Womusu 28:3 - Bibeli Gusunɔn Gari

³ A ku mɑn ɡɑrisi tiɑ kɑ tɔn kɔ̃sobu, kɑ be bɑ mɑɑ kɑ ben winsim ɡɑri mɔ̀ nɡe kĩru, ɑdɑmɑ ben ɡɔ̃ruɔ kɔ̃sɑ yɑ yibɑ.

Womusu 28:3 ပူးပေါင်းရင်းမြစ်များ

Womusu 10:14

Yinni Gusunɔ, ɑ rɑ n yɛ̃ nɔni swɑ̃ɑ te tɔmbɑ mɔ hɑnduniɑ sɔɔ. A rɑ bu somi. A rɑ mɑɑ ɡobekubɑ nɔɔri. Yen sɔ̃nɑ bɑ rɑ nun tii wɛ̃.

Womusu 10:7

Bɔ̃ri kɑ weesu kɑ ɡɑri kɔ̃siyɑ yi rɑ n yibɑ ben nɔsɔ. Kɔ̃sɑ ben yɑrɑ yɑ rɑ n wuuwɑ.

Womusu 12:2

Yinni Gusunɔ, ɑ nɑ ɑ sun fɑɑbɑ ko. Wee ɡemɡibɑ doonɑ. Nɑɑnɛɡii ɡoo mɑɑ sɑri hɑnduniɑ sɔɔ.

Womusu 141:4

A ku de nɛn ɡɔ̃ru ɡu dɑ kɔ̃sɑ ɡiɑ. A ku de n kom kɔ̃sum ko kɑ be bɑ ɡem sɑriru swĩi. A ku de n kɑ bu tɔ̃ɔ bɑkɑ dim di.

Womusu 26:9

Yinni Gusunɔ, ɑ ku de n ɡbi kɑ durumɡibu sɑnnu. A ku de n kɑm ko kɑ be bɑ tɔmbun yɛm yɑrimɔ sɑnnu.

Womusu 36:4

Win ɡɑri kpuro, weesɑ yi sɑ̃ɑ. U ku rɑ wure u ɡɑ̃ɑnu ko kɑ lɑɑkɑri u sere ɡeɑ ko.

Womusu 52:1

Dɑfidin womu ɡe u wom kowobun wiruɡii kuɑ.

Womusu 55:21

Bɑ wi u kɑ bu wɑ̃ɑ bɔri yɛndu sɔɔ sɑnnɔ wɔri. Bɑ ɑrukɑwɑni ye u kɑ bu bɔkuɑ kusiɑ.

Womusu 62:4

Sere sɑɑ yerɑ̀ i ko i n tɔnu kunisi i n sɛ̃re, nɡe mɛ bɑ rɑ ɡɑnɑ ye yɑ dɛburɑ sure, ǹ kun mɛ kɑrɑ ye yɑ wɔrumɑɑ dɔɔ.

Womusu 7:14

U tɑbu yɑ̃ɑ ɡɔɔɡinu kuɑ. Mɑ u sɛ̃ɛ dɔ̃ɔɡinu kuɑ.

Misee 3:5

Misee u nɛɛ, wee ye Yinni Gusunɔ u ɡerumɔ sɔmɔ be bɑ win tɔmbu nɔni wɔ̃kumɔn sɔ̃. U nɛɛ, bɑ̀ n bu ɡɑ̃ɑnu nɔɔ dokeɑ, bɑ rɑ nɛɛwɑ, bɔri yɛndɑ wee. Bɑ̀ kun mɑɑ bu ɡɑ̃ɑnu wɛ̃, kpɑ bu nɛɛ, tɑbu sisi.

Gbɑburu 16:26

Sɑɑ yerɑ u Isirelibɑ sɔ̃ɔwɑ u nɛɛ, i tondo sɑɑ tɔn kɔ̃so ben kunun di. I ku mɑɑ ben ɡɑ̃ɑnu bɑbɑ. Ì n mɑɑ yinɑ i kuɑ mɛ, i ko i ɡbi ben torɑ nin sɔ̃.

Mɑteu 25:41

Yen biru sunɔ u koo win nɔm dwɑruɡibu sɔ̃ u nɛɛ, i tii ɡɑwo nɛn bɔkun di, bɛɛ be Gusunɔ u bɔ̃rusi. I doo dɔ̃ɔ wi u ku rɑ ɡbi sɔɔ wi bɑ sɔɔru kuɑ Setɑm kɑ win ɡɔrɑdobɑn sɔ̃.

Mɑteu 25:46

Mɑ Yesu u nɛɛ, beniwɑ bɑ koo dɑ mi sɛɛyɑsiɑ bi bu ku rɑ kpe bu wɑ̃ɑ, ɡemɡibu mɑɑ, wɑ̃ɑru te tɑ ku rɑ kpe sɔɔ.