Womusu 22:11 - Bibeli Gusunɔn Gari

¹¹ Wunɑ ɑ mɑn kɔ̃su sɑɑ mìn di bɑ mɑn mɑrɑ. Wunɑ ɑ sɑ̃ɑ nɛn Yinni sɑɑ nɛn mɛron nukurun di.

Womusu 22:11 ပူးပေါင်းရင်းမြစ်များ

Sinɑmbu II 14:26

Mɛyɑ Yinni Gusunɔ u Isirelibɑn nɔni swɑ̃ɑru wɑ tɑ kpɑ̃. Domi be kpurowɑ bɑ yoru dimɔ, bɑ ǹ mɑɑ ɡoo mɔ wi u koo bu wɔrɑ.

Womusu 10:1

Yinni Gusunɔ, sɑ nɔni sɔ̃ɔre. Mbɑn sɔ̃nɑ ɑ kɑ sun tomɑ. Mbɑn sɔ̃nɑ ɑ kukuɑ.

Womusu 35:22

Yinni Gusunɔ, wunɑ ɑ ye kpuro wɑɑmɔ. Yen sɔ̃, ɑ ku nɔɔ mɑri, ɑ ku mɑɑ kɑ mɑn tondɑ.

Womusu 38:21

Kɔ̃sɑ bɑ mɑn kɔsiemɔ, ye nɑ bu ɡeɑ kuɑ. Bɑ nɛn kɔ̃sɑ kɑsu yèn sɔ̃ nɑ rɑ n ɡeɑ mɔ̀.

Womusu 69:18

A ku nɛ wunɛn sɔm kowo biru kisi. A mɑn wurɑrio fuuku, wee nɑ wɑ̃ɑ nuku sɑnkirɑ bɑkɑnu sɔɔ.

Womusu 71:12

Ǹ n mɛn nɑ, Gusunɔ nɛn Yinni, ɑ ku mɑn deri. A nɑ fuuku ɑ mɑn somi.

Womusu 71:6

Sɑɑ dɔmɑ tèn di bɑ mɑn mɑrɑ, wunɛ sɔɔrɑ nɛn nɑɑnɛ yɑ wɑ̃ɑ. Wunɑ ɑ mɑɑ mɑn yɑrɑ nɛn mɛron nukurun di. Wunɑ ko nɑ n siɑrɑmɔ bɑɑdommɑ.

Womusu 72:12

Domi kon sɑ̃ɑro wi u weeweenu mɔ̀ wɔrɑ, kpɑ n bwɛ̃ɛbwɛ̃ɛ wi u kun ɡoo mɔ somi.

Esɑi 63:5

Nɑ mɛɛrɑ mɛɛrɑ nɑ biti soorɑ. Nɑ ǹ wɑ wi u koo mɑn somi. Goo sɑri wi u koo mɑn dɑm kɛ̃. Adɑmɑ nɛn mɔru yɑ mɑn dɑm sosiɑ nɑ kɑ nɑsɑrɑ wɑ.

Mɑteu 26:56

Adɑmɑ ye kpuro yɑ koorɑwɑ kpɑ Gusunɔn sɔmɔbun ɡɑri yi kɑ koorɑ yi yi wɑ̃ɑ Gusunɔn ɡɑri sɔɔ. Yerɑ win bwɑ̃ɑbu kpuro bɑ nùn deri bɑ duki suɑ.

Mɑteu 26:72

Mɑ Piɛɛ kpɑm siki kɑ bɔ̃ri u nɛɛ, nɑ ǹ durɔ wi yɛ̃.

Mɑteu 26:74

Yerɑ u bɔ̃ruɑ u sɔnnɑ u nɛɛ, nɑ ǹ durɔ wi yɛ̃. Mii mii mɑ ɡoo dɔɔ ɡɑ swĩ.

Yohɑnu 16:32

I lɑɑkɑri koowo, sɑɑ yɑ sisi yɑ mɑm tunumɑ kɔ ye bɑ koo kɑ bɛɛ kpuro yɑrinɑsiɑ, bɑɑwure u kɑ dɑ win yɛnuɔ. I ko mɑn deri nɛ turo, ɑdɑmɑ nɑ ǹ wɑ̃ɑ nɛ turo yèn sɔ̃ Bɑɑbɑ u wɑ̃ɑ kɑ nɛ.

Sɔ̃ɔsiru 32:36

Yinni Gusunɔ ù n deemɑ win tɔmbu bɑ ǹ dɑm mɔ, bɑ ǹ mɑɑ tɑ̃si yeru ɡɑru mɔ, u koo bu siriɑ, kpɑ u be, win sɔm kowobun wɔnwɔndu wɑ.

Heberu 5:7

Yesun hɑnduniɑn wɑ̃ɑru sɔɔ u Gusunɔ kɑnɑ wi u koo kpĩ u nùn wɔrɑ ɡɔɔn nɔmɑn di. U mɑɑ nùn suuru kɑnɑ kɑ wuri bɛkɛ kɑ yĩresu. Mɑ Gusunɔ u nùn swɑɑ dɑki win wii kpĩibun sɔ̃.