Womusu 27:5 - Bibeli Gusunɔn Gari

⁵ Domi u koo mɑn bere win wɑ̃ɑ yerɔ nɔni swɑ̃ɑrun sɑnɑm, kpɑ u kɑ mɑn dɑ kperu wɔllɔ mi ɡoo kun mɑn nɑɑ turi.

Womusu 27:5 ပူးပေါင်းရင်းမြစ်များ

Bɑndun Gɑri II 22:12

Bɑ nùn beruɑwɑ wɔ̃ɔ nɔɔbɑ tiɑ Yinni Gusunɔn sɑ̃ɑ yerɔ. Domi Atɑli u bɑndu dii sɑɑ ye.

Womusu 10:1

Yinni Gusunɔ, sɑ nɔni sɔ̃ɔre. Mbɑn sɔ̃nɑ ɑ kɑ sun tomɑ. Mbɑn sɔ̃nɑ ɑ kukuɑ.

Womusu 119:114

Wunɑ ɑ sɑ̃ɑ nɛn kuku yeru kɑ nɛn tɛrɛru. Wunɛn nɔɔ mwɛɛru sɔɔrɑ nɛn yĩiyɔbu wɑ̃ɑ.

Womusu 138:7

Nɑ̀ n sĩimɔ nuku sɑnkirɑnun swɑɑ sɔɔ, ɑ rɑ mɑn wɑ̃ɑru wɛ̃. A rɑ nɛn yibɛrɛbɑ nɔmu dɛmiɛ bɑ̀ n kɑ mɑn mɔru seewɑ. Mɛyɑ wunɛn dɑm mu rɑ mɑn fɑɑbɑ ko.

Womusu 17:8

A nɛn lɑɑkɑri koowo nɡe mɛ tɔnu u rɑ n win nɔnin lɑɑkɑri mɔ. A mɑn beruo nɡe mɛ ɡuɑ yɑ rɑ yen binu bere yen kɑsɑ sɔɔ.

Womusu 18:33

Wiyɑ u rɑ mɑn dɑm kɛ̃. Wiyɑ u rɑ mɑn swɑɑ ɡeɑ sure,

Womusu 31:20

Yinni Gusunɔ, wunɛn durom mu kpɑ̃, mɛ ɑ be bɑ nun nɑsie yiiye, kɑ be bɑ ben nɑɑnɛ doke wunɛ sɔɔ. Tɔmbu bɑ koo kpĩ bu wɑ durom mɛ ɑ rɑ bu kue.

Womusu 31:21

Domi ɑ rɑ be bɑ nun nɑsie kɔ̃su, kpɑ bɑ n wɑ̃ɑ wunɛn wuswɑɑɔ bu ku kɑ du nɑɑnɑɑnu sɔɔ, kpɑ ɑ bu bere wunɛn dirɔ tɔn kɔ̃sobun sɔ̃.

Womusu 40:2

nɑ nɛn yĩiyɔbu doke Yinni Gusunɔn mi. Mɑ u mɑn sĩiremɑ u nɛn nɔɔ swɑɑ dɑki.

Womusu 40:3

U mɑn ɡɑwɑ u yɑrɑ sɑɑ kɑm kobun wɔrun di, mi pɔtɔkɔ wɑ̃ɑ. U nɛn nɑɑsu sɔndi kpee sɑɑrɑ wɔllɔ, kpɑ n kɑ yɔ̃rɑ dim dim.

Womusu 46:1

Womu ɡe Koren bibu bɑ wom kowobun wiruɡii kuɑ. Bɑ ɡu kuɑwɑ kɑ ɡɔ̃ru yɑ̃kɑ. Bɑ nɛɛ,

Womusu 50:15

A mɑn sokuo sɑnɑm mɛ ɑ nuki sɑnkire. Sɑɑ ye sɔɔ, kon nun wurɑri, kpɑ ɑ mɑn bɛɛrɛ wɛ̃.

Womusu 57:1

Womu ɡe Dɑfidi u wom kowobun wiruɡii kuɑ. U womu ɡeni kuɑwɑ sɑnɑm mɛ Sɔɔlu u nùn nɑɑ ɡire u ɡo. Mɑ u dɑ u kukuɑ kpee bɑɑ sɔɔ. Ge wee.

Womusu 61:2

Gusunɔ, ɑ nɛn weeweenu nɔɔwɔ, kpɑ ɑ nɛn kɑnɑru nɔ.

Womusu 61:3

Sɑɑ tontonden diyɑ nɑ nun nɔɔɡiru sue kɑ nuku sɑnkirɑnu. A kɑ mɑn ɡuuru yɔɔwo te nɑ ǹ kpɛ̃ n kɑ tii yɔ.

Womusu 77:2

Nɑ Gusunɔ nɔɔɡiru sue. Nɑ nùn soku, u koo mɑn swɑɑ dɑki.

Womusu 83:3

Domi wee wunɛn yibɛrɛbɑ bɑ seewɑ, be, be bɑ nun tusɑ bɑ wiru yɔ̃rɑsie.

Womusu 91:1

Wunɛ wi Wɔrukoo u kɔ̃su, ɑ wɛ̃rewɑ Dɑm kpuroɡiin tɔbuɔ.

Womusu 91:15

Ù n mɑn sokɑ kon nùn wurɑri. Ko nɑ n wɑ̃ɑ kɑ wi nɔni swɑ̃ɑrun sɑɑ. Kon nùn yɑkiɑ kpɑ n nùn bɛɛrɛ wɛ̃.

Mɔnnu 18:10

Yinni Gusunɔ u sɑ̃ɑwɑ nɡe ɡbɑ̃rɑ dɑmɡiru. Gemɡii ù n dukɑ dɑ mi, u ko n wɑ̃ɑwɑ bɔri yɛndu sɔɔ.

Esɑi 26:16

Sɑ nun sokɑ sɑnɑm mɛ sɑ wɑ̃ɑ nɔni swɑ̃ɑru sɔɔ. Sɑ kɑnɑru kuɑ sɑnɑm mɛ ɑ sun sɛɛyɑsiɑ.

Esɑi 26:20

Nɛn tɔmbu, i doo i kuke bɛɛn diɑɔ i tii ɡɑmbobɑ kɛnusio, kpɑ i n wɑ̃ɑ mi ɡinɑ sere Gusunɔn mɔru yu kɑ sure.

Esɑi 32:2

Ben bɑɑwure u ko n sɑ̃ɑwɑ nɡe kuku yeru woo bɔkɔn sɔ̃, ǹ kun mɛ nɡe dɑɑru mi kɑkoru sɑri, ǹ kun mɛ nɡe kpee bɑkɑrun sɑɑru mi dɑ̃ru ɡɑru sɑri.

Mɑteu 23:37

Mɑ Yesu u nɛɛ, Yerusɑlɛmu, Yerusɑlɛmu, wunɛ wi ɑ rɑ Gusunɔn sɔmɔbu ɡo kpɑ ɑ be u nun ɡɔriɑ kpenu kɑsuku. Nɔn nyewɑ nɑ kĩɑ n wunɛn tɔmbu kpɑɑsinɑ nɛn bɔkuɔ nɡe mɛ ɡoo mɛro ɡɑ rɑ ɡen binu mɛnnɛ ɡen kɑsɑ sɔɔ, ɑdɑmɑ i ǹ wure.

Kolose 3:3

Domi i ɡu, bɛɛn wɑ̃ɑ ɡeerɑ mɑɑ beruɑ kɑ Kirisi sɑnnu Gusunɔn mi.