Womusu 28:7 - Bibeli Gusunɔn Gari

⁷ Wunɑ ɑ mɑn ɡɑnuɑ nɡe tɛrɛru, ɑ sɑ̃ɑwɑ nɛn dɑm. Wunɛ sɔɔrɑ nɛn nɑɑnɛ wɑ̃ɑ, domi ɑ mɑn fɑɑbɑ kuɑ. Mɑ nɑ nuku dobu mɔ, nɑ nun siɑrɑmɔ kɑ womusu.

Womusu 28:7 ပူးပေါင်းရင်းမြစ်များ

Torubu 15:1

Yenibɑ kpuron biru Yinni Gusunɔ u kɑ Aburɑmu ɡɑri kuɑ kɑ̃siru sɔɔ u nɛɛ, Aburɑmu, ɑ ku bɛrum ko, nɛnɑ nɑ wunɛn tɛrɛru, wunɛn ɑre ko n kpɑ̃ ɡem ɡem.

Womusu 13:5

A ku de nɛn yibɛrɛbɑ bu mɑn kɑmiɑ, kpɑ bu woo kɑnɑ. A ku de nɑ n bɑ̃ɑrimɔ, kpɑ bɑ n nuku dobu mɔ̀.

Womusu 13:6

Nɑ nun nɑɑnɛ sɑ̃ɑ domi ɑ mɑn kĩ sere kɑ bɑɑdommɑɔ. Nɑ nun nɑɑnɛ sɑ̃ɑ domi ɑ mɑn ɡeɑ kuɑ. Nɑ nun nɑɑnɛ sɑ̃ɑ domi ɑ mɑn fɑɑbɑ kuɑ. Yen sɔ̃nɑ nɑ nuku dobu mɔ. Wunɑ kon siɑrɑ kɑ womusu.

Womusu 19:14

A ku mɑɑ de n durum ko kɑ deɡɑnɡɑm. A ku de yu mɑn dɔɔrɛ ko, kpɑ nɑ n durum bɑkɑn tɑɑrɛ mɔ. Adɑmɑ ɑ de nɑ n dɛɛre.

Womusu 21:1

Womu ɡe wom kowobun wiruɡii u kuɑ Dɑfidin sɔ̃.

Womusu 22:4

Wunɑ ɑ sere sɑ̃ɑ Dɛɛro, ɑ sɔ̃ wunɛn sinɑ kitɑrɔ. Isirelibɑ bɑ nun tɔmɑmɔ.

Womusu 28:8

Yinni Gusunɔ, ɑ sɑ̃ɑwɑ wunɛn tɔmbun dɑm. Domi ɑ sɑ̃ɑwɑ nɡe kɑ̀rì, ɑ kɑ wi ɑ ɡɔsɑ fɑɑbɑ ko.

Womusu 3:3

Geemɑ dɑbirɑ tɑ ɡerumɔ, nɑ ǹ somiru wɑsi wunɛn min di.

Womusu 3:4

Adɑmɑ nɛ, nɑ nɛɛ, wunɑ ɑ rɑ mɑn ɡɑnɛ nɡe tɛrɛru, wunɑ ɑ rɑ mɑn nɑsɑrɑ wɛ̃, wunɑ ɑ rɑ mɑn sekuru yɑre.

Womusu 33:21

Bɛsɛn ɡɔ̃ru ɡɑ do win sɔ̃. Sɑ mɑɑ nùn nɑɑnɛ sɑ̃ɑ win dɛɛrɑrun sɔ̃.

Womusu 37:39

Yinni Gusunɔwɑ u ɡemɡibu fɑɑbɑ mɔ̀. Wiyɑ u rɑ bu bere nɔni swɑ̃ɑrun sɑnɑm.

Womusu 40:3

U mɑn ɡɑwɑ u yɑrɑ sɑɑ kɑm kobun wɔrun di, mi pɔtɔkɔ wɑ̃ɑ. U nɛn nɑɑsu sɔndi kpee sɑɑrɑ wɔllɔ, kpɑ n kɑ yɔ̃rɑ dim dim.

Womusu 43:2

Gusunɔ, wunɛ wi ɑ mɑn kɔ̃su, mbɑn sɔ̃nɑ ɑ mɑn yinɑmɔ. Mbɑn sɔ̃nɑ kɑɑ de nɛn yibɛrɛbɑ bɑ n mɑn dɑm dɔremɔ kpɑ nɑ n nuki sɑnkire.

