Womusu 29:11 - Bibeli Gusunɔn Gari

¹¹ Wiyɑ u koo mɑɑ tɔmbu dɑm kɛ̃. Wiyɑ u koo bu domɑru kuɑ u bu bɔri yɛndu wɛ̃.

Womusu 29:11 ပူးပေါင်းရင်းမြစ်များ

Womusu 138:3

Sɑɑ ye nɑ nun sokɑ, ɑ mɑn wurɑri. A mɑn dɑm kɑ̃, ɑ mɑn toro sindu wɛ̃.

Womusu 37:11

Adɑmɑ be bɑ tii yɛ̃, bɑ koo tem mɛ tubi di, kpɑ bɑ n yɛ̃ɛrimɔ ɡem ɡem ɑlɑfiɑ sɔɔ.

Womusu 68:35

I Gusunɔ bɛɛrɛ wɛ̃ɛyɔ. Win yiiko yɑ wɑ̃ɑwɑ Isirelibɑ sɔɔ. Mɑ win dɑm mu wɑ̃ɑ wɔllɔ.

Womusu 72:3

Wunɛn ɡem sɔ̃, ben ɡunɡunu kɑ ben ɡuunu nu koo bu ɑrumɑni wɛ̃.

Womusu 72:7

kpɑ nɛn bɑndu sɔɔ ɡem mu n wɑ̃ɑ, kpɑ dukiɑ yu kuurɑ mɛ̀n nɔɔ suru yɑrimɔ.

Womusu 84:7

Bɑ̀ n sɑrɔ wɔwɑn di ye bɑ mɔ̀ Yĩresu, ɑ rɑ de bwii yi koorɑwɑ mi, kpɑ ɡurɑ yu kɑ ye domɑru nɑɑwɑ.

Womusu 85:10

Be bɑ nun nɑsiewɑ ɑ rɑ fɑɑbɑ ko. Kpɑ ɑ de bɛɛrɛ yɑ n wɑ̃ɑ bɛsɛn tem sɔɔ.

Womusu 85:8

Yinni Gusunɔ, ɑ sun wunɛn durom sɔ̃ɔsio kpɑ ɑ sun fɑɑbɑ ko.

Esɑi 26:12

Yinni Gusunɔ, wunɑ ɑ rɑ sun bɔri yɛndu wɛ̃. Domi wunɑ ɑ rɑ de ye sɑ mɔ̀ kpuro yu koorɑ.

Esɑi 40:29

U rɑ be bɑ wɑsire kɑ be bɑ wɑsikirɑmɔ dɑm wɛ̃.

Esɑi 40:31

Adɑmɑ bèn yĩiyɔbu wɑ̃ɑ Yinni Gusunɔ sɔɔ, u ko n dɑ bu dɑm kpɑm wɛ̃, kpɑ bu se kɑ dɑm nɡe ɡunɔ bɑkeru. Bɑ̀ n duki mɔ̀, bɑ ǹ wɑsirɑmɔ. Bɑ̀ n mɑɑ sĩimɔ, bɑ ǹ kpɑnɑmɔ.

Esɑi 41:10

Yen sɔ̃, i ku nɑndɑ, domi nɑ wɑ̃ɑ kɑ bɛɛ. I ku wururɑ i n yɑm mɛɛrɑ nɡe wɔnwɔndobu, domi nɛnɑ nɑ sɑ̃ɑ bɛɛn Yinni. Kon mɑɑ bɛɛ dɑm kɛ̃. Wee nɑ wee n bɛɛ somi, kpɑ n bɛɛ kɔ̃su kɑ nɛn dɑm.

Sɑkɑri 10:12

Kon nɛn tɔmbu tɑ̃sisiɑ. Kpɑ bɑ n sĩimɔ kɑ nɛn yĩsiru. Nɛ, Yinni Gusunɔwɑ nɑ yeni ɡeruɑ.

