Womusu 2:12 - Bibeli Gusunɔn Gari

¹² kpɑ u ku rɑɑ mɔru ko subɑru sɔɔ. Domi win mɔru yɑ̀ n seewɑ, u koo de i kɑm ko. Adɑmɑ doo nɔɔruɡibɑ be bɑ nùn nɑɑnɛ sɑ̃ɑ kpuro.

Womusu 2:12 ပူးပေါင်းရင်းမြစ်များ

Torubu 41:40

Kon nun ko nɛn yɛnu yɛ̃ro. Nɛn tɔmbu kpuro bɑ koo wunɛn ɡɑri mɛm nɔɔwɑ. Nɛn sinɑ ɡɔnɑ tɔnɑwɑ ko nɑ n kɑ nun kere.

Sinɑmbu I 19:18

Adɑmɑ kon tɔmbu nɔrɔbun subɑ nɔɔbɑ yiru (7.000) deri Isirelibɑ sɔɔ, be bɑ kun yiirɑre bũu wi bɑ mɔ̀ Bɑɑlin nuurɔ bu nùn sɑ̃.

Womusu 1:6

Domi win swɑɑ dɔɔwɑ kɑm koo yerɔ. Adɑmɑ Yinni Gusunɔwɑ u ɡemɡibu swɑɑ ɡbiiye.

Womusu 109:20

Yeniwɑ Yinni Gusunɔ u koo de yu nɛn yibɛrɛbɑ kɑ be bɑ mɑn kɔ̃sɑ ɡerusimɔ deemɑ.

Womusu 2:7

Sunɔ wi, u nɛɛ, kon kpɑrɑ ye Yinni Gusunɔ u mɑn sɔ̃ɔwɑ. U nɛɛ, ɡisɔ nɑ kuɑ win bii. Gisɔ u kuɑ nɛn tundo.

Womusu 31:20

Yinni Gusunɔ, wunɛn durom mu kpɑ̃, mɛ ɑ be bɑ nun nɑsie yiiye, kɑ be bɑ ben nɑɑnɛ doke wunɛ sɔɔ. Tɔmbu bɑ koo kpĩ bu wɑ durom mɛ ɑ rɑ bu kue.

Womusu 34:8

Win ɡɔrɑdo u rɑ be bɑ nùn nɑsie kɔ̃su, kpɑ u bu yɑrɑ kɑrin di.

Womusu 34:9

I nɑ, i win durom dendɑ kpɑ i wɑ nɡe mɛ mu kpɑ̃. Doo nɔɔruɡiiwɑ wi u kuku yeru kɑsu win mi.

Womusu 40:4

Gusunɔ u derɑ nɑ womu kpɔɔ mɔ̀ ɡe nɑ kɑ nùn siɑrɑmɔ. Tɔn dɑbiru tɑ nuɑ mɑ tɑ bɛrum kuɑ, mɑ tɑ ten nɑɑnɛ doke Yinni Gusunɔ sɔɔ.

Womusu 84:12

Yinni Gusunɔ, ɑ sɑ̃ɑwɑ nɡe sɔ̃ɔ. A mɑɑ sɑ̃ɑwɑ nɡe tɛrɛru. Wunɑ ɑ rɑ tɔmbu durom kɑ bɛɛrɛ kue. Be bɑ sĩimɔ ɡem sɔɔ, ɑ ku rɑ kɑ bu ɡeɑ yinɑri.

Mɔnnu 16:20

Wi u rɑ bwisiku u sere ɡɑ̃ɑnu ko, u rɑ kuurewɑ. Mɛyɑ wi u mɑɑ Yinni Gusunɔ nɑɑnɛ sɑ̃ɑ, u rɑ n nuku dobu mɔ.

Esɑi 30:18

Yinni Gusunɔ u tɔ̃ru mɑrɑ tè sɔɔ u koo bɛɛ durom kuɑ kpɑ u bɛɛ wɔnwɔndu sɔ̃ɔsi. Domi u sɑ̃ɑwɑ ɡemɡii. Doo nɔɔruɡibɑ be bɑ nùn nɑɑnɛ sɑ̃ɑ.

