Womusu 24:7 - Bibeli Gusunɔn Gari

⁷ Bɛɛ wuun kɔ̃sobu, i kɔnnɔ ɡunum sosio. I Yinni Gusunɔn sɑ̃ɑ yerun kɔnnɔ kɛniɔ. I de sinɑ boko bɛɛrɛɡii u du.

Womusu 24:7 ပူးပေါင်းရင်းမြစ်များ

Sɑmuɛli II 6:17

Ye bɑ kɑ kpɑkoro te tunumɑ, yerɑ bɑ tu doke ten ɑyerɔ kuu bekuruɡiru sɔɔ te Dɑfidi u kuɑ ten sɔ̃. Mɑ Dɑfidi u Yinni Gusunɔ yɑ̃ku dɔ̃ɔ mwɑɑrɑruɡinu kuɑ kɑ mɑɑ siɑrɑbun yɑ̃kunu.

Sinɑmbu I 8:11

Yɑ̃ku kowo be, bɑ kpɑnɑ bu ben sɔmburu ko dii ten mi, ɡuru wii wuro ten sɑɑbu. Domi Yinni Gusunɔn yiiko yɑ yibɑ dii te sɔɔ.

Sinɑmbu I 8:6

Mɑ yɑ̃ku kowobu bɑ kɑ Yinni Gusunɔn woodɑn kpɑkoro te dɑ ten ɑyerɔ dii te tɑ dɛɛre ɡem ɡem sɔɔ. Bɑ tu yiwɑ wɔllun kɔ̃sobun weenɑsibu yirun kɑsin kɔkɔrɔ.

Womusu 132:8

Yinni Gusunɔ, ɑ seewo kpɑ ɑ nɑ mi ɑ rɑ wɛ̃re wunɛ kɑ wunɛn woodɑn kpɑkororu tèn wɔllɔ ɑ rɑ wunɛn yiiko sɔ̃ɔsi.

Womusu 21:1

Womu ɡe wom kowobun wiruɡii u kuɑ Dɑfidin sɔ̃.

Womusu 21:5

U nun bikiɑ ɑ win wɑ̃ɑru dɑkɑɑ dɑɑsiɑ, mɑ ɑ tu dɑkɑɑ dɑɑsiɑ n kɑ tɛ.

Womusu 97:6

Wɔllu tɑ win ɡem sɔ̃ɔsimɔ. Mɑ bwesenu kpuro nu win yiiko wɑɑmɔ.

Esɑi 26:2

I ɡɑmbobɑ kɛniɔ kpɑ bwese te tɑ ɡem swĩi tɑ nùn mɛm nɔɔwɑmmɛ tu du min di.

Esɑi 62:10

Bɛɛ Yerusɑlɛmuɡibu, i yɑrio sɑɑ wuun di, i bɛɛn tɔn be bɑ wee swɑɑ sɔnwɑ, i yen kpenu wunɑ i nɔɔ nɛrɑsiɑ. I ɡidi bɔrɑ yɔ̃rɑsio ben berɑ ɡiɑ.

Misee 4:8

Wunɛ Yerusɑlɛmun ɡuuru, wunɛ wi ɑ sɑ̃ɑ nɡe wuu kɔ̃sobun diru, ɑ tɔmbu kɔ̃su, kɑɑ mɑɑ wunɛn bɛɛrɛ wɑ nɡe yellu. Domi Yerusɑlɛmu yɑ koo kpɑm ko Isirelibɑn wuu mɑro.

Asee 2:7

Kon bwesenu kpuro sirɑ kpɑ n de bu nin dukiɑ ɡeɑ kpuro ɡurɑmɑ bu kɑ nɑ nɛn sɑ̃ɑ yeru mini. Kpɑ n sɑ̃ɑ yee te ɡirimɑ yibiɑ. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Asee 2:9

Tɛ̃, dii ten ɡirimɑ yɑ koo yelluɡiɑ kerɑ. Miyɑ kon tɔmbu bɔri yɛndu wɛ̃. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Mɑlɑsi 3:1

Mɑ Gusunɔ wɔllu kɑ tem Yinni u wisɑ u nɛɛ, wee kon nɛn sɔmɔ ɡɔrimɑ. U koo nɛn swɑɑ sɔmɛ. Kpɑ Yinni wi i kɑsu mi, u du win sɑ̃ɑ yerɔ subɑru sɔɔ. Wee sɔmɔ wi i kĩ mi, u sisi u kɑ nɛn ɑrukɑwɑnin ɡɑri kpɑrɑ.

Mɑɑku 16:19

Ye Yinni Yesu kɑ bu ɡɑri yi kuɑ u kpɑ, u suɑrɑ wɔllɔ u dɑ u sinɑ Gusunɔn nɔm ɡeuɔ.

Korinti I 2:8

Sɑɑ yenin wiruɡibu bɑ ǹ yi tubɑ bɑɑ tɔn turo, domi bɑ̀ n dɑɑ yi tubɑn nɑ, bɑ ǹ dɑɑ Yinni yiikoɡii kpɑremɔ dɑ̃ɑ bunɑnɑrɔ.

Yɑkɔbu 2:1

Nɛɡibu, bɛɛ be i bɛsɛn Yinni yiikoɡii Yesu Kirisi nɑɑnɛ doke, i ku tɔmbun bɛɛrɛ kerɑnɑɑ mɛɛri.

Piɛɛ I 3:22

wi u dɑ wɔllɔ mɑ u wɑ̃ɑ Gusunɔn nɔm ɡeuɔ. Miyɑ Gusunɔn ɡɔrɑdobɑ kɑ wɔllun yiikoɡibu kɑ dɑmɡibu bɑ nùn wiru kpĩiyɛ.

Piɛɛ II 3:18

Adɑmɑ i n kpɛ̃ɑmɔ bɛsɛn Yinni Fɑɑbɑ kowo Yesu Kirisin durom sɔɔ kpɑ i n nùn ɡiɑmɔ. Su nùn bɛɛrɛ wɛ̃ tɛ̃n di sere kɑ bɑɑdommɑɔ. Ami.

Kɑ̃siru 4:11

Gusunɔ bɛsɛn Yinni, wunɑ ɑ dɑm kɑ yiiko mɔ, wunɑ sɑ ko bɛɛrɛ wɛ̃. Domi wunɑ ɑ ɡɑ̃ɑnu kpuro tɑkɑ kuɑ. Wunɛn kĩrun sɑɑbuwɑ nu kɑ wɑ̃ɑ nu wɑsi. Ten sɑɑbuwɑ nu mɑɑ kɑ tɑkɑ koorɑ.