Womusu 20:8 - Bibeli Gusunɔn Gari

⁸ Gɑbɑ ben tɑbu kɛkɛbɑ kɑ ben dumi nɑɑnɛ sɑ̃ɑ, ɑdɑmɑ bɛsɛ, wunɛ Yinni Gusunɔwɑ sɑ nɑɑnɛ sɑ̃ɑ.

Womusu 20:8 ပူးပေါင်းရင်းမြစ်များ

Sinɑmbu II 19:23

Win sɔmɔbɑ nɑ, bɑ wi, Yinni Gusunɔ wɔnwɑ. Mɑ u nɛɛ, kɑ win tɑbu kɛkɛ dɑbirɑ u yɔɔwɑ Libɑnin ɡuu ni nu bon wɔllɔ. Mɑ u duɑ sere sere yen dɑ̃ɑ sɔ̃ɔn sɔɔwɔ u ɡen dɑ̃ɑ ɡeɑ ye bɑ mɔ̀ sɛduru kɑ sipɛrɛ ye yɑ ɡunum bo bɔɔrɑ.

Bɑndun Gɑri II 14:10

Mɑ Asɑ u Gusunɔ win Yinni kɑnɑ u nɛɛ, Yinni Gusunɔ, wunɛ turowɑ kɑɑ kpĩ ɑ dɑmɡii ǹ kun mɛ dɑm sɑriruɡii somiru nɑ. Yen sɔ̃, ɑ nɑ ɑ sun somi. Domi wunɛ sɔɔrɑ sɑ tɑ̃sɑ. Mɛyɑ kɑ wunɛn yĩsirɑ sɑ kɑ tɔn dɑbi teni wɔrim nɑ. Gusunɔ bɛsɛn Yinni, ɑ ku de tɔnu u nɑsɑrɑ wɑ wunɛn wɔllɔ.

Bɑndun Gɑri II 14:11

Mɑ Yinni Gusunɔ u derɑ Asɑ kɑ Yudɑbɑ bɑ Etiopiɡibu kɑmiɑ, bɑ duki yɑrinɑ Yudɑbɑn wuswɑɑn di.

Ɛsidɑrɑsi 8:22

Seku bɑkɑrɑ n kɑ mɑɑ sinɑ boko kɑnɑ u kɑ mɑn tɑbu kowobu kɑ mɑɑsɔbu kɛ̃ bu sun yɔ̃siri bɛsɛn sɑnum mɛ sɔɔ yibɛrɛbɑn sɔ̃. Domi sɑ rɑɑ nùn sɔ̃ɔwɑ sɑ nɛɛ, be bɑ Gusunɔ kɑsu, berɑ u rɑ n kɑ wɑ̃ɑ, kpɑ u be bɑ nùn biru kisi dɑm sɔ̃ɔsi kɑ mɔru.

Womusu 124:8

Yinni Gusunɔwɑ u sɑ̃ɑ bɛsɛn fɑɑbɑ kowo. Wiyɑ u wɔllu kɑ tem tɑkɑ kuɑ.

Womusu 125:1

Sɑ̃ɑ dɑɑrun womu. Ge wee. Be bɑ Yinni Gusunɔ nɑɑnɛ sɑ̃ɑ, bɑ rɑ n yɔ̃wɑ dim dim nɡe Siɔnin ɡuuru. Tɑ ku rɑ bɑ̃ɑri. Tɑ ko n yɔ̃wɑ sere kɑ bɑɑdommɑɔ.

Womusu 33:16

Sinɑ boko ù n nɑsɑrɑ wɑ tɑbu sɔɔ, n ǹ mɔ yèn sɔ̃ u tɑbu kowo dɑbiru mɔ. N ǹ mɑɑ tɑbu durɔn dɑm mu rɑ nùn yɑre win yibɛrɛn nɔmɑn di.

Womusu 33:17

Wi u win nɑɑnɛ doke dumɑ sɔɔ, u ǹ nɑsɑrɑ wɑsi. Mɛyɑ kɑ yen dɑm kpuro yɑ ǹ kpɛ̃ yu nùn wɔrɑ kɑrin di.

Mɔnnu 21:31

Tɔnu u koo kpĩ u win dumi tɑbu yɑ̃ɑ ɡeenu sebusiɑ tɑbun sɔ̃, ɑdɑmɑ Yinni Gusunɔwɑ u rɑ tɔnu nɑsɑrɑ wɛ̃.

Osee 14:4

Asiriɡii wi, u ǹ kpɛ̃ u sun fɑɑbɑ ko. Sɑ mɑɑ yɛ̃ mɑ dumi kun sun fɑɑbɑ mɔ̀ tɑbu sɔɔ. Sɑ ǹ mɑɑ bwɑ̃ɑroku ni sɑ tii kuɑ sokumɔ bɛsɛn yinnibu pɑi. Domi wunɑ ɑ rɑ ɡobekubɑ wɔnwɔndu kue.

Misee 7:8

Bɛɛ be i sɑ̃ɑ bɛsɛn yibɛrɛbɑ, i ku yɛ̃ɛ ye yɑ sun deemɑn sɔ̃. Bɑɑ sɑ̀ n wɔrumɑ, sɑ ko se. Sɑ̀ n mɑɑ wɑ̃ɑ yɑm wɔ̃kuru sɔɔ, Yinni Gusunɔwɑ u ko n sɑ̃ɑ bɛsɛn yɑm bururɑm.

Yosue 11:4

Sinɑm be kpuro bɑ seewɑ kɑ ben tɑbu kowo dɑbi dɑbinu nɡe yɑni sɛɛri yi yi wɑ̃ɑ nim wɔ̃kun bɔkuɔ. Mɛyɑ bɑ mɑɑ tɑbu kɛkɛbɑ mɔ kɑ dumi dɑbi dɑbinu.

Kpɑrobu 5:31

Yinni Gusunɔ, ɑ de wunɛn yibɛrɛbɑ kpuro bu ɡbi nɡe Siserɑ. Adɑmɑ be bɑ nun kĩ, bɑ n bɑllimɔ nɡe sɔ̃ɔ wii wɔllun sɔ̃ɔ. Yen biruwɑ tem mɛ, mu bɔri yɛndu wɑ wɔ̃ɔ weeru.

Sɑmuɛli I 17:45

Dɑfidi wi, u Filisiti wi sɔ̃ɔwɑ u nɛɛ, wunɛ wee ɑ kɑ mɑn sɑnnɔ wee kɑ tɑkobi kɑ yɑɑsɑ kɑ sɑkɑ. Adɑmɑ nɛ, nɑ kɑ nun sɑnnɔ weewɑ kɑ Gusunɔ wɔllu kɑ tem Yinnin yĩsiru, wi u mɑɑ sɑ̃ɑ Isirelibɑn tɑbu kowobun Yinni wi ɑ nɔɔ kɑsu.