Womusu 20:3 - Bibeli Gusunɔn Gari

³ Yinni Gusunɔ, wunɛ wi ɑ wɑ̃ɑ wunɛn sɑ̃ɑ yee dɛɛrɑrɔ te tɑ wɑ̃ɑ Siɔniɔ, ɑ sinɑ boko somimɑ, kpɑ ɑ n yɔ̃ win biruɔ.

Womusu 20:3 ပူးပေါင်းရင်းမြစ်များ

Torubu 4:4

Mɑ Abɛli mɑɑ kɑ wiɡiru nɑ te u ɡɔsɑ sɑɑ win yɑɑ sɑbenun bii ɡbiikinun di ni nu bɔɔru. Yinni Gusunɔ u kɑ Abɛli nɔni ɡeu mɛɛrɑ mɑ u win kɛ̃ru mwɑ.

Bɑndun Gɑri I 21:26

Dɑfidi u Yinni Gusunɔ yɑ̃ku yeru bɑniɑ mi. Mɑ u yɑ̃ku dɔ̃ɔ mwɑɑrɑruɡinu kɑ siɑrɑbun yɑ̃kunu kuɑ. Yen biru u Yinni Gusunɔ kɑnɑ. Mɑ Yinni Gusunɔ u win kɑnɑru mwɑ, u derɑ dɔ̃ɔ u sɑrɑmɑ wɔllun di yɑ̃ku yeru wɔllu mi, u yɑ̃ku ni mwɑ.

Bɑndun Gɑri II 7:1

Sɑnɑm mɛ Sɑlomɔɔ u kɑnɑru kuɑ u kpɑ, yerɑ dɔ̃ɔ u sɑrɑmɑ wɔllun di u yɑ̃ku dɔ̃ɔ mwɑɑrɑruɡii ni kɑ yɑ̃ku ni nu tie mwɑ. Mɑ Yinni Gusunɔn yiikon ɡirimɑ yɑ dii te wukiri.

Womusu 128:5

Yinni Gusunɔ u nun domɑru kuo Siɔnin di, kpɑ ɑ n wɑɑmɔ nɡe mɛ Yerusɑlɛmu yɑ kuurɑmɔ wunɛn wɑ̃ɑrun tɔ̃ru kpuro sɔɔ.

Womusu 134:3

Yinni Gusunɔ u bɛɛ domɑru kuo Siɔnin di wi, wi u wɔllu kɑ tem tɑkɑ kuɑ.

Womusu 51:19

Yɑ̃ku te tɑ nun wɛ̃re, teyɑ ɡɔ̃ru ɡe ɡɑ tii kɑwɑ. Gusunɔ, ɑ ǹ tɔmbu yinɑmɔ be bɑ tuubɑ kuɑ kɑ tii kɑwɑbu.

Esɑi 60:7

Bɑ koo nun Kedɑɑn yɑɑ sɑbenu mɛnnɑmɑ, kpɑ bu kɑ nun Nɛbɑyɔtun yɑ̃ɑ kinɛnu nɑɑwɑ ɑ kɑ nu yɑ̃kuru ko ni nu koo mɑn wɛ̃re, kpɑ n nɛn sɑ̃ɑ yeru bɛɛrɛ sosi n kere yellu.

Sɑ̃ɑrun Woodɑ 9:24

Mɑ dɔ̃ɔ yɑri yɑrɑ win wuswɑɑn di yi dɑ yi yɑ̃ku dɔ̃ɔ mwɑɑrɑruɡii te mwɑ kɑ yɑ̃ku ni nu tien yɑɑ ɡum mɛ. Mɑ Isirelibɑ kpuro bɑ ye wɑ. Mɑ bɑ nuku dobun kuuki wɔri bɑ yiirɑ sere temɔ.

Gɔrobun Kookoosu 10:4

U ɡɔrɑdo wi nɔni ɡirɑri tii tii kɑ bɛrum u nɛɛ, mbɑ n kuɑ yinni. Gɔrɑdo nùn sɔ̃ɔwɑ u nɛɛ, Gusunɔ u wunɛn kɑnɑru mwɑ, u mɑɑ wunɛn sɔm ɡeenu wɑ mɑ u nun yɑɑyɑ.

Efesu 5:2

I de bɛɛn wɑ̃ɑrun kookoosu su n kĩru mɔ nɡe mɛ Kirisi u sun kĩɑ mɑ u win wɑ̃ɑru wɛ̃ bɛsɛn sɔ̃ nɡe yɑ̃ku nubu duroruɡiru te tɑ Gusunɔ dore.

Piɛɛ I 2:5

I nɑ bɛɛn tii nɡe kpee wɑsinu bu kɑ bɛɛ dendi bu kɑ hunden wɑ̃ɑ yeru bɑni. Miyɑ i ko n sɑ̃ɑ yɑ̃ku kowo dɛɛrobu be bɑ tii Gusunɔ wɛ̃ɛmɔ nɡe yɑ̃ku ni u koo mwɑ Yesu Kirisin sɑɑbu.