Womusu 25:9 - Bibeli Gusunɔn Gari

⁹ A rɑ be bɑ tii kɑwe swɑɑ ɡeɑ sɔ̃ɔsi, kpɑ ɑ bu kpɑrɑ ye sɔɔ.

Womusu 25:9 ပူးပေါင်းရင်းမြစ်များ

Womusu 119:35

Nɑ wunɛn swɑɑ kĩ. A mɑn sureo ye sɔɔ.

Womusu 119:66

A mɑn lɑɑkɑri kɑ bwisi kɛ̃ɛyɔ domi nɑ wunɛn woodɑbɑ nɑɑnɛ sɑ̃ɑ.

Womusu 143:10

Wunɑ sɑ̃ɑ nɛn Yinni. A mɑn sɔ̃ɔsio mɛ ko nɑ n dɑ wunɛn kĩru ko. A de wunɛn Hunde ɡeo wi, u mɑn kpɑrɑ swɑɑ ye yɑ nɔɔ nɛ sɔɔ.

Womusu 147:6

Yinni Gusunɔ u rɑ wɔnwɔndobu nɔɔri. Kpɑ u tɔn kɔ̃sobu surɑ sere temɔ.

Womusu 149:4

Yinni Gusunɔ u win tɔmbu kĩ. U rɑ wɔnwɔndobu bɛɛrɛ wɛ̃ u bu fɑɑbɑ ko.

Womusu 22:26

Kon nun siɑrɑ sɑnɑm mɛ be bɑ nun nɑsie bɑ mɛnnɛ. Kon nɛn nɔɔ mwɛɛnu yibiɑ ben bɑɑwuren wuswɑɑɔ.

Womusu 23:3

A rɑ de nɛn dɑm mu wurɑmɑ, ɑ rɑ mɑn sure swɑɑ ɡeɑ sɔɔ, wunɛn yĩsirun bɛɛrɛn sɔ̃.

Womusu 27:11

Yinni Gusunɔ, ɑ mɑn wunɛn swɑɑ sɔ̃ɔsio kpɑ ɑ de n sĩ dee dee ye sɔɔ, domi nɛn yibɛrɛbɑ bɑ dɑbi.

Womusu 73:24

Kɑɑ mɑn kpɑrɑ kɑ wunɛn bwisi. Yen biru, kɑɑ mɑn mwɑ wunɛn yiiko sɔɔ.

Womusu 76:9

Wunɛn siribu nɔɔrɑ sɑɑ wɔllun di. Sɑnɑm mɛ ɑ seewɑ ɑ tɔmbu siri, mɑ ɑ be bɑ tii kɑwe fɑɑbɑ kuɑ, yerɑ hɑnduniɑn tɔmbu kpuro bɑ bɛrum soorɑ mɑ bɑ tii deri sɛ̃ɛ.

Mɔnnu 8:20

Nɑ sĩimɔwɑ swɛɛ yì sɔɔ ɡem kɑ kookoo ɡeesu wɑ̃ɑ.

Esɑi 11:4

U koo sɑ̃ɑrobu siriɑwɑ dee dee, kpɑ u bwɛ̃ɛbwɛ̃ɛbu ben ɡem wɛ̃. Win ɡɑri yi ko n sɑ̃ɑwɑ nɡe bokuru te u koo kɑ tɔmbu sɛɛyɑsiɑ, kpɑ yi n sɑ̃ɑ nɡe tɑkobi ye yɑ koo tɔn kɔ̃sobu ɡo.

Esɑi 61:1

Yinni Gusunɔn Hunde u kɑ mɑn wɑ̃ɑ. Domi wiyɑ u mɑn ɡɔsɑ n kɑ dɑm sɑriruɡibu lɑbɑɑri ɡeɑ nɔɔsiɑ, kpɑ n be bɑ nuki sɑnkire nukuru yɛmiɑsiɑ, kpɑ n yobu sɔ̃ mɑ bɑ koo bu yɑkiɑ, kpɑ n mɑɑ pirisɔmbɑ sɔ̃ mɑ bɑ koo bu kɑrɑ.

