Womusu 25:7 - Bibeli Gusunɔn Gari

⁷ A ku mɑɑ yɑɑyɑ durum ye nɑ kuɑ nɛn ɑluwɑɑsiru sɔɔ. A ku nɛn mɛm nɔɔbu sɑriru mɛɛri. A mɑn yɑɑyo wunɛn wɔnwɔndu kɑ wunɛn tɔn ɡeerun sɔ̃.

Womusu 25:7 ပူးပေါင်းရင်းမြစ်များ

Yoobu 13:26

Mbɑn sɔ̃nɑ ɑ mɑn wɑhɑlɑ bɑkɑ yeni kpɛ̃ɛ, mɑ ɑ mɑn sɛɛyɑsiɑmɔ nɛn ɑluwɑɑsirun torɑnun sɔ̃.

Yoobu 20:11

U dɑm mɔ, mɑ u sɑ̃ɑ nɡe ɑluwɑɑsi. Adɑmɑ u koo kɑ ye kpuro kpunɑwɑ sikirɔ.

Womusu 106:3

Doo nɔɔruɡibɑ be bɑ win woodɑbɑ mɛm nɔɔwɛ. Doo nɔɔruɡibɑ be bɑ ɡem swĩi bɑɑdommɑ.

Womusu 106:4

Yinni Gusunɔ, ɑ mɑn yɑɑyo durom mɛ ɑ rɑ wunɛn tɔmbu kuen sɔ̃. A mɑn yɑɑyo kpɑ ɑ bu somi.

Womusu 109:14

Gusunɔ u win bɑɑbɑbɑn torɑnu yɑɑyo, kpɑ u ku win mɛro nùn win durum suuru kuɑ.

Womusu 109:16

Domi u ǹ wɔnwɔndu sɔ̃ɔsi. U sɑ̃ɑrobu kɑ wɔnwɔndobu nɔni sɔ̃ɔwɑwɑ sere u tɔnu ɡo wi u nuki sɑnkire.

Womusu 109:26

Gusunɔ nɛn Yinni, ɑ mɑn somiɔ. A mɑn fɑɑbɑ koowo wunɛn tɔn ɡeerun sɔ̃,

Womusu 119:124

A nɛ, wunɛn sɔm kowo kuo nɡe mɛ wunɛn tɔn ɡeerɑ nɛ. A mɑn wunɛn woodɑbɑn keu sɔ̃ɔsio.

Womusu 31:16

Nɛn siɑn wɑ̃ɑru kpuro wunɛn nɔmu sɔɔrɑ tɑ wɑ̃ɑ. A mɑn wɔro sɑɑ nɛn yibɛrɛbɑ kɑ be bɑ mɑn nɔni sɔ̃ɔmɔn nɔmɑn di.

Womusu 51:1

Ye Dɑfidi u kɑ Bɑti Sebɑ kpunɑ u kpɑ, Gusunɔn sɔmɔ Nɑtɑni u dɑ win mi. Yen biruwɑ Dɑfidi u wom kowobun wiruɡii womu ɡeni kuɑ. Ge wee.

Womusu 6:4

Nɛn bwɛ̃rɑ kun kpĩ. Yinni, sere sɑɑ yerɑ̀ kɑɑ mɑn deri mɛ. Sɑɑ yerɑ̀ kɑɑ mɑn somiru nɑ.

Womusu 79:8

A ku sun bɛsɛn sikɑdobɑn durum sɔbi. Adɑmɑ wunɛn kĩrun sɔ̃, ɑ sun wɔnwɔndu kuo. Domi sɑ kuɑ wɔnwɔndobu.

Esɑi 38:17

Wee, nɛn wɑhɑlɑ yɑ ɡɔsirɑ bɔri yɛndu, ɑ wurɑ ɑ mɑn yɑrɑ siki wɔrun di wunɛn kĩrun sɔ̃. Domi ɑ nɛn durum kpuro wɔkɑ ɑ kɔ̃ wunɛn biruɔ.

Esɑi 43:25

Kɑ mɛ, nɛnɑ nɑ bɛɛn durum wɔkɑmɔ yèn sɔ̃ nɑ sɑ̃ɑ Gusunɔ. Nɑ ǹ mɑɑ ye yɑɑyɑmɔ.

Esɑi 48:11

Nɛn kĩrun sɔ̃nɑ nɑ ye kuɑ. Domi nɑ ǹ derimɔ nɛn yĩsiru tu bɛɛrɛ biɑ. Nɑ ǹ mɑɑ nɛn yiiko ɡoo wɛ̃ɛmɔ.

Esɑi 64:9

Wee wunɛn wuu si ɑ ɡɔsɑ su kuɑ bɑnsu. Yerusɑlɛmu yɑ wɔrukɑ.

Yeremi 3:25

Su kpunɑ sekuru sɔɔ kpɑ su bɛsɛn bɛɛrɛ sɑriru wukiri nɡe bekuru. Domi bɛsɛ kɑ bɛsɛn bɑɑbɑbɑ sɑ wunɛ Gusunɔ bɛsɛn Yinni torɑri. Sɑɑ bɛsɛn birun di n kɑ ɡisɔ ɡirɑri sɑ ǹ wunɛn ɡere wure.

Yeremi 31:34

Domi tɔmbu kpurowɑ bɑ ko n mɑn yɛ̃ sɑɑ bibun di sere kɑ bukurobɔ. Goo kun mɑɑ win winsim ǹ kun mɛ win mɛro bisi ɡoo keu mɔ̀ u kɑ Gusunɔ ɡiɑ. Kon bu ben durum wɔkɑ, kpɑ n ku mɑɑ ye yɑɑyɑ.

Yohɑnu 5:14

Yen biru Yesu u nùn wɑ sɑ̃ɑ yerɔ mɑ u nɛɛ, n wee ɑ bɛkurɑ, ɑ ku rɑ mɑɑ durum ko, kpɑ kɔ̃sɑ ye yɑ yeni kere yu ku rɑɑ mɑɑ nun deemɑ.

Yohɑnu 5:5

Durɔ ɡoo mɑɑ wɑ̃ɑ mi, wi u bɑrɔ sɑɑ wɔ̃ɔ weeru yiru sɑrin di.

Heberu 8:12

Kon bu ben torɑnu suuru kuɑ. Nɑ ǹ mɑɑ ben torɑnu yɑɑyɑmɔ.”