kpɑ ɑ be bɑ sun tusɑ burisinɑ.

Womusu 57:8

Gusunɔ, nɛn tororɑ sɔ̃. Kon nun womu kuɑ kpɑ n nɛn bɑrɑnu so.

Womusu 71:14

Adɑmɑ nɛ, wunɑ nɑ yĩiyɔ. Nɑ kon nun siɑrɑmɔwɑ nɑ n dɔɔ.

Womusu 71:23

Nɑ̀ n nun siɑrɑmɔ, bɑ koo nɛn nuku dobu wɑ nɛn wuswɑɑn di. Mɛyɑ mɑɑ nɛn hunde ye ɑ wɔrɑ yɑ koo nun tɑkɑru ko.

Esɑi 61:3

Bɑ ɡɔɔ sɔ̃ Siɔnin sɔ̃. Adɑmɑ Gusunɔ u mɑn ɡɔsɑ n kɑ ben nuku sɑnkirɑnu ɡɔsiɑ nuku dobu. Bɑ ǹ mɑɑ torom wisimɔ wirɔ, dɑwɑni burɑ bɑ koo bɔke. Ben wuswɑɑ kun mɑɑ burisinɑmɔ, yɑ ko n sɑ̃ɑwɑ nɡe be bɑ ɡum nubu duroruɡim sɑwɑɡiɑ. Bɑ koo ben yɑ̃ɑ wɔnwɔnduɡinu potɑ bu tɔ̃ɔ bɑkɑ yɑ̃nu sebe. Sɑɑ ye sɔɔrɑ bɑ ko n sɑ̃ɑ nɡe dɑ̃ɑ ni nu Gusunɔn bɛɛrɛ sɔ̃ɔsimɔ, ǹ kun mɛ nɡe ɡbee te tɑ win yiiko sɔ̃ɔsimɔ.

Luku 19:40

U bu wisɑ u nɛɛ, nɑ bɛɛ sɔ̃ɔmɔ, bɑɑ beni bɑ̀ n mɑri, kpenu koo ɡbɑ̃rɑ.

Gɔrobun Kookoosu 4:20

Domi bɛsɛ sɑ ǹ kpɛ̃ sɑ kun ɡeruɑ ye sɑ wɑ kɑ ye sɑ nuɑ.

Kɑ̃siru 7:12

bɑ nɛɛ, ɑmi. Gusunɔ bɛsɛn Yinniwɑ u siɑrɑbu kɑ ɡirimɑ kɑ yɛ̃ru kɑ tɑkɑru kɑ bɛɛrɛ, kɑ dɑm, kɑ yiiko mɔ sere kɑ bɑɑdommɑɔ. Ami.