Womusu 19:9 - Bibeli Gusunɔn Gari

⁹ Yinni Gusunɔn ɡere yɑ dɛnde. Yɑ rɑ tɔnu nuku dobu wɛ̃. Yinni Gusunɔn sɔ̃ɔsiru tɑ dɛɛre. Tɑ rɑ tɔnu yɑm wɑɑsie.

Womusu 19:9 ပူးပေါင်းရင်းမြစ်များ

Torubu 22:12

Mɑ ɡɔrɑdo wi, u nɛɛ, ɑ ku rɑ bii wi bɑbɑ, ɑ ku nùn ɡɑ̃ɑnu ɡɑnu kuɑ. Domi nɑ ɡiɑ tɛ̃ mɑ ɑ mɑn nɑsie, ɑ ǹ mɑɑ kɑ mɑn wunɛn bii teere te yinɑri.

Torubu 42:18

Sɔ̃ɔ itɑse terɑ u bu sɔ̃ɔwɑ u nɛɛ, nɑ Gusunɔ nɑsie. Yen sɔ̃, i koowo mɛni kpɑ i wɑ i n kɑ wɑ̃ɑ.

Sinɑmbu I 18:12

Nɑ̀ n doonɑ kpɑ Gusunɔn Hunde u nun suɑ u kɑ dɑ mi nɑ ǹ yɛ̃. Sɑɑ ye sɔɔ, nɑ̀ n Akɑbu sɔ̃ɔwɑ nɑ nun wɑ kpɑ u nɑ u nun biɑ, ɑ n yɛ̃ mɑ u koo mɑn ɡowɑ. N deemɑ nɑ Gusunɔ nɑsiewɑ sɑɑ nɛn piiburun di.

Nɛɛmi 5:15

Adɑmɑ n sere tunumɑ mi, kpɑro be bɑ rɑɑ wɑ̃ɑ mi, bɑ rɑ tɔmbu wɔ̃ɔ ɡobi burewɑ n kpɑ̃ kpɑ bu bu dĩɑnu mwɑɑri kɑ tɑm kɑ sere mɑɑ sii ɡeesun ɡobi weeru. Yen biru, ben sɔm kowobu bɑ rɑ n tɔmbu dɑm dɔremɔwɑ. Adɑmɑ nɛ, nɑ ǹ kue mɛ, yèn sɔ̃ nɑ Gusunɔ nɑsie.

Womusu 10:5

Ye bɑ niɑ sɑ̃ɑ, yɑ rɑ koorewɑ. Bɑ ǹ kpɛ̃ bu Gusunɔn siribu tubu. Bɑ rɑ ben yibɛrɛbɑ yɑ̃ɑtɑm siewɑ.

Womusu 111:10

À n kĩ ɑ ko bwisiɡii, ɑ de ɑ ɡinɑ Gusunɔ nɑsiɑ. Be bɑ bwisi mɔ, beyɑ bɑ rɑ yirɑ ye swĩi. Win bɛɛrɛ yɑ ko n wɑ̃ɑwɑ sere kɑ bɑɑdommɑɔ.

Womusu 115:13

U koo be bɑ nùn nɑsie domɑru kuɑ, bukurobu kɑ bibu.

Womusu 119:1

Doo nɔɔruɡibɑ be bɑ kun tɑɑrɛ mɔ ben sɑnu sɑnusu sɔɔ, mɑ bɑ sĩimɔ nɡe mɛ Yinni Gusunɔn woodɑ yɑ bu sɔ̃ɔsimɔ.

Womusu 119:106

Nɑ bɔ̃ruɑ nɑ sire nɑ nɛɛ, kon wunɛn sɔ̃ɔsiru mɛm nɔɔwɑ, domi tɑ sɑ̃ɑwɑ dee dee.

Womusu 119:111

Wunɛn ɡɑri sɑ̃ɑwɑ nɛn tubi kɑ bɑɑdommɑɔ, domi yi sɔɔrɑ nɛn ɡɔ̃ru dobu wɑ̃ɑ.

Womusu 119:142

Wunɛn ɡem mu ku rɑ kpe. Mɛyɑ wunɛn ɡɑri yi sɑ̃ɑwɑ ɡem.

Womusu 119:39

A mɑn yɑro seku te nɑ nɑsien di, wunɛn siribu bu rɑ n wɑ̃.

Womusu 119:62

Wɔ̃ku suunu nɑ rɑ sewɑ n nun siɑrɑ wunɛn siri bi ɑ rɑ ko dee deen sɔ̃.

Womusu 119:7

Nɑ̀ n wunɛn sɔ̃ɔsi ɡeeru ɡiɑ, kon nun siɑrɑ kɑ ɡɔ̃ru tiɑ.

Womusu 119:75

Yinni Gusunɔ, nɑ yɛ̃ mɑ wunɛn siribu bu sɑ̃ɑwɑ dee dee. Wunɛn bɔrɔkinirun sɔ̃nɑ ɑ mɑn sekuru doke.

Womusu 12:7

Yinni Gusunɔ, wunɛn ɡɑri yi dɛɛrewɑ. Yi sɑ̃ɑwɑ nɡe sii ɡee si bɑ sɔwɑ nɔn nɔɔbɑ yiru. Yinni Gusunɔ, nɑ yi nɑɑnɛ sɑ̃ɑ.

Womusu 147:19

U win ɡɑri kɑ win woodɑbɑ kɑ win ɡere Yɑkɔbu wi bɑ mɔ̀ Isireli sɔ̃ɔwɑ.

