Womusu 24:2 - Bibeli Gusunɔn Gari

² Wunɑ ɑ tem kpɛɛkpɛɛku swĩi nim wɔ̃ku sɔɔ. Wunɑ ɑ mu bɔnu kuɑ kɑ dɑɑnu.

Womusu 24:2 ပူးပေါင်းရင်းမြစ်များ

Torubu 8:22

Sere duniɑ yu kɑ kpe, duurubu kɑ ɡɛ̃ɛbun sɑɑ kɑ wooru kɑ yɑm susurun sɑɑ kɑ sɔ̃ɔ sɑ̃reru kɑ wuburun sɑɑ, kɑ sere mɑɑ sɔ̃ɔ sɔɔ kɑ wɔ̃kuru, yen ɡɑɑ kun kpeemɔ.

Yoobu 38:4

Mɑnɑ ɑ wɑ̃ɑ sɑnɑm mɛ nɑ tem kuɑ. A ye ɡeruo, ɑ̀ n bwisi mɔn nɑ.

Womusu 136:6

U tem tɛriɑ nim wɔllɔ, mɑ u sɔ̃ɔ kɑ suru kuɑ. U sɔ̃ɔ kuɑwɑ u kɑ yɑm bururɑsiɑ sɔ̃ɔ sɔɔ, mɑ u suru kɑ kperi kuɑ ye kpuro yu kɑ yɑm bururɑsiɑ wɔ̃kuru. Win wɔnwɔndu tɑ ku rɑ kpe.

Womusu 33:6

Win nɔɔn ɡɑriyɑ wɔllɑ kɑ tɑkɑ koorɑ, kɑ ɡɑ̃ɑ ni nu wɑ̃ɑ te sɔɔ kpuro.

Womusu 89:12

Wunɑ ɑ wɔllu kɑ tem mɔ. Wunɑ ɑ hɑnduniɑ tɑkɑ kuɑ kɑ ye yɑ wɑ̃ɑ ye sɔɔ.

Womusu 93:1

Yinni Gusunɔ, ɑ bɑndu dii, mɑ ɑ wunɛn yiiko sebuɑ nɡe yɑberu. Mɑ ɑ dɑm sɛ̃ke nɡe kpɑkɑ. A mɑɑ derɑ tem mu dɑm mɔ, mu ǹ yĩirimɔ.

Womusu 95:4

Win nɔmɑ yɑ kpuro nɛni ye yɑ wɑ̃ɑ tem sɔɔwɔ. Guunun wii kpiinu nu mɑɑ sɑ̃ɑ wiɡinu.

Womusu 96:10

I bwesenu kpuro sɔ̃ɔwɔ i nɛɛ, Yinni Gusunɔ u bɑndu di. U tem swĩi mu dɑm mɔ, mu ǹ mɑɑ yĩirimɔ. U rɑ tɔmbu siriwɑ dee dee.

Yeremi 5:22

Bɑ ǹ koo mɑn nɑsiɑ? Bɑ ǹ koo diiri nɛn wuswɑɑɔ? Nɛnɑ nɑ derɑ yɑni sɛɛri yi nim wɔ̃kun nim ɡunuɑ. Mɑ nɑ nɛɛ, mu ǹ mɑɑ sɑrɑmɔ mi nɑ mɛn nɔɔ burɑ yeru yi mi. Miyɑ mu ko n wɑ̃ɑ sere kɑ bɑɑdommɑɔ. Bɑɑ mɛ nim kurenu nu rɑ se, nu ǹ dɑm mɔ. Bɑɑ mɛ nu rɑ wɔki, mu ku rɑ ɡɑm de.