Womusu 29:2 - Bibeli Gusunɔn Gari

² I win yĩsiru wɔlle suo, kpɑ i yiirɑ win wuswɑɑɔ win dɛɛrɑrun sɔ̃.

Womusu 29:2 ပူးပေါင်းရင်းမြစ်များ

Bɑndun Gɑri II 20:21

Mɑ bɑ nɔɔsinɑ kɑ tɔn be. Yerɑ Yosɑfɑti u wom kowobu ɡɔsɑ bɑ n sɑ̃ɑ yɑ̃nu sebuɑ, kpɑ bɑ n tɑbu kowobu ɡbiiye, bɑ n Yinni Gusunɔ siɑrɑmɔ kɑ womu ɡeni, bɑ n mɔ̀, i Yinni Gusunɔ siɑro. Domi win durom mu ǹ nɔru mɔ.

Womusu 110:3

Dɔmɑ te kɑɑ wunɛn tɑbu kowobu mɛnnɑ Gusunɔn ɑye dɛɛrɑru sɔɔ, wunɛn tɔmbɑ koo nun ben tii wɛ̃ kɑ kĩru. Wunɛn ɑluwɑɑsirun dɑm mu koo wurɑmɑ bururu bɑɑtere nɡe mɛ dirum mu rɑ yɑri.

Womusu 27:4

Gɑ̃ɑ teenɑ nɑ Gusunɔ kɑnɑmɔ ni nu mɑn nɛni ɡem ɡem. Niyɑ, nɑ n wɑ̃ɑ kɑ wi, win wɑ̃ɑ yerɔ nɛn wɑ̃ɑrun tɔ̃ru kpuro sɔɔ. Kpɑ n win durom dendɑ kpɑ nɑ n nùn sɑ̃ɑmɔ.

Womusu 90:17

Gusunɔ bɛsɛn Yinni, ɑ sun durom kuo, kpɑ ɑ de bɛsɛn sɔmɑ kpuro yu ɑrufɑɑni ko.

Womusu 96:6

Yɑm bururɑm kɑ yiiko bɑkɑ yɑ rɑ n nùn wɑ̃ɑsi. Dɑm kɑ ɡirimɑ yɑ wɑ̃ɑ win sɑ̃ɑ yerɔ.

Womusu 97:9

Domi wunɑ ɑ kpɑ̃ɑru bo hɑnduniɑ kpuro sɔɔ. Wunɑ ɑ mɑɑ bũnu kpuro dɑm kere.

Yeremi 13:16

I Gusunɔ bɛɛn Yinni bɛɛrɛ wɛ̃ɛyɔ u sere kɑ yɑm wɔ̃kuru nɑ te tɑ koo de i sokukirɑ ɡuunu wɔllɔ. Mɛyɑ i yɑm bururɑm mɑrɑ, ɑdɑmɑ u koo de mu tĩrɑ mɑm mɑm kpɑ mu ɡɔsiɑ yɑm wɔ̃ku bɑkɑru nɡe te tɑ wɑ̃ɑ ɡɔribun wɑ̃ɑ yerɔ.