Womusu 36:1

Womu ɡe Dɑfidi Gusunɔn sɔm kowo u wom kowobun wiruɡii kuɑ. U nɛɛ,

Womusu 36:6

Adɑmɑ Yinni Gusunɔ, wunɛn durom mu wɑ̃ɑwɑ sere kɑ wɔllɔ. Wunɛn bɔrɔkiniru tɑ mɑɑ sɔ̃ɔsire sere kɑ ɡuru winɔ.

Yɑribu 21:1

Yinni Gusunɔ u Mɔwisi sɔ̃ɔwɑ u nɛɛ, ɑ Isirelibɑ woodɑ yeni wɛ̃ɛyɔ.

Mɔnnu 8:13

À n kĩ ɑ Yinni Gusunɔ bɛɛrɛ wɛ̃, ɑ de ɑ kɔ̃sɑ tusi. Nɑ tii suɑbu kɑ yɛ̃kɔ kɑ kɔ̃sɑn kookoosu kɑ keetɑn ɡɑri tusɑ.

Esɑi 26:8

Yinni Gusunɔ, swɛɛ yi kɑɑ sun sure kpuro, wunɑ sɑ ko n nɑɑnɛ sɑ̃ɑ, su kɑ sĩ yi sɔɔ. Ye bɛsɛn ɡɔ̃ru ɡɑ kĩ, yerɑ su nun yɑɑyɑ kpɑ su nun sɑ̃.

Esɑi 45:19

U ǹ win ɡɑri ɡeruɑ ɡbɛnum ɡbɛnum. U yi kpɑrɑwɑ bɑtumɑ sɔɔ. U ǹ mɑɑ Yɑkɔbun bweseru sɔ̃ɔwɑ u nɛɛ, tu nùn kɑsuo kɑm sɔɔ. Wi, Yinni Gusunɔ, ɡeeyɑ u rɑ ɡere. Gem ɡɑriyɑ u rɑ mɑɑ kpɑre.

Gɔrobun Kookoosu 10:22

Bɑ nɛɛ, Kɔɔnɛru tɑbu sunɔwɑ nun kɑsu, wi u sɑ̃ɑ ɡeeɡii u Gusunɔ sɑ̃ɑmɔ mɑ Yuubɑ kpuro bɑ win seedɑ ɡeɑ dimɔ. Wɔllun ɡɔrɑdo dɛɛro ɡoowɑ nùn sɔ̃ɔwɑ u nun kɑsusio kpɑ u wunɛn nɔɔn ɡɑri nɔ.

Romu 11:22

Ǹ n mɛn nɑ, ɑ Gusunɔn tɔn ɡeeru kɑ mɑɑ win sɛ̃sɔ mɛɛrio. U sɛ̃ kɑ be bɑ wɔrumɑ, ɑdɑmɑ u sɑ̃ɑ tɔn ɡeo wunɛn mi, ɑ̀ n ɡesi yɔ̃ dim dim win tɔn ɡeeru sɔɔ. Mɑ n kun mɛ, bɑ koo mɑɑ wunɛn tii burɑ.

Romu 2:2

Sɑ yɛ̃ mɑ Gusunɔ u ɡem mɔ ù n bu tɑɑrɛ wɛ̃ɛmɔ be bɑ mɛn bweseru mɔ̀.

Sɔ̃ɔsiru 4:8

Bweseru ɡɑrɑ wɑ̃ɑ bɑɑ ni nu kpɑ̃ɑru bo sɔɔ tèn yiirebu kɑ ten woodɑbɑ bɑ sɑ̃ɑ dee dee nɡe woodɑ be nɑ bɛɛ wɛ̃ ɡisɔ?

Kɑ̃siru 15:3

Bɑ Mɔwisi Gusunɔn sɔm kowon womu mɔ̀ kɑ mɑɑ Yɑ̃ɑ kinɛ kpɛnduɡuu bɑ mɔ̀, “Yinni Gusunɔ dɑm kpuroɡii, wunɛn sɔmɑ kpɑ̃, yɑ mɑɑ sɑ̃ɑ mɑɑmɑɑki. Wunɑ ɑ tem kpuron sinɑ boko. Wunɛn swɛɛ yi sɑ̃ɑ ɡem, yi dɛnde.

Kɑ̃siru 16:7

Yen biru nɑ nɔɔ ɡɑɡu nuɑ sɑɑ yɑ̃ku yeru min di ɡɑ nɛɛ, ɡeemɑ Gusunɔ Yinni dɑm kpuroɡii, wunɛn siribu sɑ̃ɑ ɡem bu mɑɑ dɛnde.

Kɑ̃siru 19:2

Win siribu sɑ̃ɑ ɡem bu mɑɑ dɛnde. Domi u kurɔ tɑnɔ kpoko wi siri wi u hɑnduniɑ kpuro sɑnkɑ kɑ win dɑɑ bɛrɛtɛkɛ mɑ u nùn sɛɛyɑsiɑ yèn sɔ̃ u win sɔm kowobu ɡo.

Sɑmuɛli I 12:24

I n ɡesi Yinni Gusunɔ nɑsie kpɑ i n nùn sɑ̃ɑmɔ kɑ nuku tiɑ kɑ bɛɛn ɡɔ̃rusu kpuro, kpɑ i n yɑɑye ɡɑ̃ɑ bɑkɑ ni u bɛɛ kuɑ.