Esekiɛli 36:27

Kon bu nɛn Hunde wɛ̃ kpɑ n de bu nɛn woodɑbɑ mɛm nɔɔwɑ bɑ n kɑ ye sɔmburu mɔ̀.

Sofoni 2:3

Bɛɛ be i tii kɑwe kpuro tem mɛ sɔɔ, i Yinni Gusunɔ kɑsuo. Bɛɛ be i nùn mɛm nɔɔwɛ, i ɡem kɑsuo, kpɑ i tii kɑwɑ. Sɔrɔkudo i ko i yɑri Gusunɔn mɔrun tɔ̃ɔ te sɔɔn di.

Mɑteu 5:5

Doo nɔɔruɡibɑ bèn dɑɑ yɑ du. Beyɑ bɑ koo tem mɛ tubi di.

Yohɑnu 14:6

Yesu u nùn sɔ̃ɔwɑ u nɛɛ, nɛnɑ nɑ swɑɑ, nɛnɑ nɑ ɡem, nɛnɑ nɑ wɑ̃ɑru, ɡoo sɑri wi u koo dɑ Bɑɑbɑn mi mɑ n kun mɔ sɑɑ nɛn min di.

Gɔrobun Kookoosu 13:10

u nɛɛ, wunɛ wi ɑ tɑki dibu kɑ dɑɑ kɔ̃sɑ yibɑ, wunɛ Setɑm bii kɑ ɡɑ̃ɑ ɡeenu kpuron wɛrɔ, sere dommɑ kɑɑ n kɑsu ɑ Gusunɔn ɡem ɡɔsiɑ weesu.

Gɔrobun Kookoosu 9:2

u nùn bikiɑ u Yuubɑn mɛnnɔ yenuɡibu tirenu kuɑ be bɑ wɑ̃ɑ Dɑmɑsiɔ kpɑ ù n ɡɑbu wɑ be bɑ swɑɑ ye swĩi, ǹ n tɔn durɔbun nɑ, ǹ kun mɛ tɔn kurɔbu, u kɑ kpĩ u bu mwɑ u bɔke u kɑ dɑ Yerusɑlɛmuɔ.

Gɑlɑti 5:23

kɑ dɑɑ duudwiɑ, kɑ ɡɑyɑ. Woodɑ sɑri ye yɑ yeni tɑɑrɛ wɛ̃ɛmɔ.

Heberu 10:20

U sun swɑɑ kpɑɑ yɑbɑ ye yɑ wɑsi sɑɑ kɑrerun min di te tɑ sɑ̃ɑ win wɑsi.

Yɑkɔbu 1:21

Yen sɔ̃, i dɑɑ disinuɡiɑ kɑ kom kɔ̃sum kpuro derio kpɑ i ɡɑri yi mwɑ kɑ tii kɑwɑbu yi Gusunɔ u duurɑ bɛɛn ɡɔ̃ruɔ domi yiyɑ yi koo kpĩ yi bɛɛn hunde fɑɑbɑ ko.

Piɛɛ I 3:15

Adɑmɑ i de Kirisi u n sɑ̃ɑ Yinni bɛɛn ɡɔ̃ruɔ. I n sɔɔru sɑ̃ɑ i kɑ bu wisi be bɑ bɛɛ bɛɛn yĩiyɔbun ɑsɑnsi bikiɑmɔ.

Piɛɛ I 3:4

Adɑmɑ i de bɛɛn burɑru tɑ n sɑ̃ɑ sɔɔkiru te tɑ ǹ kpeemɔ, teyɑ dɑɑ duudwiɑ. Yeniwɑ ɡɑ̃ɑ bɛɛrɛɡinu Gusunɔn wuswɑɑɔ.