Womusu 46:1

Womu ɡe Koren bibu bɑ wom kowobun wiruɡii kuɑ. Bɑ ɡu kuɑwɑ kɑ ɡɔ̃ru yɑ̃kɑ. Bɑ nɛɛ,

Womusu 46:2

Gusunɔwɑ u sɑ̃ɑ bɛsɛn kuku yee nɑɑnɛɡiru kɑ bɛsɛn tɑ̃si yeru. Bɑɑ nuku sɑnkirɑnu sɔɔ, u rɑ n sɔɔru sɑ̃ɑwɑ u kɑ tɔnu somi.

Womusu 69:30

Adɑmɑ nɑ wɑ̃ɑ nuku sɑnkirɑnu kɑ wɑhɑlɑ sɔɔ. Gusunɔ, ɑ de wunɛn somiru tu mɑn yɑrɑ.

Womusu 84:11

Nɛn sɔ̃ɔ teerun wɑ̃ɑru wunɛn sɑ̃ɑ yerɔ, tɑ nɛn yɑm tukum wɑ̃ɑrun sɔ̃ɔ dɑbi dɑbinu kere. N burɑm bo nɑ n wɑ̃ɑ wunɛn sɑ̃ɑ yerun kɔnnɔwɔ, ye ko nɑ n kɑ wɑ̃ɑ diru mi tɔn kɔ̃sobɑ wɑ̃ɑ.

Womusu 91:4

U koo nun win sɑnsu wukiri. Kɑɑ kuku yeru wɑ win kɑsɑn sɔɔwɔ. Win bɔrɔkinirɑ sɑ̃ɑwɑ nɡe tɛrɛru kɑ tɑrɑkpe.

Esɑi 12:2

Wunɑ ɑ sɑ̃ɑ bɛsɛn Yinni, ɑ sun fɑɑbɑ mɔ̀. Sɑ nun nɑɑnɛ sɑ̃ɑ, sɑ ǹ mɑɑ ɡɑ̃ɑnun bɛrum mɔ. Domi wunɑ ɑ sɑ̃ɑ bɛsɛn dɑm, wunɑ sɑ siɑrɑmɔ. Wunɑ ɑ sɑ̃ɑ bɛsɛn fɑɑbɑ kowo.

Esɑi 45:24

Bɑ koo ɡere bu nɛɛ, nɛ turon miyɑ ɡem kɑ dɑm mu wɑ̃ɑ. Be bɑ mɑn seesi kpuro bɑ koo sekuru wɑ.

Esɑi 61:10

Yinni Gusunɔ sɔɔrɑ Yerusɑlɛmu koo nuku dobu ko, kpɑ yen ɡɔ̃ru ɡɑ n do win sɔ̃. Domi wiyɑ u ye fɑɑbɑ kuɑ u ye ɡem wɛ̃. Mɑ win fɑɑbɑ ye kɑ win ɡem mɛ, mu sɑ̃ɑ nɡe burɑ yɑ̃ɑ ni kurɔ kpɑo kɑ win durɔ bɑ doke.

Efesu 6:10

Ye yɑ tie nɑ kĩ n bɛɛ sɔ̃ wee. Bɛɛ kɑ Yinnin ɡbinnɑɑ sɔɔ i de win dɑm bɑkɑm mu bɛɛ dɑm kɛ̃.

Kɑ̃siru 15:3

Bɑ Mɔwisi Gusunɔn sɔm kowon womu mɔ̀ kɑ mɑɑ Yɑ̃ɑ kinɛ kpɛnduɡuu bɑ mɔ̀, “Yinni Gusunɔ dɑm kpuroɡii, wunɛn sɔmɑ kpɑ̃, yɑ mɑɑ sɑ̃ɑ mɑɑmɑɑki. Wunɑ ɑ tem kpuron sinɑ boko. Wunɛn swɛɛ yi sɑ̃ɑ ɡem, yi dɛnde.

Kɑ̃siru 5:9

Mɑ bɑ wom kpɔɔ kuɑ bɑ mɔ̀, wunɑ ɑ yiiko mɔ ɑ kɑ tire kure te mwɑ kpɑ ɑ yĩre ni kusiɑ. Domi bɑ rɑɑ kɑ nun yɑ̃kuru kuɑ. Mɑ ɑ Gusunɔn tɔmbu yɑkiɑ kɑ wunɛn yɛm sɑɑ bweseru bɑɑtere kɑ bɑrum bɑɑmɛre kɑ tɔmbu kpuro kɑ tem bɑɑmɛren min di.