Sɑkɑri 10:6

Kon Yudɑbɑ tɑ̃sisiɑ, kpɑ n Isirelibɑ wɔrɑ. Kon kɑ bu wurɑmɑ, domi nɑ ben wɔnwɔndu mɔ. Bɑ ko n sɑ̃ɑwɑ nɡe be nɑ ǹ dɑɑ biru kisi. Domi nɛnɑ nɑ sɑ̃ɑ Gusunɔ ben Yinni. Kon ben kɑnɑru mwɑ.

Yohɑnu 14:27

Bɔri yɛndɑ nɑ bɛɛ deriɑ, nɛn bɔri yɛndɑ nɑ bɛɛ wɛ̃ɛmɔ. Nɑ ǹ bɛɛ tu wɛ̃ɛmɔ nɡe mɛ hɑnduniɑ yɑ rɑ wɛ̃. I ku wururɑ, i ku mɑɑ nɑndɑ.

Yohɑnu 16:33

Yɑbu yeniwɑ nɑ rɑɑ bɛɛ sɔ̃ɔwɑ kpɑ i n kɑ bɔri yɛndu mɔ nɛ sɔɔ. Hɑnduniɑ ye sɔɔrɑ i ko nɔni swɑ̃ɑru wɑ, ɑdɑmɑ i ku mwiɑ kpɑnɑ, nɑ hɑnduniɑ kɑmiɑ kɔ.

Romu 14:17

Domi Gusunɔn bɑndu tɑ ǹ sɑ̃ɑ dim kɑ nɔrubu mɑ n kun mɔ ɡem kɑ bɔri yɛndu kɑ nuku dobu sɑɑ Hunde Dɛɛron min di.

Korinti I 1:3

Gusunɔ bɛsɛn Bɑɑbɑ kɑ Yinni Yesu Kirisi bu bɛɛ durom kuɑ kpɑ bu bɛɛ ɑlɑfiɑ wɛ̃.

Efesu 2:17

Nɡe mɛyɑ Kirisi nɑ u kɑ bɔri yɛndun lɑbɑɑri nɔɔsiɑ bɛɛn mi, bɛɛ be i rɑɑ kɑ Gusunɔ tomɑ, kɑ be bɑ wɑ̃ɑ win bɔkuɔ.

Efesu 3:16

Nɑ nùn kɑnɑmɔ u de win Hunde u bɛɛ dɑm kɛ̃ bɛɛn ɡɔ̃ruɔ nɡe mɛ win yiikon kpɑ̃ɑrɑ nɛ,

Tɛsɑlonikɑ II 3:16

Yinni wi u rɑ ɑlɑfiɑ wɛ̃ u bɛɛ ɑlɑfiɑ kɛ̃ sɑɑ bɑɑyere ye n bɛɛ deemɑ kpuro sɔɔ kpɑ u n kɑ bɛɛ kpuro wɑ̃ɑ.

Timɔte II 4:17

Adɑmɑ, Yinni kɑ mɑn yɔ̃rɑ u mɑn dɑm kɑ̃ nɑ kɑ kpĩɑ nɑ Lɑbɑɑri ɡeɑ wɑɑsu kuɑ tɔn tukobu kpuron wuswɑɑɔ. Nɑ mɑɑ yɑrɑ ɡbee sunɔn nɔɔn di.

Kɑ̃siru 1:4

Nɛ Yohɑnu, nɑ bɛɛ Yesun yiɡbɛnu nɔɔbɑ yiru tɔburɑ Asin tem sɔɔ. Gusunɔ Yinni wi u wɑ̃ɑ, wi u rɑɑ wɑ̃ɑ, wi u mɑɑ sisi, kɑ hundebɑ nɔɔbɑ yiru be bɑ wɑ̃ɑ Gusunɔn sinɑ kitɑrun wuswɑɑɔ, kɑ mɑɑ Yesu Kirisi wi u sɑ̃ɑ seedɑ dio nɑɑnɛɡii wi bɑ ɡbiɑ bɑ seeyɑ ɡɔrin di, wi u mɑɑ sɑ̃ɑ sinɑ boko, bu bɛɛ durom kuɑ kpɑ bu bɛɛ ɑlɑfiɑ wɛ̃. Yesu u sun kĩ. Kɑ win yɛmɑ u sun yɑkiɑ bɛsɛn torɑnun di.