Womusu 3:5 - Bibeli Gusunɔn Gari

⁵ Nɑ̀ n nun nɔɔɡiru sue nɑ somiru kɑnɑ, ɑ rɑ nɛn nɔɔ nɔ wunɛn ɡuurun di mi ɑ wɑ̃ɑ.

Womusu 3:5 ပူးပေါင်းရင်းမြစ်များ

Womusu 127:2

Kɑm sɔɔrɑ kɑɑ wɑhɑlɑ ko ɑ kɑ wunɛn dĩɑnu wɑ ɑ di. Kɑɑ se buru buru yellu kpɑ ɑ kpunɑ sere wɔ̃ku suunu sɔmburun sɔ̃. Adɑmɑ wi Gusunɔ u kĩ, u rɑ nùn dĩɑnu wɛ̃wɑ bɑɑ yɛ̃ro ù n dò.

Womusu 34:5

Nɑ Yinni Gusunɔ sokɑ, mɑ u mɑn wurɑri, u mɑn yɑrɑ nɛn bɛrum kpuron di.

Womusu 4:8

Adɑmɑ nɛ, nɑ rɑ n nuku dobu mɔ n kere be bɑ dĩɑnu yibɑ. Nɑ rɑ n yɛ̃ɛrimɔ n kere be bɑ tɑm yibɑ.

Womusu 66:9

Domi u bɛsɛn wɑ̃ɑru wɔrɑ. U ǹ dere su sokurɑ.

Mɔnnu 14:26

Wi u Yinni Gusunɔ nɑsie, tɑ̃si yee dɑmɡirɑ u mɔ mi. Gusunɔwɑ u rɑ mɑɑ yɛ̃ron bibu kɔ̃su.

Mɔnnu 18:10

Yinni Gusunɔ u sɑ̃ɑwɑ nɡe ɡbɑ̃rɑ dɑmɡiru. Gemɡii ù n dukɑ dɑ mi, u ko n wɑ̃ɑwɑ bɔri yɛndu sɔɔ.

Mɔnnu 3:24

À n kpunɑ wɔ̃kuru, bɛrum kun nun mɔ̀. Kɑɑ dweeyɑwɑ kɑ bɔri yɛndu.

Esɑi 26:3

Yinni Gusunɔ u rɑ sikɑ sɑriruɡii bɔri yɛndu wɛ̃, yèn sɔ̃ yɛ̃ro u nùn nɑɑnɛ sɑ̃ɑ.

Sɑ̃ɑrun Woodɑ 26:6

Kon de ɑlɑfiɑ yɑ n wɑ̃ɑ tem mɛ sɔɔ. Goo kun bɛɛ bɑɑsimɔ ì n dò. Kon de yɛɛ ɡɔbi yi doonɑ. Mɛyɑ tɑbu kun mɑɑ duɔ tem mɛ sɔɔ.

Gɔrobun Kookoosu 12:6

Tɔ̃ɔ te Herodu u kĩ u nùn yɑrɑ pirisɔm di u kɑ dɑ tɔmbun mi, ten wɔ̃kuru Piɛɛ u dweeyɑ tɑbu kowobu yirun suunu sɔɔ. Bɑ nùn bɔkuɑ kɑ yɔni yiru, mɑ kɔ̃sobu ɡɑbɑ mɑɑ wɑ̃ɑ pirisɔm kɔnnɔwɔ.