Womusu 24:1 - Bibeli Gusunɔn Gari

¹ Dɑfidin womu. Yinni Gusunɔ, wunɑ ɑ tem mɔ kɑ ye yɑ wɑ̃ɑ mɛ sɔɔ. Wunɑ ɑ hɑnduniɑ mɔ kɑ yen hunde konibɑ kpuro.

Womusu 24:1 ပူးပေါင်းရင်းမြစ်များ

Bɑndun Gɑri I 29:11

Yinni Gusunɔ, wunɑ ɑ kpɑ̃, ɑ dɑm mɔ, ɑ mɑɑ yiiko mɔ. A ǹ nɔru mɔ. Domi wunɑ ɑ mɔ kpuro ye yɑ wɑ̃ɑ wɔllɔ kɑ ye yɑ wɑ̃ɑ temɔ. Wunɑ ɑ bɑndu dii, wunɑ ɑ kpuro kere.

Bɑndun Gɑri I 29:16

Gusunɔ bɛsɛn Yinni, wunɑ ɑ kpuro mɔ. Wunɛn min diyɑ ɑrumɑni yeni kpuro yɑ wee ye sɑ sɔɔru kuɑ su kɑ nun diru bɑniɑ te tɑ ko n wunɛn yĩsi dɛɛrɑru sɔɔwɑ.

Bɑndun Gɑri II 25:9

Mɑ Amɑsiɑ u sɔmɔ wi sɔ̃ɔwɑ u nɛɛ, ɑmɔnɑ kon ko tɛ̃ n kɑ nɛn sii ɡeesun ɡobi tɔnnu itɑ ye mwɑ ye nɑ Isirelibɑn tɑbu kowo be wɛ̃ mi. Yerɑ sɔmɔ wi, u nùn wisɑ u nɛɛ, Gusunɔ u koo kpĩ u nun wɛ̃ n ye kpuro kere.

Yoobu 34:13

Wɑrɑ u nùn woodɑ wɛ̃ u kɑ tem kpɑrɑ. Wɑrɑ u nùn mɛ kpuro nɔmu bɛriɑ.

Yoobu 41:11

N dɑ n sɑ̃ɑwɑ nɡe dɔ̃ɔ yɑri kɑ dɔ̃ɔ buriyɑ yi yɑrimɔ ɡen nɔɔn di.

Yoobu 41:3

Wɑrɑn dibɑ nɑ nɛni, kon bu kɔsiɑ. Domi ye yɑ wɑ̃ɑ hɑnduniɑ kpuro sɔɔ yɑ sɑ̃ɑwɑ nɛɡiɑ.

Womusu 50:10

Domi nɛnɑ nɑ ɡbeeku yɛɛ kpuro mɔ kɑ yi yi wɑ̃ɑ ɡuunɔ dɑbi dɑbinu.

Womusu 50:12

Ǹ n ɡɔ̃ɔrun nɑ tɑ mɑn mɔ̀, n ǹ wunɛ kon sɔ̃. Domi nɛnɑ nɑ hɑnduniɑ mɔ kɑ ye yɑ wɑ̃ɑ ye sɔɔ kpuro.

Womusu 89:11

A Eɡibitiɡibu tɑɑkɑ ɑ pɛsukɑ nɡe ɡoru. A be, wunɛn yibɛrɛbɑ yɑrinɑsiɑ kɑ wunɛn dɑm.

Womusu 89:12

Wunɑ ɑ wɔllu kɑ tem mɔ. Wunɑ ɑ hɑnduniɑ tɑkɑ kuɑ kɑ ye yɑ wɑ̃ɑ ye sɔɔ.

Womusu 98:7

Nim wɔ̃ku kɑ ye yɑ wɑ̃ɑ ɡe sɔɔ, yu nɔɔɡiru suo. Tem kɑ ye yɑ wɑ̃ɑ mɛ sɔɔ, yu womu koowo.

Yɑribu 19:5

Tɛ̃, ì n nɛn ɡere nuɑ, ì kun nɛn ɑrukɑwɑni kusie, i ko ko nɛn tiin tɔmbu n tɔmbu kpuro kere. Hɑnduniɑ kpuro sɑ̃ɑwɑ nɛɡiɑ,

Yɑribu 9:29

Mɑ Mɔwisi u nùn wisɑ u nɛɛ, nɑ̀ n yɑrɑ wuun di kon nɛn nɔmɑ suɑ wɔllɔ n Yinni Gusunɔ kɑnɑ, kpɑ ɡuru ɡbɑ̃sukunu kɑ ɡuru kpenu nu mɑri ɑ kɑ ɡiɑ mɑ wiyɑ hɑnduniɑ mɔ.

Dɑniɛli 4:25

Yenibɑ kpuro yɑ sinɑ boko Nɛbukɑnɛsɑɑ deemɑ.

Misee 4:13

Yinni Gusunɔ u nɛɛ, bɛɛ Yerusɑlɛmuɡibu, i seewo i bɛɛn yibɛrɛbɑ so nɡe ɑlikɑmɑ. Kon de i n dɑm mɔ nɡe kɛtɛn kɔbɑ ye yɑ dɑm mɔ nɡe sisu. Mɑ yen nɑɑ konnu nu dɑm mɔ nɡe sii ɡɑndu. I ko i bwese dɑbinu munkuwɑ. Kpɑ i ben ɑrumɑni ɡeɑ mwɑ i nɛ Gusunɔ tem kpuron Yinni yiiyɑ.

Nɑhumu 1:5

U derɑ ɡuunu bɑ̃ɑrimɔ. Mɑ ɡunɡunu diirimɔ. Mɑ tem kɑ mɛn tɔmbu bɑ yiiyɑrɑmɔ win wuswɑɑɔ.

Korinti I 10:26

Domi tem sɑ̃ɑwɑ Yinni Gusunɔɡim, kɑ ɡɑ̃ɑnu kpuro ni nu wɑ̃ɑ mɛ sɔɔ.

Sɔ̃ɔsiru 10:14

Domi wiyɑ u wɔllu mɔ kɑ tem kɑ ye yɑ wɑ̃ɑ mɛ sɔɔ.