Womusu 25:3 - Bibeli Gusunɔn Gari

³ Be bɑ nun nɑɑnɛ sɑ̃ɑ bɑ ǹ sekuru wɑsi, ɑdɑmɑ be bɑ ǹ kɑ nun yɔ̃, bɑ koo sekuru wɑ.

Womusu 25:3 ပူးပေါင်းရင်းမြစ်များ

Torubu 49:13

Wunɛ mɑɑ Sɑbuloni, kɑɑ n wɑ̃ɑwɑ nim wɔ̃kun ɡoorɔ mi ɡoo nimkusu rɑ yɔ̃re. Wunɛn tem mu ko n tɛriewɑ sere Sidoni ɡiɑ.

Bɑndun Gɑri I 10:13

Sɔɔlu u ɡuwɑ yèn sɔ̃ u Yinni Gusunɔ tɔnu kɑm kom kuɑ, u ǹ win woodɑbɑ mɛm nɔɔwɛ. U bikiɑru dɑwɑ be bɑ rɑ ɡɔribu sokun mi.

Womusu 109:3

Bɑ kɑ mɑn ɡɑri mɔ̀ kɑ tusiru, mɑ bɑ kɑ mɑn sɑnnɑmɔ kɑm sɔɔ.

Womusu 119:78

A be bɑ tii sue sekuru dokeo, wee bɑ mɑn dɑm dɔremɔ kɑm sɔɔ. Adɑmɑ nɛ, wunɛn woodɑbɑrɑ nɑ rɑ n bwisikumɔ.

Womusu 123:2

Nɡe mɛ yobun nɔni yi rɑ n ben yinnibun nɔmɑ mɛɛrɑ, nɡe mɛyɑ bɛsɛn nɔni yi Gusunɔ bɛsɛn Yinniɡiɑ mɛɛrɑ, sɑ n kɑ mɑrɑ sere dɔmɑ te u koo sun durom kuɑ.

Womusu 132:18

U koo de win yibɛrɛbɑ bu sekuru wɑ. Adɑmɑ wi, win sinɑ furɔ ɡɑ ko n bɑllimɔwɑ win wiru wɔllɔ.

Womusu 22:6

Bɑ nun somiru kɑnɑ, mɑ ɑ bu fɑɑbɑ kuɑ. Bɑ nun nɑɑnɛ kuɑ, mɑ ɑ bu sekuru yɑrɑ.

Womusu 27:14

Yen sɔ̃, ɑ n Yinni Gusunɔ nɑɑnɛ sɑ̃ɑ. A ku mwiɑ kpɑnɑ. A de wunɛn tororu tɑ n sɔ̃ sim sim. A n Yinni Gusunɔ nɑɑnɛ sɑ̃ɑ.

Womusu 31:17

A mɑn wunɛn yɑm bururɑm sɔ̃ɔsio. A mɑn wɔro wunɛn durom sɔ̃.

Womusu 31:18

Yinni Gusunɔ, nɑ̀ n nun sokɑ, ɑ ku de n sekuru wɑ. Adɑmɑ ɑ de tɔn kɔ̃so u sekuru wɑ, kpɑ u dɑ ɡɔribun wɑ̃ɑ yerɔ ɡɔɔ u nùn nɔɔ mɑrisiɑ.

Womusu 33:20

Bɛsɛ, Yinni Gusunɔn miyɑ bɛsɛn yĩiyɔbu wɑ̃ɑ. Wiyɑ u koo sun somi kpɑ u sun kɔ̃su nɡe tɛrɛru.

Womusu 35:26

A de be, be bɑ nuku dobu mɔ̀ nɛn wɑhɑlɑn sɔ̃, be kpuro bu sekuru wɑ sɑnnu sɑnnu. A de be, be bɑ mɑn seesimɔ, bu sekuru wɑ tɑ n kpɑ̃.

Womusu 37:34

A n Yinni Gusunɔ yĩiyɔ kpɑ ɑ n win swɑɑ swĩi. U koo nun wɔlle suɑ kpɑ ɑ n kɑ tem mɛ mɔ. Kɑɑ wɑ tɔn kɔ̃sobɑ kpeerɔ.

Womusu 6:10

U nɛn weeweenu nuɑ. U nɛn kɑnɑru mwɑ.

Womusu 62:1

Womu ɡe Dɑfidi u Yedutum kɑ wom kowobun wiruɡii kuɑ. Ge wee.

