Womusu 26:1 - Bibeli Gusunɔn Gari

¹ Dɑfidin womu. Yinni Gusunɔ, wunɑ nɑ nɑɑnɛ sɑ̃ɑ mɑm mɑm. Nɑ sĩimɔwɑ dee dee wunɛn woodɑbɑ sɔɔ. A mɑn ɡem wɛ̃ɛyɔ.

Womusu 26:1 ပူးပေါင်းရင်းမြစ်များ

Sinɑmbu II 20:3

Yinni Gusunɔ, ɑ suuru koowo, ɑ yɑɑyo mɑ nɑ sĩɑ dee dee wunɛn wuswɑɑɔ. Nɑ wunɛn woodɑbɑ mɛm nɔɔwɑ. Nɑ mɑɑ kuɑ ye n nun wɛ̃re. Yen biru u swĩ ɡem ɡem.

Yoobu 2:3

Yinni Gusunɔ u mɑɑ Setɑm bikiɑ u nɛɛ, ɑ nɛn sɔm kowo Yoobu wɑ mi? Goo sɑri wi u kɑ nùn weenɛ hɑnduniɑ sɔɔ. U rɑ mɑn mɛm nɔɔwɛ. U sĩimɔ ɡem sɔɔ. U ku rɑ kɔ̃sɑ kɑ̃. U mɑɑ mɑn nɑsie. Yerɑ ɑ swɑɑ kɑsu n kɑ nùn kɔ̃sɑ kuɑ u kun mɑn ɡɑ̃ɑnu kue?

Yoobu 4:6

N ǹ Gusunɔ sɑ̃ɑrɑ tɑ sɑ̃ɑ wunɛn dɑm? N ǹ wunɛn yĩiyɔbu bu rɑ n wɑ̃ɑwɑ Gusunɔ win mi yèn sɔ̃ ɑ nùn mɛm nɔɔwɑmmɛ?

Womusu 121:3

U ǹ derimɔ wunɛn nɑɑsu su sokurɑ. Wi u nun kɔ̃su, u ǹ dom yĩbirimɔ.

Womusu 15:2

Wiyɑ wi u sĩimɔ dee dee, u ɡeɑ mɔ̀, u ɡem ɡerumɔ win ɡɔ̃ruɔ,

Womusu 21:7

Wunɛn domɑrɑ ko n wɑ̃ɑ kɑ wi sere kɑ bɑɑdommɑɔ. A rɑ n wɑ̃ɑ kɑ wi bɑɑdommɑ, kpɑ u n nuku dobu mɔ.

Womusu 25:2

Nɑ nun nɑɑnɛ sɑ̃ɑ. A ku de n sekuru wɑ. A ku de nɛn yibɛrɛbɑ bu mɑn yɛ̃ɛ.

Womusu 25:21

A mɑn somiɔ nɑ n kɑ dɛɛre. A mɑn somiɔ nɑ n kɑ wɑ̃ɑ ɡem sɔɔ. Wunɑ nɑ nɑɑnɛ sɑ̃ɑ, kɑɑ mɑn kɔ̃su.

Womusu 26:11

Nɑ sĩimɔwɑ dee dee wunɛn woodɑbɑ sɔɔ. Yinni Gusunɔ, ɑ mɑn durom kuo, ɑ mɑn fɑɑbɑ koowo.

Womusu 28:7

Wunɑ ɑ mɑn ɡɑnuɑ nɡe tɛrɛru, ɑ sɑ̃ɑwɑ nɛn dɑm. Wunɛ sɔɔrɑ nɛn nɑɑnɛ wɑ̃ɑ, domi ɑ mɑn fɑɑbɑ kuɑ. Mɑ nɑ nuku dobu mɔ, nɑ nun siɑrɑmɔ kɑ womusu.

Womusu 31:14

Nɑ nɔɔmɔ kɔ̃sɑ ye tɔmbɑ ɡerumɔ nɛn sɔ̃. Mɑ be bɑ mɑn sikerenɛ kpuron bɛrum mɑn mɔ̀. Domi bɑ wesiɑnɑmɔ bu kɑ mɑn ɡo.

Womusu 35:24

Gusunɔ nɛn Yinni, ɑ sɑ̃ɑwɑ ɡemɡii, ɑ mɑn sirio, kpɑ bu ku rɑɑ mɑɑ nuku dobu ko nɛn sɔ̃,

Womusu 37:31

Gusunɔn woodɑ yɑ rɑ n wɑ̃ɑ win ɡɔ̃ruɔ. Win nɑɑsu kun mɑɑ sokurɑmɔ.

