Womusu 25:6 - Bibeli Gusunɔn Gari

⁶ Yinni Gusunɔ, nɑ nun kɑnɑmɔ, ɑ wunɛn durom kɑ wunɛn wɔnwɔndu yɑɑyo, ye ɑ mɑn sɔ̃ɔsi yellun di.

Womusu 25:6 ပူးပေါင်းရင်းမြစ်များ

Torubu 24:27

Gusunɔɡiɑ siɑrɑbu wi u sɑ̃ɑ nɛn yinni Aburɑhɑmun Yinni, wi u kun dere win wɔnwɔndu kɑ win bɔrɔkiniru tu nùn dɛsirɑri. Mɑ u mɑn kpɑrɑ u kɑ dɑ sere win wɔnɔbun yɛnuɔ.

Torubu 32:9

Mɑ u nɛɛ, bɑɑ Esɑu ù n nɑ u sube teeru wɔri u tu kɑmiɑ, te tɑ tie tɑ koo yɑri bɑɑni.

Bɑndun Gɑri II 6:42

Yinni Gusunɔ, ɑ ku wi ɑ ɡɔsɑ biru kisi. A wunɛn durom yɑɑyo mɛ ɑ Dɑfidi wunɛn sɔm kowo kuɑ.

Nɛɛmi 13:22

Mɑ nɑ Lefibɑ sɔ̃ɔwɑ nɑ nɛɛ, bu tii dɛɛrɑsio kpɑ bu nɑ bu Yerusɑlɛmun kɔnnɔsu kɔ̃su bu kɑ tɔ̃ɔ wɛ̃rɑruɡii te yi Yinni Gusunɔn sɔ̃. Yinni Gusunɔ, yenibɑn sɔ̃, ɑ de ɑ n mɑn yɑɑye. Kpɑ ɑ mɑn kɔ̃su wunɛn durom bɑkɑm sɔ̃.

Nɛɛmi 9:19

Adɑmɑ wunɛn kĩi bɑkɑrun sɔ̃, ɑ ǹ bu deri ɡbɑburɔ. Guru wii wuro te tɑ bu swɑɑ ɡbiiye mi, wɔ̃kuru kɑ sɔ̃ɔ sɔɔ, tɑ ǹ bu deri.

Womusu 103:17

Adɑmɑ Yinni Gusunɔn durom mu rɑ n wɑ̃ɑwɑ sere kɑ bɑɑdommɑɔ be bɑ nùn nɑsien mi, mɑ bɑ win ɑrukɑwɑni nɛni, mɑ bɑ win woodɑbɑ mɛm nɔɔwɑmmɛ. Mɛyɑ mɑɑ win ɡem mu rɑ n kɑ bu wɑ̃ɑ sere kɑ ben bibun bibɔ.

Womusu 103:4

U rɑ mɑn yɑre sɑɑ siki wɔrun di. U rɑ mɑn durom kɑ wɔnwɔndu kue.

Womusu 106:1

I Yinni Gusunɔ siɑro. I Yinni Gusunɔ siɑro, domi u sɑ̃ɑwɑ tɔn ɡeo. Win kĩru tɑ rɑ n wɑ̃ɑwɑ sere kɑ bɑɑdommɑɔ.

Womusu 106:45

A wunɛn ɑrukɑwɑni yɑɑyɑ. Mɑ ɑ ben wɔnwɔndu wɑ wunɛn durom bɑkɑm sɔ̃.

Womusu 107:1

I Yinni Gusunɔ siɑro win tɔn ɡeerun sɔ̃. Win durom mu rɑ n wɑ̃ɑwɑ sere kɑ bɑɑdommɑɔ.

Womusu 119:77

A mɑn wɔnwɔndu kuo kpɑ n wɑ nɑ n wɑ̃ɑ. Domi wunɛn sɔ̃ɔsiru tɑ rɑ mɑn nuku dobu wɛ̃.

