Womusu 27:3 - Bibeli Gusunɔn Gari

³ Nɛn yibɛrɛbɑ bɑ̀ n mɑn sikerenɑ bɑ mɑn tɑbu wɔrimɑ, nɛn tororɑ kun kɑrɑmɔ. Gusunɔwɑ ko nɑ n nɑɑnɛ sɑ̃ɑ.

Womusu 27:3 ပူးပေါင်းရင်းမြစ်များ

Bɑndun Gɑri II 20:15

Mɑ Yɑɑsiɛli u nɛɛ, bɛɛ Yudɑbɑ kpuro, kɑ bɛɛ Yerusɑlɛmuɡibu kpuro, kɑ sere wunɛ sinɑ boko Yosɑfɑti, i swɑɑ dɑkio i nɔ ye Yinni Gusunɔ u ɡerumɔ. U nɛɛ, i ku nɑndɑ, i ku mɑɑ wururɑ tɔn dɑbi ten wuswɑɑɔ. Domi n ǹ bɛɛ i ko i tɑbu ko. Wi, Yinni Gusunɔn tiiwɑ u koo tɑɑ bi ko.

Yoobu 4:6

N ǹ Gusunɔ sɑ̃ɑrɑ tɑ sɑ̃ɑ wunɛn dɑm? N ǹ wunɛn yĩiyɔbu bu rɑ n wɑ̃ɑwɑ Gusunɔ win mi yèn sɔ̃ ɑ nùn mɛm nɔɔwɑmmɛ?

Womusu 112:7

Lɑbɑɑri kɔ̃sɑ ku rɑ nùn nɑnde. Win tororɑ rɑ n sɔ̃wɑ sim sim u n Yinni Gusunɔ nɑɑnɛ sɑ̃ɑ.

Womusu 3:6

Nɑ̀ n kpunɑ nɑ dweeyɑ wɔ̃ku ɡiriru, wunɑ ɑ rɑ n mɑn kɔ̃su. Nɑ̀ n yɑndɑ nɑ rɑ deemɛwɑ wunɑ ɑ mɑn kɔ̃su.

Womusu 3:7

Yibɛrɛ dɑbinu nu mɑn kooro bure, yibɛrɛ dɑbinu nu mɑn sikerenɑ, ɑdɑmɑ nɑ ǹ ben bɛrum mɔ.

Womusu 52:6

Gɑri kɔ̃siyɑ yi rɑ n yibɑ wunɛn nɔɔwɔ kpɑ ɑ n wɑ̃ɑ keetɑn swɛɛ sɔɔ.

Filipi 1:28

I ku de bɛɛn yibɛrɛbɑ bu kɑ bɛɛ ɡɑ̃ɑnu nɑre. Yeyɑ yɑ koo bu sɔ̃ɔsi mɑ bɑ kɑm kobu dɔɔwɑ, yɑ koo mɑɑ bɛɛ sɔ̃ɔsi mɑ i wɑ̃ɑ fɑɑbɑn swɑɑ sɔɔ. Ye kpurowɑ yɑ wee sɑɑ Gusunɔn min di.

Piɛɛ I 3:14

Bɑɑ ì n nɔni swɑ̃ɑru wɑ ɡem sɔ̃, doo nɔɔruɡibɑ bɛɛ. I ku tɔmbun bɛrum ko, i ku mɑɑ wururɑ.

Kɑ̃siru 2:10

U ku bɛrum ko nɔni swɑ̃ɑ te tɑ nùn sisien sɔ̃. Wee, Setɑm u koo de bu ben ɡɑbu pirisɔm doke u kɑ ben lɑɑkɑri mɛɛri. Bɑ koo wɑhɑlɑ wɑ sere sɔ̃ɔ wɔkuru. U de u n sɑ̃ɑ bɔrɔkini sere kɑ ɡɔɔwɔ, kpɑ n nùn wɑ̃ɑru wɛ̃ nɡe sinɑ furɔ.

Sɑmuɛli I 19:8

Tɑbu kpɑm tunumɑ mɑ Dɑfidi u yɑrɑ u kɑ Filisitibɑ sɑnnɑ. U bu kɑmiɑ mɑm mɑm, mɑ bɑ duki suɑ.