Womusu 4:5

I bwisikuo ɡɔ̃ruɔ bɛɛn kpin yenɔ kpɑ i mɑri. I diirio bɛrum sɔ̃ kpɑ i durum deri.

Womusu 43:1

A mɑn ɡem wɛ̃ɛyɔ Gusunɔ nɛn Yinni. A kɑ mɑn yinɔ be bɑ ǹ nun nɑsien wuswɑɑɔ. A mɑn yɑkio wee kowobu kɑ tɔn kɔ̃sobun min di.

Womusu 54:1

Dɑfidin womu ɡe u wom kowobun wiruɡii kuɑ kɑ mɔrɔku

Womusu 62:2

Kɑ ɡeemɑ, Gusunɔ wunɛ sɔɔrɑ nɛn nɑɑnɛ wɑ̃ɑ. Wunɑ ɑ rɑ mɑn fɑɑbɑ ko.

Womusu 62:6

Gusunɔ, wunɛ sɔɔrɑ nɛn nɑɑnɛ wɑ̃ɑ. Wunɛ sɔɔrɑ nɛn yĩiyɔbu wɑ̃ɑ.

Womusu 7:8

Yinni Gusunɔ, wee ɑ sɔ̃ wunɛn sinɑ ɡɔnɑɔ. A de bwesenu nu mɛnnɑmɑ mi. A de ɑ nu siri mi.

Womusu 94:18

Yinni Gusunɔ, nɑ̀ n bɑ̃ɑrimɔ, wunɛn duromɑ mu rɑ de nɑ n tɑ̃sɑ.

Mɔnnu 20:7

Gemɡii u rɑ n sĩimɔwɑ dɑɑ ɡeɑ sɔɔ. Win bibɑ ko n mɑɑ sɑ̃ɑwɑ doo nɔɔruɡibu.

Mɔnnu 29:25

À n tɔnun ɡeren bɛrum mɔ, kɑɑ n wɑ̃ɑwɑ kɑri bɑkɑ sɔɔ, ɑdɑmɑ ɑ̀ n Gusunɔ nɑɑnɛ sɑ̃ɑ, u koo nun kɔ̃suwɑ.

Korinti II 1:12

Yenin sɔ̃nɑ sekurɑ kun sun mɔ̀, domi bɛsɛn ɡɔ̃ru ɡɑ sun seedɑ diiyɑmmɛ mɑ bɛsɛn wɑ̃ɑru hɑnduniɑ sɔɔ, su mɑm ɡere bɛɛn mi, tɑ dɛɛre. Gusunɔ u derɑ tɑ ǹ murɑfitiru mɑni. Win duromɑ mu sun kpɑrɑ, n ǹ mɔ tɔnun bwisi.

Heberu 10:23

Su de sɑ n yĩiyɔ bini nɛni dim dim bìn seedɑ sɑ dimɔ, domi Gusunɔ wi u nɔɔ mwɛɛru kuɑ u sɑ̃ɑ nɑɑnɛɡii.

Piɛɛ I 1:5

bɛɛ be Gusunɔn dɑm mu kɔ̃su nɑɑnɛ dokebun sɑɑbu i kɑ fɑɑbɑ wɑ ye yɑ sɔɔru sɑ̃ɑ yu kɑ sɔ̃ɔsirɑ sɑnɑm dɑ̃ɑkim sɔɔ.

Piɛɛ II 1:10

Yen sɔ̃, nɛɡibu, i hɑniɑ sosio i kɑ ɡiɑ sɑ̃ɑ sɑ̃ɑ mɑ Gusunɔwɑ u bɛɛ sokɑ mɑ u bɛɛ ɡɔsɑ, domi ì n kuɑ mɛ, i ǹ sokurɑmɔ kɑ bɑɑdommɑɔ.

Sɑmuɛli I 2:9

U koo win bɔrɔkinibɑn sɑnu sɑnusu kɔ̃su. Adɑmɑ u koo de tɔn kɔ̃sobu bu kɑm ko yɑm wɔ̃kurɔ. Domi ɡoo sɑri wi u koo nɑsɑrɑ wɑ kɑ win tiin dɑm.

Sɑmuɛli I 24:15

Weren sɔ̃nɑ wunɛ Isirelibɑn sunɔ ɑ yɑrimɑ. Wɑrɑ ɑ nɑɑ ɡire. Nɛ wi nɑ sɑ̃ɑ nɡe bɔ̃ɔ ɡoru? Ǹ kun mɛ nɡe ɡoo dɛ̃ɛ?