Womusu 25:4 - Bibeli Gusunɔn Gari

⁴ Yinni Gusunɔ, nɑ nun kɑnɑmɔ, ɑ mɑn wunɛn swɑɑ sɔ̃ɔsio. A mɑn sɔ̃ɔsio nɡe mɛ kon sĩ ye sɔɔ.

Womusu 25:4 ပူးပေါင်းရင်းမြစ်များ

Sinɑmbu I 8:36

ɑ bu swɑɑ dɑkio sɑɑ wɔllun di, kpɑ ɑ bu ben durum suuru kuɑ. A bu swɑɑ ɡeɑ sɔ̃ɔsio yè sɔɔ bɑ koo sĩ, kpɑ ɑ de ɡurɑ yu nɛ tem mɛ sɔɔ, mɛ bɛsɛ wunɛn tɔmbu sɑ tubi di mi.

Womusu 119:27

A mɑn ben ɑsɑnsi tubusio, kpɑ nɑ n dɑ wunɛn sɔm mɑɑmɑɑkiɡinu bwisiku.

Womusu 143:8

A mɑn wunɛn tɔn ɡeeru sɔ̃ɔsio bururu kɑ yokɑ, wunɑ nɑ nɑɑnɛ sɑ̃ɑ. A mɑn swɑɑ sɔ̃ɔsio ye kon swĩi, wunɑ nɑ nɛn hunde nɔmu sɔndiɑ.

Womusu 27:11

Yinni Gusunɔ, ɑ mɑn wunɛn swɑɑ sɔ̃ɔsio kpɑ ɑ de n sĩ dee dee ye sɔɔ, domi nɛn yibɛrɛbɑ bɑ dɑbi.

Womusu 5:1

Dɑfidin womu ɡe u wom kowobun wiruɡii kuɑ kɑ ɡɑɑsirɑru. Ge wee.

Womusu 5:8

Adɑmɑ nɛ, wunɛn durom bɑkɑm sɔ̃nɑ kon kpĩ n dɑ wunɛn sɑ̃ɑ yerɔ. Wunɛn durom bɑkɑm sɔ̃nɑ kon kpĩ n yiirɑ mi ɑ wɑ̃ɑ. Miyɑ kon kpĩ n nun bɛɛrɛ wɛ̃. Miyɑ kon kpĩ n nun sɑ̃.

Womusu 86:11

Yinni Gusunɔ, ɑ mɑn wunɛn swɛɛ sɔ̃ɔsio, kpɑ n wɑ n sĩ wunɛn ɡem sɔɔ. A de n wunɛn yĩsiru nɑsiɑ.

Yɑribu 33:13

Ǹ n mɛn nɑ, tɛ̃, ɑ mɑn wunɛn himbɑ sɔ̃ɔsio kpɑ n nun ɡiɑ, kpɑ n kpɑm wunɛn durom wɑ. A yɑɑyo mɑ tɔn be, bɑ sɑ̃ɑwɑ wunɛn tɔn be ɑ ɡɔsɑ.

Mɔnnu 8:20

Nɑ sĩimɔwɑ swɛɛ yì sɔɔ ɡem kɑ kookoo ɡeesu wɑ̃ɑ.

Esɑi 2:3

nu nɛɛ, i nɑ su dɑ Yerusɑlɛmuɔ su yɔ Yinni Gusunɔn ɡuurɔ mi Isirelibɑ bɑ rɑ nùn sɑ̃. Kpɑ u sun win swɛɛ sɔ̃ɔsi su sĩ yi sɔɔ. Bɑ koo ɡere mɛ, domi ɡuu ten min diyɑ u koo win woodɑ yɑrɑ kpɑ u ɡɑri ɡerumɑ.

Yeremi 6:16

Yinni Gusunɔ u win tɔmbu sɔ̃ɔwɑ u nɛɛ, i seewo i swɛɛ mɛɛri i bɛɛn yellun swɑɑ burɑ ye kɑsu i swĩi, kpɑ i wɑ i n wɑ̃ɑ bɔri yɛndu sɔɔ. Adɑmɑ bɑ wisɑ bɑ nɛɛ, sɑ ǹ ye swĩimɔ.