Womusu 22:16 - Bibeli Gusunɔn Gari

¹⁶ Nɛn ɡɔ̃ru ɡɑ ɡberɑ nɡe sɔndu, mɑ nɛn yɑrɑ yɑ nɛn dɑro mɑni. Nɑ kpĩ yɑnim sɔɔ nɡe ɡoru.

Womusu 22:16 ပူးပေါင်းရင်းမြစ်များ

Womusu 22:1

Dɑfidin womu ɡe u wom kowobun wiruɡii kuɑ. U nɛɛ,

Womusu 22:20

Wunɛ Yinni Gusunɔ, wunɑ ɑ sɑ̃ɑ nɛn dɑm. A kun kɑ mɑn tonde mɛ. A nɑ fuuku ɑ mɑn fɑɑbɑ ko.

Womusu 38:11

Nɛn ɡɔ̃ru ɡɑ ǹ sɔ̃ sɛ̃ɛ, nɛn dɑm mɑn doonɑrimɔ. Wee nɛn nɔni kun mɑɑ wɑ̃ɑru tere.

Womusu 59:14

Yinni, ɑ bu kɑm koosio kɑ mɔru, kpɑ bɑ kun mɑɑ wɑ̃ɑ. Kpɑ bu ɡiɑ mɑ wunɑ ɑ bɑndu dii Yɑkɔbun bibu sɔɔ kɑ hɑnduniɑ kpuro sɔɔ.

Womusu 59:6

Gusunɔ Isirelibɑn Yinni, wunɛ wi ɑ wɔllu kɑ tem mɔ, ɑ seewo ɑ tɔn kɔ̃so be sɛɛyɑsiɑ be, be bɑ ǹ nun nɑsie. A ku ben ɡoon wɔnwɔndu ko.

Womusu 86:14

Yinni Gusunɔ, tii suobu bɑ mɑn seesi. Tɔn kɔ̃sobu bɑ kĩ bu mɑn hunde wunɑ, be, bèn bwisikunu ku rɑ n wɑ̃ɑ wunɛn mi ɡiɑ.

Esɑi 53:5

Bɛsɛn durum sɔ̃nɑ bɑ nùn sɔkɑ bɑ yɑbɑ. Bɛsɛn torɑnun sɔ̃nɑ bɑ win wɑsi kɔsiki. Wɑhɑlɑ ye yɑ nùn wɔri mi, yɑ kɑ sun ɑlɑfiɑ nɑɑwɑ. Sɑ bɛkurɑwɑ win mɛɛrɑ yen sɑɑbu.

Yeremi 12:6

Domi wunɛn mɛro bisibu kɑ wunɛn yɛnuɡibu bɑ nun nɑɑnɛ sɑrirun kom kuɑmmɛ. Wee bɑ nun nɔɔɡiru suemɔ biruɔ. A ku bu nɑɑnɛ ko, bɑɑ bɑ̀ n nun ɡɑri dori sɔ̃ɔmɔ.

Sɑkɑri 12:10

Kon de Dɑfidin yɛnuɡibu kɑ Yerusɑlɛmuɡibu bɑ n wɔnwɔndu mɔ kpɑ bɑ n dɑ kɑnɑru ko, kpɑ bu ɡɔsirɑmɑ nɛn mi, nɛ wi bɑ yɑɑsɑ sɔkɑ. Bɑ koo mɑn swĩisi nɡe wìn bii teereru tɑ ɡu. Bɑ koo swĩwɑ kɑ nuku sɑnkirɑ bɑkɑnu nɡe wìn bii ɡbiikoo u ɡu.

Mɑteu 26:57

Be bɑ Yesu mwɑ bɑ kɑ nùn dɑ Kɑifɑ yɑ̃ku kowo tɔnweron mi, mi woodɑ yɛ̃robu kɑ ɡuro ɡurobɑ mɛnnɛ.

Mɑteu 27:35

Bɑ nùn kpɑre dɑ̃ɑ bunɑnɑru sɔɔ, mɑ bɑ win yɑ̃nu tɛtɛ toosi bɑ bɔnu kuɑ.