Yeremi 17:7

Adɑmɑ domɑruɡiiwɑ wi u win nɑɑnɛ doke nɛ, Yinni Gusunɔ sɔɔ, mɑ win toro sindu tɑ wɑ̃ɑ nɛ sɔɔ.

Osee 13:2

Wee sere kɑ tɛ̃, bɑ durum mɔ̀ bɑ dɔɔ. Bɑ tii bwɑ̃ɑroku sii ɡeesuɡinu kuɑ. Ben tiiwɑ bɑ bwisikɑ mɑ bɑ nu sekɑ kɑ ben nɔmɑ nu kɑ nɑɑ binu weenɛ. Mɑ bɑ ɡerumɔ nin sɔ̃ bɑ mɔ̀, be bɑ yɑ̃kuru nɑ, bu yiiro bu nɑɑ bii ni sɔ̃su.

Sofoni 2:2

Yinni Gusunɔn himbɑ yu sere koorɑ. Kpɑ tɔ̃ɔ te, tu ku rɑɑ bɛɛ sɑmbɑ ko nɡe doo sɑko ɡe ɡɑ kɑ woo doonɔ. I de i sinɑ i bwisiku Yinni Gusunɔn mɔru bɑkɑ yen tɔ̃ru tu sere tunumɑ tu bɛɛ deemɑ.

Yohɑnu 14:6

Yesu u nùn sɔ̃ɔwɑ u nɛɛ, nɛnɑ nɑ swɑɑ, nɛnɑ nɑ ɡem, nɛnɑ nɑ wɑ̃ɑru, ɡoo sɑri wi u koo dɑ Bɑɑbɑn mi mɑ n kun mɔ sɑɑ nɛn min di.

Yohɑnu 5:23

kpɑ tɔmbu kpuro bu kɑ Bii bɛɛrɛ wɛ̃ nɡe mɛ bɑ Bɑɑbɑ bɛɛrɛ wɛ̃ɛmɔ. Wi u kun Bii bɛɛrɛ wɛ̃, Bɑɑbɑwɑ u ǹ bɛɛrɛ wɛ̃, wi u nùn ɡɔrimɑ.

Romu 10:11

Nɡe mɛ bɑ yoruɑ Gusunɔn ɡɑri sɔɔ bɑ nɛɛ, “Bɑɑwure wi u nùn nɑɑnɛ doke, u ǹ sekuru wɑsi.”

Romu 9:33

tèn ɡɑri bɑ yoruɑ bɑ nɛɛ, “N wee, nɑ kpee sokurɑtiru dokemɔ Siɔniɔ, kpee te tɑ rɑ torɑsie. Adɑmɑ wi u nùn nɑɑnɛ doke u ǹ sekuru wɑsi.”

Efesu 1:12

Ǹ n mɛn nɑ, i de su Gusunɔ bɛɛrɛ wɛ̃, bɛsɛ be sɑ ɡbiɑ sɑ yĩiyɔbu mɔ Kirisin mi.

Piɛɛ I 1:21

Sɑɑ win min diyɑ i Gusunɔ nɑɑnɛ doke wi u nùn seeyɑ ɡɔrin di mɑ u nùn yiiko wɛ̃. Nɡe mɛyɑ i bɛɛn nɑɑnɛ kɑ bɛɛn yĩiyɔbu doke Gusunɔ sɔɔ.

Piɛɛ I 2:6

Domi bɑ yoruɑ Gusunɔn ɡɑri sɔɔ, Gusunɔ u nɛɛ, “Nɑ kpee bɛɛrɛɡiru ɡɔsɑ nɑ tu kuɑ ɡɑni ɡɔmburun dɑm Siɔniɔ. Wi u tu nɑɑnɛ doke, u ǹ sekuru wɑsi.”

Sɑmuɛli I 10:1

Mɑ Sɑmuɛli u ɡum kpɑrɑbɑ piibu suɑ u ɡen ɡum tɑ̃re Sɔɔlun wirɔ u nùn bɔkɑsi u nɛɛ, nɑ yeni kuɑwɑ ɑ n kɑ yɛ̃ mɑ Yinni Gusunɔwɑ u nun ɡɔsɑ ɑ kɑ ko win tɔmbun sunɔ.