Womusu 62:5

Geemɑ, bɑ nɔɔ tiɑ mɔ̀ bu kɑ durɔ wi surɑ win ɑye bɑkɑrun di. Bɑ ku rɑ n weesu mɛɛrɑ ɡɑ̃ɑnu ben mi. Kɑ nɔɔwɑ bɑ rɑ n tɔnu domɑru kuɑmmɛ, ɡɔ̃ruɔ kpɑ bɑ n nùn bɔ̃rusimɔ.

Womusu 69:4

Nɑ swĩ nɑ wɑsirɑ sere nɛn ɡɔ̃ru ɡɑ ɡberɑ. Nɛn nɔni dɑm dwiiyɑ ye nɑ wunɛn somiru mɑrɑ.

Womusu 69:6

Gusunɔ, ɑ nɛn ɑsɑnsi sɑriru yɛ̃. Nɛn torɑnu nu ǹ mɑɑ beruɑ wunɛn mi.

Womusu 71:13

A de be bɑ kɑsu bu mɑn ɡo mi, bu burisinɑ bu kɑm ko. A de be bɑ nɛn kɑm kobu kĩ bu sekuru wɑ.

Esɑi 25:9

Tɔ̃ɔ te sɔɔ, bɑ koo Yinni Gusunɔ sɔ̃ bu nɛɛ, wunɑ ɑ sɑ̃ɑ bɛsɛn Yinni wi sɑ nɑɑnɛ sɑ̃ɑ. Wunɑ ɑ sun fɑɑbɑ kuɑ. Su nuku dobu ko kpɑ su yɛ̃ɛri fɑɑbɑ yen sɔ̃.

Esɑi 40:31

Adɑmɑ bèn yĩiyɔbu wɑ̃ɑ Yinni Gusunɔ sɔɔ, u ko n dɑ bu dɑm kpɑm wɛ̃, kpɑ bu se kɑ dɑm nɡe ɡunɔ bɑkeru. Bɑ̀ n duki mɔ̀, bɑ ǹ wɑsirɑmɔ. Bɑ̀ n mɑɑ sĩimɔ, bɑ ǹ kpɑnɑmɔ.

Esɑi 49:23

Sinɑmbu kɑ ben bii tɔn kurɔbu bɑ koo nun nɔɔri. Bɑ koo nun kpunɑ bu wiru tem ɡirɑri, kpɑ bu tii kɑwɑ bu nun bɛɛrɛ bɑkɑ wɛ̃. Sɑnɑm mɛyɑ kɑɑ ɡiɑ mɑ nɛnɑ nɑ sɑ̃ɑ Yinni Gusunɔ. Be bɑ mɑɑ mɑn yĩiyɔ bɑ ǹ sekuru wɑsi.

Yeremi 20:11

Adɑmɑ nɑ yɛ̃ mɑ wunɛ Yinni Gusunɔ, ɑ wɑ̃ɑ kɑ nɛ nɡe tɑbu durɔ dɑmɡii. Yen sɔ̃nɑ be bɑ mɑn nɔni sɔ̃ɔmɔ bɑ koo sokurɑ. Bɑ ǹ kpɛ̃ bu mɑn kɑmiɑ. Yen sɔ̃nɑ bɑ koo sekuru wɑ kpɑ bɑ n tu yɑɑye sere kɑ bɑɑdommɑɔ.

Swĩi 3:25

U rɑ wi u nùn nɑɑnɛ sɑ̃ɑ kĩru sɔ̃ɔsi, kpɑ u wi u nùn kɑsu durom kuɑ.

Misee 7:7

Adɑmɑ nɛ, Yinni Gusunɔwɑ ko nɑ n mɛɛrɑ. Wiyɑ ko nɑ n nɑɑnɛ sɑ̃ɑ. Domi u rɑ mɑn fɑɑbɑ ko. Wiyɑ u koo mɑn wisi.

Yohɑnu 15:25

Nɡe mɛyɑ n sɑ̃ɑ kpɑ ɡɑri yi bɑ yoruɑ woodɑn tirerɔ yi kɑ koorɑ, yi yi nɛɛ, “Bɑ mɑn tusɑ, bɑ ǹ ten wiru kɑ nɑɑsu yɛ̃.”

Romu 8:25

Adɑmɑ sɑ̀ n ɡɑ̃ɑnu yĩiyɔ ni sɑ ǹ wɑɑmɔ, sɑ ko n nu mɑrɑwɑ kɑ tɛmɑnɑbu.