Womusu 40:11

Nɑ ǹ wunɛn fɑɑbɑn ɡɑri beruɑ nɛn ɡɔ̃ruɔ. Nɑ wunɛn nɑɑnɛ kɑ wunɛn somiru tɔmbu nɔɔsiɑ. Nɑ tɔn wɔru ɡunɑ wunɛn tɔn ɡeeru kɑ wunɛn bɔrɔkiniru sɔ̃ɔsi.

Womusu 69:13

Be bɑ sɔ̃ ɡbɑ̃rɑ kɔnnɔwɔ bɑ mɑn wĩimɔ. Tɑm nɔrobu bɑ kɑ nɛn yĩsiru womu mɔ̀.

Womusu 69:16

A ku de nim yiburu tu mɑn wukiri, kpɑ nim bweru tu mɑn di. A ku de wɔru bɔkɔ ɡu mɑn kɔrusi.

Womusu 98:3

U win durom kɑ win bɔrɔkiniru yɑɑyɑ Isirelibɑn sɔ̃. Hɑnduniɑn ɡoonu nnɛ kpuro sɔɔ bɑ win fɑɑbɑ ye wɑ.

Yɑribu 15:13

Wunɛn wɔnwɔndu sɔɔrɑ ɑ wunɛn tɔmbu swɑɑ sɔ̃ɔsi be ɑ yɑkiɑ. A mɑɑ bu kpɑrɑmɑ kɑ wunɛn dɑm ɑ kɑ dɔɔ sere wɑ̃ɑ yee te ɑ bu nɔɔ mwɛɛru kuɑ sɔɔ.

Yɑribu 34:6

Mɑ u sɑrɑ Mɔwisin wuswɑɑɔ u nɔɔɡiru suɑ u nɛɛ, nɛnɑ Yinni Gusunɔ durom kɑ wɔnwɔnduɡii. Nɑ rɑ sɑku n sere mɔru ko. Nɛn tɔn ɡeeru kɑ nɛn bɔrɔkiniru tɑ kpɑ̃.

Esɑi 55:7

Kpɑ durumɡii u win dɑɑ kɔsi, toro u mɑɑ win bwisiku kɔ̃sunu deri, kpɑ u ɡɔsirɑ u wurɑmɑ Yinni Gusunɔn mi. U koo nùn wɔnwɔndu kuɑ, wi, wi u ku rɑ suuru kpɑnɛ.

Esɑi 63:15

Yinni Gusunɔ, ɑ mɛɛrimɑ sɑɑ wɔllun di mi wunɛn wɑ̃ɑ yee dɛɛrɑru kɑ yiikoɡirɑ wɑ̃ɑ, kpɑ ɑ wɑ ye yɑ sun mɔ̀. Mɑnɑ wunɛn hɑniɑ kɑ wunɛn dɑm mu wɑ̃ɑ. Wee ɑ sun wunɛn kĩru kɑ wunɛn wɔnwɔndu wunɑri.

Yeremi 31:20

Isirelin bweseru tɑ sɑ̃ɑwɑ nɡe nɛn bii kĩnɑsi. Mɛyɑ nɑ mɑɑ tu kĩru sɔ̃ɔsi. Domi nɡe mɛ̀n nɔru nɑ ten ɡɑri mɔ̀, nɡe mɛyɑ ten kĩru tɑ rɑ n wɑ̃ɑ nɛn ɡɔ̃ruɔ. Nɛn bwɛ̃rɑ kun kpunɛ ten sɔ̃. Kon tu wɔnwɔn bɑkɑru kuɑ. Nɛ, Yinni Gusunɔwɑ nɑ yeni ɡeruɑ.