Mɑteu 7:6

I ku ɡɑ̃ɑ dɛɛrɑnu bɔ̃nu wɛ̃ nu ku kɑ ɡɔsirɑ nu bɛɛ mɔnsimɑ. I ku mɑɑ bɛɛn ɡoo ɡobiɡinu kɔ̃ kurusɔnun suunu sɔɔ. Su koo nu tɑɑku.

Mɑɑku 15:24

Yerɑ bɑ nùn kpɑre dɑ̃ɑ bunɑnɑrɔ. Yen biru tɑbu kowo be, bɑ win yɑ̃nu tɛtɛ toosi bu kɑ wɑ ye ben bɑɑwure u koo suɑ. Nɡe mɛyɑ bɑ kɑ Yesun yɑ̃nu bɔnu koosinɑ.

Luku 23:23

Adɑmɑ bɑ wure bɑ nɔɔɡiru suɑ bɑ nɛɛ, bu nùn kpɑreo. Mɑ ben wurenu nu nùn kɑmiɑ.

Luku 23:33

Sɑnɑm mɛ bɑ turɑ yɑm mi n kɑ wii koko weenɛ, bɑ nùn dɑ̃ɑ bunɑnɑru kpɑre kɑ kɔ̃sɑn kowobu yiru ye, turo nɔm ɡeuɔ, turo nɔm dwɑrɔ.

Yohɑnu 19:23

Sɑnɑm mɛ tɑbu kowobu bɑ Yesu kpɑre bɑ kpɑ, bɑ win yɑ̃nu bɔnu kuɑ subɑ nnɛ, tɑbu kowo ben bɑɑwure sube teeru, bɑ mɑɑ win yɑbe bɑkɑru suɑ. Yɑbe te, tɑ ǹ yinɑ mɔ, bɑ tu wesɑwɑ yɑberu.

Yohɑnu 19:34

Adɑmɑ tɑbu kowobun turo u Yesu yɑɑsɑ sɔkɑ win yɛ̃sɑɔ, mɑ yɑnde yɛm kɑ nim mu yɑrɑ.

Yohɑnu 19:37

Gusunɔn ɡɑri mɑɑ nɛɛ, “Bɑ koo nùn mɛɛri wi bɑ sɔkɑ.”

Yohɑnu 20:25

Bwɑ̃ɑ be bɑ tie bɑ nùn sɔ̃ɔwɑ mɑ bɑ Yinni wɑ. Tomɑɑ u bu wisɑ u nɛɛ, mɑ n kun mɔ u kurum borɑ wɑ Yinnin nɔmɑ sɔɔ, mɑ u kun win niki biɑ doke mi kurum dɑɑ wɑ̃ɑ, kpɑ u win nɔmu doke Yinnin yɛ̃sɑɔ, u ǹ nɑɑnɛ dokemɔ.

Yohɑnu 20:27

Sɑnɑm mɛyɑ u Tomɑɑ sɔ̃ɔwɑ u nɛɛ, ɑ nɛn nɔmɑ mɛɛrio kpɑ ɑ wunɛn niki biɑ doke ye sɔɔ. A wunɛn nɔmu dɛmiɑmɑ ɑ doke nɛn yɛ̃sɑɔ. A nɑɑnɛ dokeo ɑ ku mɑɑ ko ɡɔ̃rusu yiruɡii.

Filipi 3:2

I n tii sɛ kɑ kɔ̃sɑn kowobu be bɑ sɑ̃ɑ nɡe bɔ̃nu, mɑ bɑ wɑsin bɑnɡo nɑɑnɛ sɑ̃ɑ.

Kɑ̃siru 22:15

Adɑmɑ kom kɔ̃sum kowobɑ kun duɔ wuu ɡe sɔɔ, kɑ dobo dobo kowobu kɑ sɑkɑrɑ kowobu kɑ tɔn ɡowobu kɑ bũu sɑ̃ɔbu kɑ bɑɑwure wi u weesu kĩ u mɔ̀.