Yeremi 33:11

Adɑmɑ bɑ koo wure bu nuku dobun kuuki nɔ kɑ tɔ̃ɔ bɑkɑruɡii. Bɑ koo kurɔ kpɑɑnun womusu nɔ. Bɑ koo mɑɑ wure bu womu ɡeni nɔ, ɡe ɡɑ nɛɛ, i Gusunɔ, wɔllu kɑ tem Yinni siɑro. Domi u sɑ̃ɑ tɔn ɡeo. Win kĩru tɑ ǹ nɔru mɔ. Mɛyɑ bɑ koo mɑɑ tɔn be bɑ kɑ yɑ̃kunu nɑ sɑ̃ɑ yerɔn womusu nɔ. Domi kon de tɔn be bɑ rɑɑ yoru mwɛɛrɑ mi, bu wurɑmɑ tem mɛ sɔɔ, kpɑ n bu wesiɑ nɡe yellu. Nɛ, Yinni Gusunɔwɑ nɑ yeni ɡeruɑ.

Dɑniɛli 9:18

Gusunɔ nɛn Yinni, ɑ swɑɑ dɑkio ɑ nɔ. A nɔni seeyo ɑ wuu ɡe bɑ kɑ wunɛn yĩsiru sokumɔ mɛɛri nɡe mɛ ɡɑ bɑnsu kuɑ. Sɑ yɛ̃ mɑ bɛsɛn dɛɛrɑrɑ kun turɑ su kɑ nun ɡɑ̃ɑnu ɡɑnu kɑnɑ. Adɑmɑ wunɛn wɔnwɔn bɑkɑrun sɔ̃nɑ sɑ nun yeni kɑnɑmɔ.

Hɑbɑkuku 3:2

U nɛɛ, Yinni Gusunɔ, nɑ nuɑ ye ɑ ɡeruɑ. Mɑ nɑ nɑndɑ. A de yu koorɑ wɔ̃ɔ sini sɔɔ. A de tɔmbu bu ye wɑ bɛsɛn wɑɑti yeni sɔɔ. Adɑmɑ wunɛn mɔru ye sɔɔ, ɑ yɑɑyo ɑ sun wɔnwɔndu kuɑ.

Luku 1:50

U rɑ be bɑ nùn nɑsie durom kue sɑɑ bɑɑyere.

Luku 1:54

U win sɔmɔ Isireli somi yèn sɔ̃ u win durom yɑɑyɑ

Luku 1:78

bɛsɛn Yinnin wɔnwɔndun sɔ̃ te tɑ kpɑ̃. Wɔnwɔn ten sɑɑbuwɑ yɑm bururɑm ko n sun nɑɑwɑ wɔllun di nɡe buruku sɔ̃ɔ yɑnɑ,

Korinti II 1:3

Su Gusunɔ siɑrɑ, bɛsɛn Yinni Yesu Kirisin Bɑɑbɑ wi u rɑ tɔmbu wɔnwɔndu kue, kpɑ u bu dɑm kɛ̃ sɑɑ bɑɑyere.

Filipi 1:8

Gusunɔwɑ sɑ̃ɑ nɛn seedɑɡii mɑ nɑ bɛɛ kpuro kĩwɑ nɡe mɛ Yesu Kirisin kĩrɑ sɑ̃ɑ.

Filipi 2:1

Kirisi u tɔnu tɑ̃sisiɑmɔ. Win kĩru tɑ rɑ n tɔnu dɑm kɛ̃mɔ. Hunde Dɛɛro u rɑ mɑɑ tɔnu kpɑre kpɑ Kirisi u de tɔmbu bu wɔnwɔndu kɑ tɔn ɡeeru sɔ̃ɔsinɑ.

Kolose 3:12

Ǹ n mɛn nɑ, yèn sɔ̃ Gusunɔ u bɛɛ kĩɑ mɑ u bɛɛ ɡɔsɑ i kɑ ko wiɡibu, wee ye n weenɛ i sebe, wɔnwɔndu kɑ tɔn ɡeeru kɑ tii kɑwɑbu kɑ dɑɑ duudwiɑ kɑ suuru.

Yohɑnu I 3:17

Goo ù n dukiɑ mɔ hɑnduniɑ ye sɔɔ, mɑ u wɑ win beruse u yɑ̃ɑru mɔ, mɑ u nùn biru kisi, ɑmɔnɑ Gusunɔn kĩrɑ ko n kɑ wɑ̃ɑ yɛ̃ro sɔɔ.